黑蒜豉汁蒸倉魚

今次有伊瑪牌黑蒜機幫手， 好容易就做到黑蒜。   再用自己做的黑蒜做菜， 零舍有滿足感阿。 第一次用黑蒜加豆豉蒸魚， D黑蒜蒸過後比鮮蒜甜，好成功呀。   老公對淨食黑蒜有D抗佢， 但用嚟蒸魚， 一粒都無剩呀。


材料：
倉魚1條 （約10兩）
自製黑蒜2粒
豆豉1匙
蔥／辣椒絲隨意
薑數片

汁料：
生抽2湯匙
砂糖1湯匙
生粉1茶匙

1) 魚洗淨， 放在碟上， 用數片薑墊底及將兩片薑片放在魚肚內

2) 黑蒜切粒， 豆豉用小許水浸5分鐘， 沖淨吸乾水分備用，
蔥／辣椒切幼絲

3) 易潔鑊燒熱2湯匙油， 將黑蒜粒及豆豉粒慢火爆香， 盛在碗中

4) 加入汁料， 同時用匙羹將黑蒜粒／豆豉略為盅爛 （會更出味）

5) 將黑蒜粒／豆豉放在魚上， 淋上汁料

6) 大火蒸10分鐘至魚熟透

7) 贊小許滾油， 最放上蔥／辣椒絲裝適便完成。
（因汁料已帶油， 贊油可免）

健康版魚香茄子

很喜歡吃魚香茄子，但因酒樓用走油的方法所以很油膩; 所以不會常點。  自己整改用蒸的方法， 加埋用瘦肉同埋健康橄欖油， 做法容易， 食得好味又健康。


鹹魚肉20克（切粒）
茄子350克
豬絞肉（瘦）200克
蒜粒兩湯匙

醃料
生抽2茶匙
砂糖1茶匙

汁料
蠔油2.5湯匙
生抽1湯匙
砂糖3茶匙
水70毫升
生粉水適量


1) 豬肉先用醃料醃20分鐘

2) 茄子切成條狀， 大火蒸四分鐘至半熟備用

3) 燒熱兩湯匙橄欖油， 將鹹魚粒炒熟， 再下蒜蓉爆香

4) 下豬絞肉，爆炒至肉熟透

5) 下茄子翻炒一會

6) 下水及汁料中火煮一會至茄子軟身（不要煮爛） 及稍為收汁

7) 試味， 用少許生粉水埋薄芡便完成。

Tips:   不同品牌的調味料味道不一, 及鹹魚鹹度不同， 請按自己的口味將調味料的份量微調。

兩杯半雞

想與我交流研究／分享烹飪經驗，請往 - Facebook: Owenmama

一般的三杯雞食譜，試味料及油份的比例為1：1：1 ,   但我唔想大油膩，所以將油份減半, 比例變成 1：1： 0.5，仲 加入我愛的乾蔥粒,    老公同仔仔都大讚不得了。  兩個都添咗一大碗飯。

鮮雞半隻  雞全翼2隻

九層塔3棵
蒜數粒
乾蔥數粒
薑片數片

醃料：
生抽1湯匙
糖3/4湯匙
生粉1/2湯匙


汁料：
橄欖油1湯匙
麻油1湯匙
生抽3湯匙
老抽1湯匙
花雕4湯匙
冰糖30g  (甜度請按個人口味調節)

雞洗淨， 抹乾再斬件。 用醃料醃1小時備用

準備料頭及汁料

易潔鑊燒熱橄欖油及麻油， 下蒜粒， 薑片及乾蔥爆香

再下雞爆炒至半熟

下汁料;  當汁料滾起便下九層塔， 蓋上鑊蓋轉慢火炆煮8分鐘

開蓋， 轉中火煮至汁料收至濃稠.     試味， 最後調味便完成
  (鹹, 甜度請按個人口味調節)

”Best Of The Best 滋味在我家”

出版社將多位推介作者的食譜歸納在一書之中 - ”Best Of The Best 滋味在我家”， 好榮幸Owenmama可佔一席位。琴晚開信箱收到編緝寄比我的留念本，很驚喜! 
睇返幅相，當日拍攝情況記憶尤新！再次多謝出版社， 編緝Jan Wu 同攝影師 Kevin Ng!

一本書30多個食譜推廣價只係HK$12.8,  如果想買就請去大眾及7-11啦.  
除咗香港， 馬來西亞同星加坡都有呀。 

低脂凱撒雞麵包手卷

之前同老公去美式咖啡室食下午茶， 食左個凱撒沙律雞卷，回家自己做個健康版， 簡單經濟又健康， 一件雞扒仲可以做四個分量添。
用白麵包自己做翻版 tortilla, 因size只可做手卷版, 效果差不多, 老公話口感好似喎!

