整色整水 - 口水雞

 

 兩個星期前同老公去民聲食過呢個口水雞好喜歡，尤其喜歡佢個汁料。而家我同老公出去食飯大家食到好味嘅野，都會研究吓啲汁料內有乜(有D走火入魔)，返屋企無耐就會心痕痕想試整，呢個汁料整出嚟都幾似樣㗎。 

重陽節正日媽媽預告會帶來半隻拜神白切雞，一於試吓整口水雞，反正隻雞係現成貨，我只係負責整色整水，係超簡單任務, 經加工後，就成為呢個A貨, 屋企人都好鐘意呢個新食法呀

配料 - 皮蛋，芫茜，花生粒，辣椒粒，粉皮 (可隨意）
汁料 - 生抽 3湯匙，老抽1茶匙，醋2茶匙，糖4茶匙，辣椒油小許）酸甜度可自行調敎：）