Anniversary Dinner @ Liberty Private Works

呢間餐廳出名好味，所以想同老公去食飯慶祝我地20週年 ，但係佢只接受30日內o既online booking.  我上個月頭上網Book, 以為weekday容易d book到，但是已經係on waiting list.  之後我book定花盃諗住食日本菜，係係三點幾餐廳打比我，話有人cancel booking, 問我有無興趣，我地即刻話OK

因為我同事講成餐飯要食3個鐘，所以我地book左7:30 (另一round 時間係8:30)。 結果係食左3個半鐘。  不過可能我鐘意煮野食，一路食一路睇 住d廚師擺盤，又唔覺食左咁耐嚕。 但係可能老公無乜興趣，加上o個度d凳好淺，老公話坐到腰骨有d痛。 真係辛苦佢。

總結呢餐，視覺享受比味覺優勝，因為佢個個菜式都靚得有如藝術品，雖然當中只有兔肉同魚味道麻麻，其他都唔錯，但係又唔係話真係好好味（只有甜品最精彩）。　我諗去一次就夠了。

大家睇下係咪樣樣都好靚呢。

20週年 - @Sala Phuket

  
今年係我地結婚20週年， 一早決定試下撇甩Owen兩公婆去慶祝下。  本來我地o既Anniversary 係o係11月29日，早左個幾月慶祝係因為11月o既酒店價錢同10月差成1000蚊一晚，老公從來唔係浪漫o既人，佢話如果儸到假不如早d去，慳返o個3000蚊比我買禮物喎。  我當然贊成啦。　

我地舊年都去果布吉，不過係同仔仔
（老公同我拍拖ｏ個時ｏ係楂電單車架，好多年無坐過，好爽呀）

今次揀左Sala Phuket o既 Pool Villa,   呢間酒店近好大，好靚，Staff 服務又貼心，但係近機場，離Patong好遠，要over 1個鐘車程，喜歡o係酒店hea o既人就一定喜歡，如果鐘意熱鬧行街街o既人就麻麻，因為車程長，車費又好貴，兩個人來回要Bhat 1,400 = HK$375)

呢次行程好開心呀，而家仲回味緊呀。 　我揀左ｄ相同大家分享下。


Sala Phuket - 環境超正，之前email佢地訂左枝酒同老公預祝Anniversay，佢地好貼心，送左呢個flower arrangement 比我地。  超靚呀。

一齊，同呢次感覺一ｄ都唔，今次真係二人世界，我地仲租左架電單車楂，會味係拍拖ｏ既日子。

呢種房係設計比couple入住， 浴缸同洗手間都係無門o既 (最多只可以拉布廉)，我都唔係幾慣，所以如果有小朋友就唔o岩啦。

每晚外出返酒店，hotel staff已經幫我地開定燈，仲點定香熏同放定花茶比我地享用，晚晚都唔同味架，多貼心呀!!開左燈o既泳池好靚呀。

 呢日同老公玩" 天若有情" hehe,   租車連油錢全日小時都係100 蚊港幣，不過我地淨係渣左一專來回Laguna area (即係Banyan Tree 附近)，不過一程都要差唔多45分鐘。  回程夜左週圍d車開得好快，有d危險，所以玩左一日，之後都係包車算了。 

 

Laguna Area - Lotus Restaurant  - 日落晚餐，景靚食物正，值得推介o既餐 (我每次去布吉都會去)。

 

Happy 20th Anniversary

今日係我同老公結婚20週年，別人常說，結婚頭幾年會係甜蜜期，之後就會由愛情變成感情，但係好慶幸，到現時為止，我地仍然深深愛著對方。  老公，多謝你呢咁多年對我o既痛愛和無微不至的照顧，令我過左自由，自主，同時又備受呵護，驕縱的20年幸福婚姻生活。   

雖然婚戒舊了，手亦皺了，但希望我地一直緊握對方，相愛相扶到老，老公，Thank you &  love you!

