茄汁蝦碌

呢個時後介紹呢個菜式相信最合時喇。 團年，開年，招呼親友最o岩，簡單，美味，易整，大睇又好意頭(哈哈笑丫馬)。  過年期間，就算無新鮮蝦賣，用急凍大蝦整都一樣ok架。 最近已經整左兩次，親友們都超愛，連殼都吮得乾乾淨淨呀。

食譜：

-一斤半大蝦去頭部尖角部份及蝦腳，挑去蝦腸，洗淨，抹乾，下少許生粉拌勻(不要過多)
-下4湯匙油，燒滾，爆蝦，至8成熟，鑊備用
-乾淨燒熱鑊，下2湯匙油燒熱，蝦回鑊兜炒，再一茶匙蒜蓉，-於鑊邊下小許花雕兜炒至蝦熟透
-最後下適量茄汁和砂糖調至合自己的酸甜度便可上碟啦。
*我的茄汁下只用茄汁加糖調味，很簡單。
*茄汁要沾滿每隻蝦為標準，最後才下糖調味。*蒜蓉不要太早下鑊，否則會燒焦。

各位朋友，本人已於 Facebook 開了 Fan page, 請登入以下網址成為擁躉啦。

以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203137

羊腩煲 (附食譜）

冬天最o岩食o既菜式一定係羊腩煲了，好可惜陳生唔食，所以平時唔會整，必

定要冬天請客先有機會整。 做冬就係最好時機喇， 點解咁遲先舖出？  因為

而家成日顧住用手機即時將食物放上Facebook fanpage (Owenmama's Kitchen) ，

之後一路都唔記得將呢個食譜舖出Blog. 

材料/ 做法：

1) bb羊腩2磅 

(比較瘦同滑，易淋d)，洗淨，瀝乾水份備用

2) 起鑊爆香薑，蒜，下羊腩爆至外面轉色。

3) 下小許油於炆鍋中， 爆香４湯匙炆羊醬（雜貨店有售，我用順發孖記)， 把羊腩移至鍋內(薑蒜棄掉)，加兩合小雞湯，再加水（水份剛蓋過所有材料），加３片薑片，冰糖１粒，同時加入已浸泡的冬菇，馬蹄，冬筍）

 

4) 中火煲至滾起，之後專細火炆４５分鐘，熄火焗１５分鐘，止後再重覆炆焗一次，檢查羊肉是否已夠軟，否則要再做炆焗工序，至羊肉軟淋便完成。

石澳遊 + 一口西多

 

 

 28號，我同老公仍在放假，經過幾日狂歡party, 諗住同老公o係屋企休息一下，夜晚先再出動會d雀友， 中午同老公去左筲萁灣安利食左個坑腩片頭撈粗，老公話既然楂左車，不如順路入石澳行，咁就入左去啦。   o個日天氣勁好，又唔熱，我地行左兩個幾鐘，o個度風景真係好靚，ｄ屋更靚，加上o係星期五，無乜遊人，淨係得幾個"龍友"，真係好寫意。

行完山返道屋企有d餓，見到有兩件厚切麵包同埋之前開party炸春卷剩底o既油，諗住用多次先倒，唔好浪費，就整左呢個一口西多做下午茶。
我剩係灑左d糖霜同溶左ｄ朱古力做佐料就夠好味，但係老公當然要點埋鍊奶至夠啦。　　呢個食完充滿罪惡感ｏ既食物我已經好多年無食，但係今次食返又真係好回味，食完要打多幾個東消耗返ｄ卡路里至得喇。

下面係其中幾張相呀：