香煎鱸魚柳配白飯忌廉磨菇汁(平民版)

 

星期六老公又係返中更，每逢呢d  weekend,  我都會整碟頭飯同 owen食，簡單d 丫嗎。
前幾日同老公去左太古Simple Life 食lunch,  我叫左個煎鱸魚飯 ，好細件加d飯就收你80幾蚊。

星期六去到街市見d游水鱸 魚賣25蚊條，老闆肯幫我起肉，就自己整嚕，我呢個懶人版簡單到暈，


做法如下：

鱸魚片洗淨抹乾，臨煎先灑小許海鹽同胡椒，用中火煎香兩面，期間用鑊鑊剷輕按魚片，等佢減少外彎。

(切記要原片煎，因為切開煎ｄ魚片會向外彎得很利害(見小圖)，影響賣相，但完件就會無咁嚴重，仲有唔好心急，唔好經常翻動魚片，同翻的時候要小心，否則好易爛。)

汁料我只係用左罐頭忌廉磨菇湯，加適量脫脂奶做成薄芡，　配白飯蔬菜，成個過程都唔駛30分鐘，就有又靚靚又好好味o既西餐食喇。

老公ｏ係Facebook見到碟飯又投訴話我吼佢唔ｏ係度就整靚ｏ野，其實呢個係平民ｏ野扮上菜咋，哈哈。

心太軟 (附食譜)

 

 

 

上一次整呢個甜品已經係2008年o既事，星期六Owenｏ既小學同學同佢媽咪黎探我地，我就整左呢個心太軟做飯後甜品。因為朱古力大人同細老路仔都實喜歡。　

其實呢個甜品一ｄ都唔難整，只要跟以下面ｏ既食譜同tips, 就好容易成功整到呢個高級甜品了。

*********************************************************

食譜 (約5個2.5吋小杯份量)

1) 黑甜朱古力  100克 +  無鹽牛油 100克
2) 全蛋    2 隻 +   蛋黃  2 隻  + 糖  40克
3) 麵粉 50克
 
******************************
a)  把 1 座水溶化 (水不要太熱)  
b)  把 2 存部材料混和 (切記不可打至起泡)
c)   把蛋漿倒入朱古力漿內，邊倒邊用木匙輕力攪拌至混和
d)   再加入已篩的麵粉，拌勻
e)   倒進已掃油及沾上薄麵粉的鐵模中，雪 最小5小時
f)   180度焗約8-9分鐘，最好睇實佢，因為個個爐溫度都可能有出入，
  要自己 掌握o下。 

 

 

Tips:  

當你見倒蛋糕漿側面已熟但中間仍然有個小"Tum"仲係濕潤就為之完成(見上圖)，因為你個甜品之所以   中間係流質 係因為佢只有７-8成熟咋，唔熟o既部份就係流心朱古力醬了。一熟透就變成硬蛋糕架啦。

**仲有，我試過雪佢3日再拎出o黎焗都得，所以都好方便架。

Sweet sweet 瑞士雞翼

Sweet sweet 瑞士雞翼 - 先略爆再用自家舊滷水浸熟，秘訣係全程開蓋，以中火煲滾後轉細火浸約20-25分鐘，就做到滑滑瑞士雞翼，簡單到無朋友呀。 

Owenmama 滷水汁：

老抽 100ml  /  生抽50ml / 水800ml / 紹酒2湯匙 / 八角2粒(可刪減) / 冰糖2-3粒 (大半個兵乓波的大小)
慢火煮至冰糖溶化，甜度按自己喜好+/-糖調較。 個舊滷水我用過黎整乳鴿/雞翼/雞腳/鴨舌，所以係精華黎，如果唔夠用，每次只要加d水再加調味料加d味再用黎炆野就得，越耐越好味。 

儲存方法： 炆完野將用剩o既滷水汁徹底攤凍，放入雪櫃，睇二日會變成Jelly狀，之後轉用保鮮袋包好放入冰櫃，可以雪好耐都得架。

懶人烤雞

當老公返中更，就會得返我同Owen兩個食飯，兩個人，多數都係住碟頭飯或意粉， 雪櫃仲有一隻春雞，焗左佢加碟菜就係好豐富o既一餐，唔駛食碟頭咁悶，
其實隻雞都唔細，我唔食飯都夠晒飽喇。

呢個做法好簡單，醃好入爐就掂，  又好好味，層皮卜卜脆，o岩晒懶人做，所以我就叫佢做懶人烤雞。

材料：

急凍春雞一隻  ---  呢隻較大(900g)

-醃料：四季鹽焗雞粉一包  +   鹽1/4茶匙 

-雞洗淨，抹乾，在胸部剪開，壓平，剪許尾巴。

-用醃料搽勻底面，醃最少3小時

-焗爐較220度預熱15分鐘

-用一湯匙油抹勻雞身，入爐焗25-30分鐘 (至熟透及金黃便可，時間視乎雞大小調節)

(雞翼尖部份用錫紙包住先入爐，否則會焦)

Owenmama 自家日式料理

星期六閒來無事，Owen 提議整魚生飯食，但齋食飯好悶，一於整個 Owenmama 住家日本料理，叫埋阿哥阿嫂，5個人一齊歎。 其實日本餐唔難整，因而多數都係生材料(魚生同沙律)，主要係切切撈撈， 天婦羅用預拌粉，只要加水就攪掂，無乜難度，所以好快攪掂。

加上自己整比出去色真係平好多，咁多材料，魚生，海膽同其他材料，都係買咗4百幾蚊，但係足夠5個人食，真係好抵。


（菜式：海膽魚生大碗飯飯／蟹子沙律／蝦，南瓜天婦羅／茶碗蒸蛋） 



自製日式甜蛋卷，都係再youtube學的。

 

甜蛋卷製作