雞粒扒豆腐

小朋友鐘意食濃味，又可以送飯o既餸,，但係老公就鐘意食清淡d，所以要迎合佢兩個，仲要係新菜式，真係好傷腦筋。   最後構思o左呢個菜式：　粒粒扒豆腐 。  好彩做媽咪o個個 Mix & Match最醒，將A材料 + B配菜 + C芡汁，就成一味新菜式啦。

雞粒醃好炒熟，加埋焯過o既紅蘿蔔同芥蘭粒，再打個薄蠔油芡, 再淋o係蒸好o既百福豆腐上面，你都咪話，真係好好食架。　連平日唔食豆腐o既Owen, 今餐都食左好多豆腐添呀，真好呀!　佢地仲話下餐要 Encore 添。

重點： 豆腐蒸好後要徹底倒去多餘水份，倒唔到o個d，我會用廚房紙在碟邊索乾。 務求無多餘水份，唔係個芡汁就會稀晒架喇。