柱侯牛腩 (食譜)

柱侯炆牛腩 - 上星期有親友從美國回港，我邀請佢地黎食飯，整左幾味家常小菜，呢個係其中一個菜式，佢地好鐘意，因為佢地話o係美國無幾乜機會食到呀！其實呢個菜唔難整，仲好好美，不過製作時間要長ｄ嗟。　

食譜：

材料：急凍牛腩條一包、牛筋2磅，蘿蔔1條、八角兩粒、薑片
調味料︰生抽、冰糖、水，柱侯醬

做法：
 
1.先把牛腩條一開二加蔥和薑汆水，(原條亦可)2. 把八角用袋子裝好，連同牛腩放進鍋中
3. 加進調味料，水的份量要足以蓋住牛腩
4. 蓋上鍋蓋炆至沸騰(30分鐘)，熄火後繼續焗15分鐘
5. 第4程序重覆兩次 (如要加牛筋可再重覆第二次時加入) 6. 蘿蔔切塊，加進原鍋牛腩內細火煮30 分鐘，試味及最後調味，完成!
註：  牛筋可選急凍牛筋，先出水，過冷河，(6)時加入與牛腩同煮

杏仁曲奇

星期日閑來無事，”返炒”過期飲食男女，見到Ricky Cheung  o既杏仁合桃曲奇，材料簡單，仲有埋圖解，連新手都唔會有難度。  家中材料櫃中只欠合桃，就一於齋用杏仁整。   食譜話份量可以整50片，可能整得較大片，只有30片左右，焗o既時間都較食譜長5分鐘左右(可能我整得教大片吧)。

有Kitchen Aid幫忙，真係不吹灰之力就攪掂喇。老公同Owen都話好好食，老公琴日仲一口氣食左十幾塊添。  我諗焗黎送禮確係唔錯呀!

因為版權問題，不便舖出食譜o既Link, 但只要o係  yahoo search就好易搵到架喇。你都試下啦

糯米雞翼

 

今日係母親節，祝願所有母親天天開心快樂，仔仔女女個個都聽教聽話!  咁我就會襟老d啦! 哈哈!

今日全家黎我屋企慶節，為左整呢個新菜式比屋企人試，今日9點多就起左身，因為呢個真係功夫菜，　預計蒸飯，炒飯，釀，風乾，炸加埋要大半日（琴晚就浸定冬菇，蝦米同糯米）。

本來唔駛咁早起，不過我擔心今日天氣潮濕，所以要預多d時間風乾，唔係就唔會脆口。   結果無估錯，我開埋冷氣都要成6個鐘先完成風乾程序，不過整出黎係大成功，全家勁Like。 只要佢地欣賞， 過程幾覆雜都無所謂啦。

 雞翼用剪刀去骨，用小去鹽醃內外半小時
（要徹底抹乾水）

 準備糯米飯

糯米飯食譜：

http://owenmama730.blogspot.hk/2011/01/blog-post_16.html

 將糯米飯滿滿的釀入雞翼，用牙簽封口

 風乾數小時，再炸熟 (要翻炸入一次)

南乳炆豬手

南乳炆豬手 - 上星期喺屋企宴請Owen細個時足球隊嘅兩位教練同家人，當時老公都係其中一位教練，大家都係義務教小朋友踢波，我地既足球隊由十幾人變成最後有所超過60人嘅球隊，仲贏過唔小區獎添。但係隨著小朋友長大，我地呢班非專業教練就功成身退，小朋友都參加校隊，但係我地一直都有保持聯絡，得閑就會約埋食飯聚舊，真係難得。

今次整咗呢個好耐無整過嘅菜式，有LC煲幫手，真係快好多，唔駛兩個鐘就炆好喇


做法都好簡單：

豬手一隻 (我再加左條五花腩)

- 斬件(要肉檔代辦，記得叫佢燒左d毛)
- 出水，過冷河
- 燒熱油，放入數片薑片爆香，再放入南乳(料多，用了兩件) 用鑊剷攪至完全溶化，
-贊花雕(小半碗)，炒香，再下豬手
-加水 (剛蓋過材料)，生抽兩湯匙，老抽小許(純粹加色)，冰糖
-大火燒至滾起，轉慢火炆淋，再試味，如不夠味好再加生抽和糖調味。

終於成功 - Macaroon

總結經驗，要成功焗出裙邊，必定要麵團表面結皮先入爐焗，唔係就注定失敗！

我今次因為屋企開左冷氣，麵團好快就結皮，加上我今次得Sherona指點，將杏仁粉打碎，終於成功了，總算了左心事!

呢個甜品真係太甜，唔係人人受得 (我係其中一個），所以會隔一排先再整喇。