泰式豉油王雞肉炒河

豉油王雞肉炒河 - 呢個河粉喺我去泰國經常點的其中一道泰菜， 自己做一D都唔難， 比外面食到的少油同足料㗎。


材料：
河粉1斤
去皮雞扒一件
芥蘭數條（切段）
蛋1隻
雞肉醃料：  魚露3／4茶匙

調味：
老抽1.5湯匙
生抽1/2湯匙
糖3/4湯匙

1) 雞肉去皮切條，下魚露醃數分鐘


2) 燒熱2湯匙油， 下雞肉爆至7成熟







3) 下芥蘭炒至雞肉熟透

4) 加入河粉及汁料快手炒勻， 試味及最後調味 （如太乾可再此時加添小許油份）

5) 在鑊中央騰出一個空位,  再倒入蛋液， 待蛋液開始凝固時快手兜炒便完成。

Owenmama @TVB東張西望 甜品示範

早前Owenmama受客戶（KOS 甄想記（明記）椰子香料有限公司)邀請,  為TVB東張西望錄影三個用KOS金牌高達椰漿做的甜品， 在情人節當晚播出。 

當晚要OT，返屋企剛做緊， 趕唔切錄底， 琴晚在My TV Super翻睇錄返留念。  第一次同TVB拍攝隊合作, 發覺佢地快手超專業，從中學到好多野, 呢個經驗真系好寶貴。

再次多謝 KOS 甄想記（明記）椰子香料有限公司

番茄滑蛋

今日終於有幾會用新玩具（ Vita Craft HK 送的全新MOKOMICHI HAYAMI系列 Frying pan）， 佢易潔加鑊夠深， 用佢嚟做呢個7隻蛋份量的滑滑番茄滑蛋都毫無難度！ 有佢送飯兩父子仲將本來預嚟帶飯的白飯都KO哂。 

呢個菜式係我自家版本，調味只有茄汁同砂糖， 我先煮好鮮茄醬汁，再同煎至8成熟的滑蛋撈勻便上碟， 蛋仍然很滑滑的，配甜酸鮮茄醬汁下飯一流㗎。

大番茄2個
大蛋7隻
茄汁1/2枝
砂糖1湯匙 （可按口味加減）
水2湯匙

將每個番茄切成8件， 並將茄囊切出

易潔鑊加油燒熱， 先下茄囊爆香，

再下茄肉炒至半熟， 下茄汁， 水及糖慢火煮至番茄腍軟，

試味後將汁盛起。

易潔鑊加油慢火燒熱， 下蛋漿；  將鑊邊凝固的蛋漿用膠刮向鑊內推， 重複此動作至蛋8成熟， 熄火

將蛋推往鑊的一邊， 再另一邊下芡汁， 輕手攪勻便可上碟。 

椰香豆沙炸湯圓

-更多我的食譜請往 : Facebook: Owenmama
https://www.facebook.com/OwenmamasKitchen/

元宵就快到， 為你哋介紹哩個特別版嘅炸湯圓俾大家同摯愛享用。 今次咗KOS金牌高達椰漿代替水份做湯圓， 椰香粉層煙韌軟滑配香甜豆沙，再加埋外面脆卜卜嘅芝麻， 不同層次嘅香味同口感， 你哋一定會喜歡。 在此預祝你同摯愛有個甜蜜又煙韌嘅中國情人節。

2) 再遂少加入餘下的KOS金牌高達椰漿， 直至搓成不黏手粉團（椰漿用量可能因濕度有些微出入， 所以不要一次過全部加入）

3) 將麵團分成8等份(大小可隨意)， 搓圓再壓扁， 放入適量豆沙餡搓成湯圓狀

4) 將湯圓放入大滾水裡煮至浮起

5) 撈起均勻地粘上芝麻， 待五分鐘至乾爽

6) 燒熱適量油， 將湯丸慢火炸至金黃便完成。

食譜: 

KOS金牌高達椰漿約100ml

糯米粉80g

生粉1茶匙

幼砂糖2茶匙

豆沙餡適量

芝麻適量

糯米粉、幼砂糖及生粉放大碗內， 先加入7成椰漿， 用手搓勻

再遂少加入餘下的椰漿， 直至搓成不黏手粉團

（我用了KOS金牌高達致椰漿， 不同品牌的椰漿的濃厚度不同， 請自行調

節用量;  椰漿用量可能因濕度有些微出入， 所以不要一次過全部加入）

將麵團分成8等份（大小隨意）， 搓圓再壓扁， 放入適量豆沙餡搓成湯圓狀

將湯圓放入大滾水裡煮至浮起

撈起均勻地粘上芝麻， 待五分鐘至乾爽

燒熱適量油， 將湯圓慢火炸至金黃便完成。

電飯煲臘腸雞飯

---------想與我交流研究／分享烹飪經驗， 請按此 : https://www.facebook.com/OwenmamasKitchen/

琴日係最後一天的農曆年假， 屋企人返哂工；  加上長假期後返工前綜合症發作， 人懶洋洋的，只係買咗半隻雞加臘腸做咗個電飯煲雞飯， 一煲足夠一人晚餐加明天兩夫婦外帶飯盒。

鮮雞半隻

臘腸2條

米2杯（或隨意）

醃料：

鹽1/4茶匙

糖1茶匙

生抽2. 5茶匙

生粉1茶匙

油1茶匙

1） 臘腸切片； 雞斬件， 去掉多餘的雞油， 用醃料醃半小時。

2） 米洗淨加水 (按平時的米／水比例) 按煮飯鍵， 約10分鐘至起蝦眼水後下雞件及臘腸 

(個別飯煲的烹煮時間不同， 以堅蝦眼水下雞為準)

3） 按時間鍵繼續煮20分鐘, 完成後關機繼續焗10分鐘便完成。