Owemama返嚟喇 ！ 緊係要親自下廚慶回歸啦！

Owemama返嚟喇 ！ 緊係要親自下廚慶回歸啦！

經過近4月復康之路，而家已經好返九成，生活終於開始回歸正常； 同時正式重返工作崗位

終於攞到老公同仔仔permit可以拎返起鍋鏟煮餐飯 好耐冇完整煮一餐下廚有D興奮添 從此老公同仔仔可以輕鬆多喇！

仲有魚檔老闆娘見我行得唔錯終於肯賣蟹比我喇！蟹痴一家人忍咗近4個月； 終於唔使再陪我介口喇！ 兩個蟹痴大叫Yeah Yeah！ 不過Mama都只夠膽淺嚐DD咋

冰箱條豬背骨雪左半年就過期； 呢餐用整咗我想整好耐嘅香蒜椒鹽骨； 其實好易整； 第一次整大成功!! 只係豬背骨唔夠肥， 下次用帶肥一字排整就更正喇！

花蟹爆膏爆肉； 凍食勁鮮甜； 仲有XO醬西蘭花苗雞柳同節瓜湯， 呢餐算係Mama回歸廚房慶祝宴喇！

呢餐食D乜：

花蟹凍食

香蒜椒鹽骨

XO醬西蘭花苗雞柳

節瓜湯

我相信狀態好返會返返嚟, 等我完全康復又可以招呼朋友仔嚟食飯呀 遲D開始又可以同大家分享吓食譜喇！

Marco Chan

Polly Yiu Owenmama