合掌瓜紅蘿蔔粟米豬骨雞腳湯（個名長到呢🤣🤣)
以前就算冷天都只愛冰水，討厭熱飲， 而家會飲暖水同愛飲老火湯。 年紀大了， 口味也老餅了， 哈哈！
見呢排天氣天氣又涼又乾燥； 放假就煲個一大煲老火湯潤吓，合掌瓜/紅蘿蔔/粟米/豬骨/雞腳/蜜棗/南北杏同果皮， 有瓜菜有骨又有腳趾吮，香甜美味！
凍凍地嚟碗熱騰騰嘅靚湯一家人暖在心頭； 大大煲仲夠同朋友仔份甘同味添。
1/ 豬骨同雞腳冷水下鍋煮至滾出污穢泡沫； 撈起沖洗乾淨
2/ 將豬骨放進煲加水中； 加入6粒蜜棗／適量南北杏／1片果皮（先浸軟刮囊）煮半小時
3/ 合掌瓜／紅蘿蔔去皮連同粟米切塊連同雞腳加進湯中
4/ 慢火煲約1.5小時; 加適量幼鹽調味即成