完美的燶邊叉燒

 

上星期宴老公一班舊同事黎我度飯聚，當晚整左9味菜式，呢味係佢地個個最讚不絕口ｏ既一味，仲一陣間就掃清光。  呢次係我做咁多次自家叉燒最滿意o既一次，因為唔係次次買到好似今次呢幾件肥瘦相間o既靚靚梅頭肉，仲有呢次夠晒"燶邊" ，真係好有店舖出品feel。
加上一出爐即切即食，難怪客人話

下次再黎都要encore呢味呀。

呢個食譜係小女子自創，醬料比一般坊間食譜簡單，只要小心睇火同掃夠醬料，你都一樣可以整到完美o既自家叉燒。

 食譜：

半肥瘦梅頭，回家切成叉燒條狀 (肥d唔緊要，太瘦會鞋)

調味： 生抽 + 糖 / 梅瑰露 / 叉燒醬

掃料：蜜芽糖+水 (分量為1:1，坐水攪勻成漿，會易掃d)

1) 豬肉洗淨，抹乾，用老抽1茶匙+生抽1 1/2茶匙+糖3茶匙+梅瑰露酒1湯匙醃1小時 (醃料要較甜，生抽不用太多，否則會太鹹)

    *目的係令肉有底味同酒香，唔會淡貿貿

2) 加入叉燒醬醃兩小時(用手揉勻)

3) 焗爐預熱230度，把肉放進焗10分鐘，取出，掃叉燒醬(要均勻)，再焗5分鐘，再掃一次醬，再焗5分鐘

4) 取出，將叉燒轉放再焗架上，下面放盤 (盛肉汁)，掃上一朕蜜芽糖水，再入爐焗至焦香便可上碟。

   *用蜜芽糖水會濃d同靚d，同用蜜糖係兩回事
   *個別爐溫同叉燒厚薄都會影響焗ｏ既時間，最緊要睇火呀。

水煮溏心蛋煙肉鬆餅

琴朝七點醒左瞓吾返，唯有煮個靚早餐比自己 - 水煮溏心蛋煙肉鬆餅，給自己一個good morning~

平時只會用煎pan煎香鬆餅，或者焗件多士，再茶d Jam，加杯奶， 就係我每日o既簡單早餐， 琴日就唔同，見雪櫃有煙肉同蛋，就對自己好d，反正時間多的是。

 

我都係第一次咁整，平時返工咁趕亦無時間咁做，一次突然ｏ既失眠，換到一個咁好ｏ既早餐，賺了。　（不過比我再揀都係揀一覺"訓"到鬧鐘響啦)

老友聚舊宴

自從Owen出世後，我同老公就經常留ｏ係屋企倍佢，每個星 期五大家先可以出去玩一晚。　通常ｏ個晚我同佢都會去打牌輕鬆下，呢個模式ｏ既生活過左好多年，有好多朋友都只係有傾電話，但係就好少見面。　而家 Owen大喇，就黎１７歲，唔駛我地理，亦可能個人年紀開始大，係時候多ｄ見朋友，搵返自己ｏ既生活，所以呢排開始約返ｄ朋友聚舊。

琴日老公招呼一班老友黎屋企食飯，我煮左幾個家常小菜同三樣甜品比佢地 (木糠布丁，焦糖燉蛋同心太軟)，雖然忙左成日，但係好開心呀。

佢地第一次食homemade心太軟同出爐叉燒，大讚好好味呀。

15人的晚餐

 焦糖布丁同心太軟都係半完成咋

黎唔切影完成品，d心太軟已經無晒喇。 好流心，超受歡迎。

露荀雞卷

星期一又係得我同Owen食飯，通常我都會整碟頭，簡單快手。　我食午飯去左吉之島諗住買兩件漢寶扒配意粉，點知無得賣，去到凍肉櫃見到雞扒好靚，就買左兩件，整我之前好想整ｏ既雞卷。　　我之前ｏ係出面食午餐食過，不過係卷菠菜做餡，Owen唔鐘意食，我買左大露荀，我諗用佢會易捲ｄ，用埋冰廂裡面ｄ火腿，就成為我自家版本ｏ既雞卷喇。

其實煮野唔係千篇一律，就地取材，只要做出黎ｏ岩自己口味就得喇。　

呢個雞卷好睇又好味，但係一ｄ都唔難，啖啖肉，係另類o既老少平安。

   材料(一人份量)：

     1)    雞扒一件，去皮，兩面灑上幼鹽抹勻備用 (至小醃20分鐘)

