合掌瓜紅蘿蔔粟米豬骨雞腳湯（個名長到呢。。。）

合掌瓜紅蘿蔔粟米豬骨雞腳湯（個名長到呢🤣🤣)

以前就算冷天都只愛冰水，討厭熱飲， 而家會飲暖水同愛飲老火湯。 年紀大了， 口味也老餅了， 哈哈！

見呢排天氣天氣又涼又乾燥； 放假就煲個一大煲老火湯潤吓，合掌瓜/紅蘿蔔/粟米/豬骨/雞腳/蜜棗/南北杏同果皮， 有瓜菜有骨又有腳趾吮，香甜美味！

凍凍地嚟碗熱騰騰嘅靚湯一家人暖在心頭； 大大煲仲夠同朋友仔份甘同味添。

1/ 豬骨同雞腳冷水下鍋煮至滾出污穢泡沫； 撈起沖洗乾淨 2/ 將豬骨放進煲加水中； 加入6粒蜜棗／適量南北杏／1片果皮（先浸軟刮囊）煮半小時

3/ 合掌瓜／紅蘿蔔去皮連同粟米切塊連同雞腳加進湯中 4/ 慢火煲約1.5小時; 加適量幼鹽調味即成

鹹蛋蒸肉餅 (食譜 + 小秘技)

喺泰國返嚟第一餐煮嘅飯,  整咗最家常嘅中國口味:   鹹蛋蒸肉餅加個焯清菜啱啱好!    

最愛常菜式不花巧，但最有家的味道!❤️❤️

想知有乜小秘技可以做出冇味精、 肉汁豐盈但不肥膩嘅肉餅？ 睇下就知喇😎😎

食材 （3-4人） 30分鐘內

• • 食材
  • 豬絞肉450g
  • 鹹蛋1隻
  • 雞蛋白1隻
  • 生抽2湯匙
  • 砂糖3/4湯匙
  • 水2湯匙
  • 生粉1 1/2茶匙

• 

  1豬絞肉用生抽， 糖， 生粉，水撈勻
• 

  2打開鹹蛋取出蛋黃， 鹹蛋白及雞蛋白用叉充分調勻備用
• 

  3將半份混合蛋白加入豬肉中攪勻 (小秘技: 用蛋白代替用油， 令肉餅更香滑， 而且仲減少油膩。)
• 

  4將豬肉放在碟上， 放上鹹蛋黃，用筷子在肉餅上刺多個小孔，  放入蒸爐大火蒸12分鐘
• 

  5取出把餘下的半分蛋白淋在肉餅上面， 再蒸五分鐘或至熟透（烹調時間按肉餅厚度調節）
• 
  

  6取出撒上適量蔥花便可進食

TIPS 

小秘技: 用蛋白代替用油， 令肉餅更香滑， 而且仲減少油膩。

蜜香鎮江骨（食譜）

蜜香鎮江骨（食譜）

聽日Owenmama同老公✈️✈️去泰國展開30週年珍珠婚8日之旅。 三年無出過門，有點未出發先興奮呀！

屋企剛維修完水管攪咗成個星期； 琴日先可以用廚房。 立即做咗老公同仔仔最愛嘅蜜香鎮江骨；酸酸甜甜好開胃呀！ 老公同Owen仔食到連手指都吮埋😋😋！

煮埋呢餐；要求12月返港再同大家談煮說食喇！

食譜:  
 

• • 食材
  • 急凍一字排骨（約15條）1000克
• • 醃料
  • 生抽2湯匙
  • 糖2茶匙
  • 紹酒2湯匙
  • 生粉（後下）1/2湯匙
• • 汁料
  • 鎮江醋130ml
  • 片糖1片
  • 蜜糖2湯匙
  • 生抽3湯匙
  • 老抽1湯匙
  • 紹酒2湯匙
  • 水（將近過排骨便可）適量