醬汁:
橄欖油3/4湯匙
低脂沙拉醬2.5湯匙
蒜肉3/4粒
鹽/黑椒各少許

急凍雞扒一件
鹽少許
麵包四片
牛油生菜數片
番茄數片

雞扒解凍 去皮，抹乾後均勻地灑小許鹽在兩面醃30分鐘

將雞扒蒸熟， 攤涼及用廚紙徹底吸乾水分, 雞扒攤凍後切成小粒， 放在雪櫃備用

把蒜肉盅成蓉

加入橄欖油，低脂沙律醬， 鹽及黑椒攪勻成沙律醬備用

取出雞粒， 加入醬汁撈勻

麵包去皮， 再用擀麵棍擀成薄片

在上面放上牛油生菜， 蕃茄片及雞肉沙律
再捲成手卷狀便完成

2016 曼谷遊 - 超正酒店 : U Sathorn Bangkok

上個月同老公去曼谷慶生， 今次揀咗 U Sathorn Bangkok， 雖然交通無住市區咁方便， 要在Lumphini地鐵站轉5至10分鐘， 但係Resort環境舒適， 設備好， 早餐又超正， 。   係曼谷繁華鬧市中都好似身處華欣一樣， 只要7百幾一晚， 我同老公都愛上咗， 下次再去會再考慮。 

佢仲又兩個我係前所未見的優點： 

1） 由你入住的時間計， 你可以住足24小時， 即係我哋3點check in， 走嘅時候就可以3點check out

２）如果你過咗自助早餐時間， 你可以在任何時間點早餐， 無限是間， 但係選擇當然無咁多啦， 不過以經超貼心了。 

每棟只有三層， 房間唔多， 我地住三樓， 房間露台對住泳池， 景觀一流， 週圍望唔到高樓大廈， 令我唔記得自己喺咁繁華嘅曼谷添。 

到達時三點， 泳池都無乜人， 超正！

房間寬敞新淨， 感覺良好， 唯一係枕頭太扁。 

早餐選擇不小， 仲可在餐牌上無限任點主菜， 無限添飲各款咖啡， 可能唔係旺季， 人唔多， 無得輸。 

酒店送比老公嘅蛋糕， 的的式式， 但估唔到好好食喎。 

個碟好靚， 攪到我喺sunday market都買咗一隻返嚟。 

Owenmama 第二個 Cooking Class

上次同學員們玩得好開心， 今次再辦課堂定在長週末前夕（6月30日， 星期四） ，呢堂會為大家介紹三個中式宴客菜 (糯米釀雞翼 / 金華上素白玉環 / 焗蓮蓉西米布甸)。  其中糯米釀雞翼係實作菜式, 大家可以一齊落手做， 有興趣嘅朋友快D Click入下面的Link報名喇。 希望到時見再到你哋啦。

https://www.facebook.com/events/946073625492030/

**有興趣參加嘅朋友， 在link Click "將出席" 後， 請search Facebook "Noble Place" send 訊息 （PM）比佢哋先可作實, 之後會有專人聯絡你哋。

香茅豬扒

想與我交流研究／分享烹飪經驗，請往 - Facebook: Owenmama














上次在家做了越式晚餐， 其中一味就係香茅煎豬扒，用急凍梅頭豬扒，

只雖略為鎚鬆（或用刀背也可）就已經夠鬆軟。 煎至微焦， 送飯一流的。 



材料： 
急凍半肥瘦梅頭肉 3片， 約330g

香茅2枝(拍扁切段，底部白色部份切碎)

魚露3茶匙

糖3茶匙

生抽2茶匙

老抽1 1/2茶匙

紹酒2茶匙




後下:

生粉2茶匙
油2茶匙




做法： 
1) 解凍抹乾， 每片略為錘鬆, 在邊位帶筋的位置輕輕剪開才醃， 否則豬扒煎時會卷起。
 
2) 將醃料混合（生粉/油 除外），試味， 將醃料與豬扒混合, 加入香茅段撈勻， 

用保鮮紙蓋好，最少醃2小時




3）拿起醃肉的香茅段,加入生粉撈匀, 最後下油撈勻 (生粉及油後下會令豬扒滑點。)


4)燒熱油慢火半煎到熟透及微焦才香口。



**醃料要帶點甜味, 煎好才會有焦糖化的甜味.  我習慣將醃汁調好, 試啱味先醃肉, 

咁就最安全.  




**鹹甜偏好口味很個人， 請按自己口味微調調味的份量。