繼續玩酥皮 - 芒果拿破崙

Happy New Year!!  祝大家都有個和味o既2011。

琴晚一眾朋友黎晒我屋未開除夕Party,  大前題係開檯，我雙手將會好忙，所以唔會準備食物，通通食外賣，只係要負責蛋糕加甜品。

前晚整好o個兩塊酥皮，今日繼續玩埋佢，o係雪櫃拎出黎解凍再焗，結果無問題題，好酥脆，跟住就做左個芒果拿破崙為琴晚o既除夕Party + 順道為1月3日生日o既Bonnie 慶祝。

我加左兩片戚風蛋糕做底，吉士醬方面，今次無跟美味DIY o既食譜，另外o係網上搵左一個，o既味道一流， 但係就過稀，我已經加左粟粉份量，下次要再加Ｄ添，因為再挺身Ｄ會仲Perfect.  我自己就好鐘意呢個蛋糕，我都食左一整件呀(平時我怕肥，試味都係食一兩啖架咋)!

甜品就用左黑，白朱古力士多啤梨，小朋友由聖誕節到而家，一路都食得咁豐富，呢個甜品會健康d，又可愛，佢地個個都好鐘意，仲可以用黎裝飾埋個蛋糕，一舉兩得呢!

是日甜品：