• 

  1排骨洗淨瀝乾，用醃料醃至1小時 **宜選用帶肥的急凍一字排骨
• 

  2排骨到去多餘的醃汁 ，下1/2湯匙生粉撈匀*****臨煎煮前才撈生粉有包裹骨的作用， 有助鎖緊肉汁。****
• 

  3易潔鑊燒熱適量油，下排骨煎至四面金黃微焦
• 

  4撈起瀝去油份 
• 

  5調味汁料加適量水煮滾，下排骨 （汁料幾乎蓋過排骨便可； 如水不夠可添加小許）
• 

  6滾起后再轉最慢火炆約40分鐘
• 

  7中途可開蓋翻炒一次， 同時一次查察水份； 如太乾時稍為添加。
• 

  840分鐘後開蓋作最後加入蜜糖，試啱酸甜味後大火煮至收汁便完成。

TIPS 

(1)此菜式宜選用帶較多脂肪的急凍一字排骨； 我試過用鮮骨做；但肉的效果反而更「粗糙」。
(2)臨煎煮前才撈生粉有包裹骨的作用， 有助鎖緊肉汁。
(3)不同品牌調味料濃淡及個人對酸／甜的喜好不一；要自行調節。

給媽媽的賀壽桃包 (食譜)

給媽媽的賀壽桃包

疫情來第一次齊集為媽媽慶生； Owenamam剛病好未能下廚； 今次只親手為媽媽做了賀壽桃包； 成個過程就好似小朋友玩泥攪咁； 好好玩呀！

做出嚟嘅製成品似模似樣；加埋哥哥買咗蛋糕；  中西合碧媽媽好喜歡啊！

但仍有進部空間； 有咗呢下次一定會做得更好！  

再次祝親愛又可愛嘅媽媽福如東海、壽比南生、長命無限歲！

食譜: 

材料（9個份量）:

低筋麵粉180克

泡打粉4克

糖10克

暖水75ml

油4ml

紅色食用色素適量

酵母液料：

即溶酵母3克

糖10克

暖水30ml

餡料:

現成蓮蓉180克

鹹蛋黃2個（預先蒸熟）

步驟: 

1   酵母液調勻待10分鐘 ;  中筋麵粉; 泡打粉過篩後加砂糖攪勻； 邊攪拌邊加入酵母液、暖水及油打成光滑麵團（約攪拌10分鐘）把麵團放進碗中; 用保鮮紙蓋好發酵30分鐘（或至倍大）      ***先下8成暖水； 待成團後再目測加／減 

***如沒攪拌機用手搓也可

2  把蓮蓉及鹹蛋黃份成9等份， 滾成球狀備用

    

3 把麵團取出分割成10等 份(其中一份做葉子用); 手搓排氣及滾成球狀  

(Tips: 製作其間要將麵團用保鮮紙蓋著免乾燥)

4.   用麵棒壓成圓型片狀包入蓮蓉餡及接合好， 接口向下

     **把接口過多的麵團揑走蓋上保鮮紙留用

5.  將麵糰頂部壓成水滴狀， 用刮刀在中央壓一條直紋成桃子樣

6. 把多餘的一份麵團加入綠色色素搓至顏色均勻; 搓成長條再切成18小份

**葉子製作可免！ 我貪靚先整嘅！

9.  7 

7.把每份小麵糰搓成條狀， 用壓刀壓扁， 再用刀片入上葉脈紋

8.  用水左右各一的粘貼在包子底部  （壓葉子時要用力些； 否則葉子漲起不好看）; 

     把包子放進舖上不沾膜的蒸籠，蓋上保鮮紙再度發酵20分鐘

   （如發酵後包上坑紋淺化可在此時在壓一次）

9. 紅色食用色素加小許水調稀； 用包子造型時多出的麵團沾上紅色水； 輕輕印在包子的頂部

造型完成！

12. 把水煮滾，放上蒸籠中火再蒸8分鐘至包子熟透便可 (蒸好後不要立即揭開蒸籠蓋； 待2-3分鐘才開可免包面下陷)

 

