粟米蝦肉春卷（食譜）

疫情關係大家都減少外出；  都會入定急凍食材， 所以今次我改用急凍蝦肉； 做法更簡單！  我更在蝦膠內加入萬歲粟米粒； 香甜爽口嘅萬歲粟米粒令餡料口感同味道都更豐富添。 用埋萬歲粟米油炸製； 就更香更脆； 好食到停唔到口。 嚟緊迎新年不防試下做比親朋享用呀！

材料：

萬歲粟米粒2湯匙

急凍蝦肉250克

蛋白1湯匙

糖/鹽各1/4茶匙

胡椒粉小許

生粉1茶匙

急凍春卷皮10片

萬歲粟米油適量 (炸製時用)

黏合麵糊：

麵粉1湯匙

水1.5湯匙

 

步驟 :

1.   拉開萬歲粟米粒罐口； 取出2湯匙取粟米粒瀝乾備用

2.   蝦肉解凍； 用廚紙吸乾水份;  蝦肉置砧板上， 開背及用保鮮紙蓋好， 用刀背拍爛及琢碎蝦肉 （用保鮮紙蓋著可防止拍打時蝦肉四濺）

3.   將蝦肉轉往深碗中; 加入蛋白、糖、鹽、生粉及胡椒粉， 用手順同一方向攪拌至起膠性; 拿起撻十數下成蝦膠

4.    將蝦膠盛起， 用保鮮紙蓋好， 放進雪櫃冷藏1小時;  取出蝦膠； 加入萬歲粟米粒攪勻

5.    春卷皮取出解凍至柔軟； 把適量粟米蝦膠放上； 包裹成春卷後用手指沾小許麵粉水黏合麵糊把接口黏緊

6.    慢火燒熱適量萬歲粟米油； 放進春卷炸至微黃後; 轉為大炸至金黃同時迫出多餘油份便可撈起上碟； 趁熱享用。

Tips：

-蝦膠可提早製作； 包裹好放進冰格冷藏， 退冰加入萬歲粟米粒便成粟米蝦膠。

#萬歲粟米油  #萬歲粟米粒  #春卷  #蝦食譜  #owenmama

 

 

氣炸香草牛油扇貝（食譜）

超簡單做法,  只需加適量現成的香草牛油氣炸 ；  4分鐘就攪掂； 美味無比。

加埋豉汁蒸盲鰽同清炒菜； 兩口子簡單的一餐。 

食譜： 

1／ 扇貝去腸； 加1茶匙生粉； 搓去肉及裙邊的污垢; 沖洗乾淨及瀝乾

2／ 下適量香草牛油 （香草牛油從超市購買現成牙膏裝）

3／ 放進氣炸鍋用200度炸4分鐘 （無需預熱）

Tips： 

-氣炸時間視乎貝肉大小微調

-無氣炸鍋可用預熱了的焗爐代替

椰香吉士鮮果撻

聖誕節就到啦， 介紹大家呢個簡單味味嘅甜品。 椰香吉士配香脆牛油撻底配上紅噹噹鮮果， 充滿聖誕氣氛。 今次在吉士中加入金牌高達椰漿； 香甜滑甜美中帶淡淡椰香； 包你同加人都會一試愛上。 

食譜：                                                   Youtube video

                                                    https://youtu.be/SOvvIk4pPBI

文字食譜:

 材料 (3個12cm果撻)

椰香吉士餡料 :
金牌高達椰漿 175 ml
麵粉 12g
糖 24 g
牛油3 g
蛋黃2 隻

 批皮 :
麵粉170g
凍牛油粒95g
糖38g
蛋 2湯匙
幼鹽 少許
 
椰香吉士 :
金牌高達椰漿 175 ml
蛋黃2 隻
麵粉12g
糖24 g
牛油3g

 ****
撻底：
不需調溫朱古力粒40g

 ***
小紅苺及藍苺適量
 
步驟：

製作椰香吉士：

1/ 蛋黃及糖打至淡黃色 , 篩進麵粉攪勻備用

2/ 把金牌高達椰漿煮至約70度 (不用煮滾)

3/ 把暖椰漿分數次加入蛋黃麵糊內, 攪拌均勻

4/ 把椰漿蛋黃麵糊倒進煲內； 慢火加熱及邊煮邊攪拌至濃稠吉士狀

5/ 熄火及加入牛油攪勻成椰香吉士

6/ 立即把椰香吉士放入唧袋中； 冷卻後放雪櫃2小時備用
      (密封避免吉士醬乾燥！)
 
製作撻皮：
 
7/  麵粉加少許幼鹽過篩 

8/  放進凍牛油粒；  用手指尖把牛油粒擦入麵粉中, 充份擦勻成麵包糠狀

9/  加入糖及蛋液拌勻,  用手搓勻成麵團（不要過份搓揉； 免麵團起筋性）

10/ 將麵團放進袋中； 放進雪櫃冷藏10分鐘

11/ 撻模底及模邊擦上薄牛油備用

12/ 把適量麵團用手指按壓在模上 （要平均及不要太厚）

13/ 用叉子在撻皮上剌上密集小孔, 再冷藏30分鐘

14/ 放進預熱180度的焗爐焗約18-20分鐘後出爐待涼備用

組合： 

15/ 把不需調溫朱古力座熱水至溶化； 把適量朱古力漿掃在撻底待乾燥，用小刀幫助把撻脫模

16/ 把適量椰香吉士唧在撻上； 按喜好放上鮮果便完成
 
 
 
