金不換煎肉餅

仔仔同老公喜歡食香口菜， 今次用做青咖哩剩下的金不換做咗個箭肉餅， 鹹香又有香味， 兩父子讚不絕口呀。 


豬絞肉400g （約11個份量）

金不換葉兩棵或隨意 （先用手揸皺， 再切絲）

馬碲4粒（拍扁再琢成粒)

醃料：

老抽2湯匙

生抽2湯匙

鹽1/3茶匙

雞粉1/2茶匙

糖1茶匙

生粉1茶匙

蛋白1/2隻（後下）

－豬肉用醃料醃30分鐘（蛋白除外）

－下馬碲粒，蛋白用手混合

－最後加入切碎的金不換葉撈勻

－易潔鑊下油掃勻（不用開火），手沾小許水，把肉搓成球再壓扁在餅狀,排在鑊上

－開中慢火把肉餅煎至金黃熟透便可

**個別牌子調味料鹹度不一，要自己調節呀.

超平但超鮮甜 清蒸白蟹

琴日突然決定煮飯，6點9先去街市買餸，臨收市老闆大贈送，＄45 四大隻爆糕爆肉靚蟹, 開蓋洗淨用玫瑰鍋加點水上蓋中火蒸煮5分鐘, 轉慢火再煮5分鐘（或普通鑊隔水蒸10分鐘），無須任何技巧,    加埋＄23一兜鮮蜆，住柴灣真係慳返吾少買餸錢！

泰式炒河粉

呢個係我其中一味最愛泰菜， 有現成炒麵醬汁幫助， 自己整一D唔難， 用易潔鍋仲可以用小好多油， 健康好多㗎。





材料：

河粉1斤
雞扒1件
芥蘭數條 (洗淨斜切成段)
蛋1隻
炒麵豉油適量 (

1) 雞扒解凍抹乾， 去皮， 切成小塊， 先 1/3茶匙幼鹽撈勻，再下1茶匙油醃15分鐘

2) 用鍋燒熱2茶匙油，下雞肉炒至8成熟

3） 下芥蘭兜炒至雞肉熟透

4）下河粉炒及炒麵豉油兜炒至顏色均勻

5）在鍋中央撥開一個洞， 下1茶匙油，倒進蛋液兜炒至成蛋花便可上碟。

番茄海鮮意粉

                              

琴晚兩母子撑枱腳，用冰箱內之前拍攝剩下的海鮮，加一條鮮魷兩食（魚身做炸魷魚圈，鬚做意粉)，完成呢個簡單美味二人晚餐。 跟住食譜，足料晚餐冇難度！

魷魚圈食譜：http://cook1cook.com/recipe/13882

茄汁海鮮意粉

(2人份量)

急凍帆立貝 4粒 (解凍， 抹乾)

蝦6隻（去殼）

魷魚半隻 （切片）

意粉200克

洋蔥半個切粒

車厘茄5粒 (一開為二)