     2)   雞扒放微波爐保鮮紙上，舖上一片火腿，再放上露荀段（事先拖水至半熟），

     3) 卷實成香腸狀，將保鮮紙兩邊卷實，再封錫紙。

　 4)   將雞扒放水中煮10分鐘　（時間按雞扒大小調節）

     5) 離火攤10分鐘待定型後撕去錫紙和保鮮紙，吸乾雞肉上的水份

    
      6)   用平底鑊燒熱油，煎的時候可灑上鹽吸黑椒， 煎香雞卷表面便可切開上碟。

隨意配任何口味的意粉/飯，風味一流呀，Owen大讚呢個晚餐無得頂呀。

香蕉 Cup Cake

 

前晚見屋企有兩條香蕉剩底，再放怕會浪費左，要黎整蛋糕就ｏ岩晒喇。以前跟過好幾個香蕉蛋糕食譜，做出黎ｏ既蛋糕唔係太乾，就係實的的，有ｄ似牛油蛋糕，今次跟Shirley o既超鬆軟香蕉蛋糕食譜，做出我覺得最滿意同最好味ｏ既香蕉蛋糕, (我只係減左10g糖), 呢個份量可以做8個2.5吋o既cupcake(只係焗左約25分鐘)，如果做磅蛋糕就要跟足食譜o既時間喇。

食譜來源：　Shirley ＠原味生活

材料:       100g 無鹽牛油
                90g 砂糖

                2隻雞蛋

                120g 低筋麵粉

               1/2茶匙梳打粉 Bicarbonate of Soda

                1/4茶匙發粉 Baking Powder

                200g 香蕉泥  

烹調步驟:

(1)    牛油, 雞蛋置室溫約2小時至完全退冰, 用手指可輕易壓下即可

(2)    低筋麵粉和發粉過篩備用

(3)    預熱焗爐180^oC

(4)    香蕉用叉壓爛

(5)    牛油加砂糖用電動攪拌器打勻至奶白色軟滑忌廉狀 (5分鐘)

(6)    逐隻雞蛋加入, 每次要完全拌勻才加另一隻

(7)    加入已篩好的麵粉和發粉

(8)    加入香蕉泥拌勻

(9)     倒入已鋪好焗爐紙的焗盆中, 用180^oC焗約50-60分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可

     **Cup cakes - 入杯, 用180^oC焗約25分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可

      

(10)放上鐵架待涼

Chocolate Brownies ( with Shirley's recipe)

呢個甜品o既受歡迎程度同New York Cheese cake, 每次整親呢個返公司，同事們都好開心。 我每次都係係用Shirley 的recipe，我只係減左d糖同埋加左杏仁碎, 做出黎好moist, 好濃朱古力味，煙煙韌韌o既口感配香脆杏仁好得人鐘意。 老公最鐘意用佢黎配白酒一齊食，佢話呢兩樣好配喎。

Owen食完仲話要Order定兩盤，佢學校聖誕Party要帶返學校請同學食喎，佢話佢ｄ同學舊年食過，今年要encore喎。　


好多謝shirley無私分享呢個perfect食譜。

朱古力布朗尼 (Chocolate Fudge Brownies)

食譜來源: Shirley Yick (Shirley@原味生活)

材料(10.5” x 7.5” 焗盤 / 12件)

:

125 g牛油

4 oz (120g) 純黑朱古力 (無糖)

4 oz (120g) 朱古力 (有糖)

1 1/4杯 砂糖

3/4茶匙 幼鹽
3隻 大蛋
3/4杯 中筋麵粉 (All-purpose flour)
20 g 可可粉 (無糖)

做法:
(1)    將牛油, 純黑朱古力, 朱古力隔水座溶
(2)    加入砂糖, 幼鹽拌勻
(3)    加入全蛋拌勻
(4)    中筋麵粉, 可可粉先過篩, 輕手拌入朱古力中至攪拌均勻
(5)    放入已預熱180^oC的焗爐內焗約25分鐘

小貼士:
(1)    純黑朱古力較香, 所以選用一半純黑朱古力, 一半有糖朱古力, 取其香味而又可減少砂糖的份量; 如果只用有糖的朱古力, 只須將食譜中砂糖的份量減少至只用1/4杯, 不能完全不加, 否則不夠甜, 而且也做不到略帶煙韌的質感.
(2)    加入中筋麵粉後拌勻便可, 過份攪拌會令到麵粉起筋, 質地會不同

(3)    因每個焗爐的熱力會有所不同, 故此焗的時間可能會有偏差; 要知道是否焗好, 可以用牙籤插入中間, 牙籤上有少少濕潤便可以, 若完全乾淨便焗乾了

(4)    焗好後要完全涼透才可用刀切件, 否則易爛