 

新玩具 + 住家燒肉餐

 

數個月前買咗個新玩具 -  有抽煙功能的電烤爐； 天氣涼涼地就啱哂喇。 

前兩日放工後快閃街市； 臨收市特價時間買到4隻平靚帶子同生菜； 加埋雪櫃內的急凍食材； 就來個住家燒肉餐。 

牛肉片係兩星期前喺Donki買的； 價格較親和； 解凍後仍然鮮嫩； 比外出食平得多呀！

雙層草莓奶昔 (食譜）【 Jamieson益生菌50+配方】

呢排除咗要努力抗疫； 經常洗手、消毒注重衛生;  其實腸道衛生都不可忽視。 保持消化系統健康身體都會強D。 大家都知益生菌對腸道健康好有幫助；我今次就將專為50歲以上人士而設嘅【 Jamieson益生菌50+配方】加入草梅奶昔裡面; 配合自製草莓果醬； 享受香甜美味同時增強消化系統，促進腸道健康, 一舉幾得 !  聖誕節將近； 在 party food list內加入呢個奶昔就最啱喇！

材料(2人份)： 

【 Jamieson益生菌50+配方】膠囊1粒

草莓50克

草莓雪糕3球

高鈣奶100毫升

草莓果醬: 

草莓60克

砂糖1湯匙

水1湯匙

步驟:

1／製作草莓果醬： 草莓洗淨切粒；加砂糖及水慢火煮至草莓軟腍及成草莓果醬； 倒進杯中備用待涼備用

2／ 把雪糕、高鈣奶、草莓肉放進攪拌機中

3／取一粒【 Jamieson益生菌50+配方】； 把膠囊打開，把益生菌加進； 用高速打成奶昔

4／把奶昔倒進盛了草莓果醬的杯中便完成。 

@Jamieson HK 

#Jamieson #HereForYourHealth #Probiotics50+ #益生菌50+配方

鰂魚涌Plat Du Jour

難得鰂魚涌Plat Du Jour經Eatigo訂座竟然有50％ off； 星期六11：30am去了吃個early lunch。  每人點了3道菜的set lunch； 加了Latte和＄50的龍蝦pasta， 半價後埋單＄432 ； 只是龍蝦pasta有點過鹹； 其他菜式很不錯； 性價比頗高。  

原來這間Plat Du Jour只營業到12月26日就結業，慶幸來得及。 

慢煮豬鞍扒（食譜）

抗疫期間減少外出， 冰廂會準備定大量冰鮮食材。 琴晚得我同仔仔兩個食肉族開餐； 用慢煮方法煮咗兩件加拿大Willowgrave Hill Omega 3冰鮮特厚豬鞍扒(1pack兩件700g只係＄98 )； 佢含 Omega 3有無激素； 配埋紫薯同翠肉瓜； 就有『營』有好味啦。

🌟而家仲有promotion買滿HK$388即免費送貨； 所以我我一次過買咗幾款放定喺冰廂； 就隨時都有靚豬肉食啦。

食材：

加拿大Willowgrave Hill豬鞍扒2件(1pack2件)

迷迭香數段

蒜數粒（拍扁）

橄欖油2.5湯匙

海鹽及黑椒粒適量

 

 步驟：

1/  豬鞍扒解凍／沖洗乾淨及抹乾; 每面均勻灑上小許海鹽備用

2/  燒熱2湯匙橄欖油； 下迷迭香段慢火炸約30秒樣香味散發；待涼備

3/ 把豬鞍扒放進密實保鮮袋中； 倒入迷迭香油、迷迭香段及蒜粒

4/ 把密實袋封口拉上時留下1吋缺口

5/ 把整袋豬鞍扒放進水中； 讓水壓把空氣從缺口迫出後封好袋口 （成真空狀態）； 用夾子固    定位置

6/ 放進慢煮棒; 調較至攝氏60度； 慢煮1.5小時

7/ 取出豬鞍扒； 用廚紙徹底抹乾 （否則水份會影響煎封時上色）

8/ 灑上小許海鹽及黑椒備用

9/  用易潔鑊燒熱適量油； 把豬鞍扒的四面以大火煎封及煎至金黃

10/ 把豬鞍扒上碟； 讓扒靜止8分鐘後才切開進食（可避免肉汁流失）

見有promotion買滿HK$388即免費送貨； 所以我我一次過買咗幾款放定喺冰廂； 就隨時都有靚豬肉食啦。

相片中產品包括：

加拿大Willowgrave Hill Omega  3

豬鞍扒 ＄98 （700g）

免治豬肉＄69

豬腩肉 ＄69 (404g)

豬丁肉 ＄45 (296g)

豬展 ＄55 (498g)

**真空包裝食用期至2022年； 有佢地喺冰廂； 就隨時有【有營】靚豬肉食喇。