祝父親節快樂！！

琴日拔完甲啦，醫生初時麻醉藥落得唔夠，痛度我係咁流眼淚，最後加左兩次藥先可以順利完成手術。　做完喊都隻眼腫晒，老公心痛死。
今日去洗傷口，姑娘將我隻腳趾包到好大隻，老公猛話好得意，話返屋企同亞ｂ係沙布上畫眼耳口鼻，以為佢地大隻講，點知佢地黎真。　兩人夾手夾腳畫左呢個公仔，不過都可得意啊。　老公話呢個係佢黎喎，不過亞b話如果係就慘啦，個公仔成日苦瓜乾咁!!
老公，真係唔好意思啦，呢個父親節我變左"癱姬"，乜都要你服侍。仲煮唔到好野比你食，仲累你呢幾近於日日日食飯盒，不過我應承你，好翻一定會同你補祝翻架。