Tips:  因包子在蒸製時會稍澎脹； 所以不要排得大密； 如蒸龍較小可分兩次蒸！

飛魚子芥末醬蝦球

飛魚子芥末醬蝦球（食譜）

Mazola x Owemama有尤美味食譜介紹比大家喇！  呢個【飛魚子芥末醬蝦球】真係超好味！  炸到卜卜脆嘅珍寶蝦球； 沾上滑捋捋香辣又供鼻嘅Wasabi蛋黃醬； 再加埋係粒粒飛魚子； 味覺層次高低起伏； 包你食得過癮！老公同Owen仔食完一隻又一隻，大讚Super Yummy！ 

雖然氣炸鍋好幫得手；  但有D菜式真係要明火油炸先做到效果嘅！

⭐⭐食譜⭐⭐ 

材料： 

大蝦12隻

醃料： 

蛋黃1/2隻

幼鹽1/4茶匙

胡椒粉小許

炸料： 

生粉半碗

飛魚子芥末醬： 

飛魚子適量

日式蛋黃醬4湯匙

日式芥辣（wasabi）1茶匙（或按口味）

鍊奶1/2茶匙

檸檬汁 1/2茶匙

步驟： 

1/  蝦摘去蝦頭； 拔去蝦腸及剝殼（留蝦尾部份)

2/  把蝦肉洗淨， 徹底抹乾加醃料抓勻， 室溫醃10分鐘

3/  把飛魚子芥末醬調好， 留起小許飛魚子裝盤時用

4/  將大半份生粉放保鮮袋中， 放進蝦， 再在上面放上餘下的生粉;  

4/b  封好保鮮袋口， 用手搖動令生粉均勻沾在蝦仁上

5/  取出蝦仁， 拍去上面過多的生粉備用

6/  把適量【萬歲粟米油】倒入小鍋慢火煮至八分熱

7/  放進蝦仁每面炸約一分鐘成蝦球 (時間視乎蝦的大小），最後轉大火逼出多餘油份, 

     撈起瀝油備用

8/  將蝦球轉往大碗中， 加入飛魚子芥末醬撈勻

9/  上碟並灑上適量飛魚子便完成

 

 

 

 

香茅牛油雞翼

香茅牛油雞翼

牛油同雞翼好夾； 但一般都係以炸嘅方法處理雞翼;    今次我不用油炸改為將雞翼焗熟， 易做又省油， 配料仲超下飯， 係簡單美味的好煮意。

食材：
雞翼 即買1磅(解凍後印乾水)
香茅莖1枝(拍扁後切碎)
辣椒1隻(切粒）
乾蔥蓉1.5湯匙
炸蒜粒/2茶匙
芫茜碎適量
蔥花適量
無鹽牛油1.5湯匙

雞翼醃料： 
鹽1/2茶匙
酒1/2湯匙

調味料: 
鮮醬油1湯匙
魚露1/2湯匙
糖2.5茶匙 

1  焗爐預熱至180度。 將醃料抹勻雞翼醃20分鐘

2  焗盤舖牛油紙，放上雞翼，焗15分鐘 (先焗底部10分鐘； 取出反轉後再焗5分鐘)

3  以小火燒熱適量油爆香乾蔥蓉、香茅碎和辣椒

4  放進雞翼炒勻，下調味料及牛油； 轉中火煮至略為收汁; 試味 (因應自己口味增減調味料)

5   熄火，加入半份炸蒜粒炒勻便可上碟; 最後灑以蔥花、芫茜及炸蒜粒添香便完成！

住家SaWaDee泰巔拿； Yum Yum！！

住家SaWaDee泰巔拿； Yum Yum！！

Yeah Yeah！好快可以衝出香港; 第一站當然係去我同老公最鐘意嘅Bangkok啦! 諗起可以去翟道翟買餐具同去掃泰式醬料； 真係未出發先興奮呀！

星期六放假上網睇咗成朝資料；個心仲係好痕就落街買料做咗呢餐住家泰菜餐至住痕先！

本來想整咖喱炒蟹； 可惜前幾日係咁落雨，兩個街市無肉蟹賣； 用魷魚代替, 都一樣好味呀！

（*個別食譜將遲D刊出)

泰巔拿菜式：

-冬蔭大頭蝦湯

-咖喱炒鮮魷

-魚露烤豬頸肉

-豆醬炒通菜