蒜蓉2茶匙         

茄蓉100毫升 （無糖， 我在759買的）

茄汁3湯匙

糖1茶匙

雞湯80毫升

**海鮮種類可隨意配搭

用鍋慢火燒熱1湯匙牛油慢火煎熟帆立貝， 其間加點鹽調味, 煎熟撈起備用, 鍋中牛油留用

另一鍋將意粉煮至8成熟

煮意粉同時用鍋內煎帆立貝剩下的牛油慢火略蒜蓉， 洋蔥粒，車厘茄

下雞湯， 茄汁， 茄蓉煮滾, 試味及下適量糖調味。

下蝦和魷魚煮至8成熟，

跟著直接投下意粉, 煮至海鮮熟透及收汁便可上碟, 放上之前煎好的帆立貝便完成。

簡易鰻魚定食

星期期四放叫老公預早2小時在冰格取出鰻魚解凍，用埋雪櫃拍攝用剰的蔬菜，半個鐘就做左個呢個簡單又好味嘅溏心蛋鰻魚飯＋日式炒椰菜晚餐。

鰻魚在梁九記買，每條$32，掃小許鰻魚汁用焗爐200度十多分鐘就整好，仔仔同老公KO哂一條，我只吃左半條，剰低帶返工做午餐，經濟又好味！

溏心蛋食譜：

http://cook1cook.com/recipe/16862

白汁吞拿魚焗長通粉

呢餐乜都吾駛買，食材全係食物櫃同雪櫃內的存貨，洋蔥，紅黃椒係上星期整青口剩低，用保鮮袋放在蔬菜格，整整一個星期都好爽脆，＄7買到紅，黃，綠3大隻；可以分幾餐，柴灣買菜真係好平！ 

加埋長通粉，罐頭吞拿魚同忌廉磨菇湯，同芝士碎就做出呢個美味晚餐。

2人份量材料：

1）洋蔥半個（切丁）

2）紅/黃椒各 1/3個（切丁）

3）水浸吞拿魚1小罐（徹底壓乾水份）

4) 長通粉 2碗

5）低脂忌廉磨菇湯1罐

6）芝士碎小許

1）小鍋加水和1/2茶匙鹽煮通粉至8成熟

2）煮粉的同時用易潔鑊下小許油，慢火洋蔥丁，至開始半透明，下彩椒丁略炒, 下1/3罐忌廉湯，加4湯匙水煮開

3）直接投入剛煮好（已隔水）的長通粉兜勻(汁不用太多, 粉略沾汁便可, 否則會大濕)，放入焗盤中, 平均地舖上吞拿魚肉

4) 平均地舖上吞拿魚肉平均地舖上吞拿魚肉

5) 易潔鑊下餘下的罐忌廉湯, 加小許水煮開，不要煮過稀，因焗汁要杰點, 再灑上芝士碎
6) 放入預熱至220度焗爐焗約15分鐘或至芝士微焦便可。

新一步 - my cookbook

從來冇諗過會有自己的cookbook, 在老公鼓勵下，懷着戰戰兢兢的心情接受呢個新桃戰。 其實可以實實在在的將自己的食譜同支持我的朋友分享，真係好開心。



前後共拍攝左四日，順利完成共45道菜式，我想喺度向以下的人道謝：



多謝老公每日晨咁早起身，陪我買餸，全程幫手洗碗同膳後清理, 原來冇左你我真係會'拿'手吾成勢, 愛你！



多謝OWEN仔琴日代替爸爸， 幫我洗碗同做跑腿, 平日好似長唔大嘅佢， 原來有需要時好幫得手。

更多謝我的白老鼠兵團: (哥哥，嫂嫂，Bonnie， 然，標標，Joey, Betty 伉儷）幫我清理食物，不至浪費，仲不停為我打強心針令我信心大增。



仲有Nancy , 志, 幫手清食物餘仲幫我整左個靚髮型。



特別嗚謝出版社編輯Jennie 的賞識，幫助同指引，仲幫我的食物做完美的擺盤。



攝影師Kevin將我D餸菜影得超靚，果然高手出少年



冇左你地支持，成件事亦唔會咁順利， 再次多謝你地。 Love u all!










最後希望本書可以順利出版， 期待！

豆卜鮮蜆粉絲鍋

今次學食店用白胡椒粒做湯底， 過然更加惹味，豆卜同粉絲索盡蜆湯精華，蜆肉鮮甜， 樣樣材料都好味。

鮮蜆3斤

豆卜15粒（開半）

粉絲3札

白胡椒粒2湯匙（用湯袋包好）

白胡椒粉隨意

雞湯適量

唐芹段／紅椒粒／芫茜隨意

1) 豆卜用熱水浸泡一會， 待涼後搾乾去除部份油份， 再沖凍水， 搾乾備用。

2) 用鍋煮滾雞湯白胡椒粒，滾後下豆卜煮5分鐘

3) 下浸軟粉絲

4) 再滾起時下洗淨的鮮蜆煮至開口, 灑上適量唐芹段／紅椒粒／芫茜便完成