紅燒圓蹄

自從8年前學識整紅燒元蹄，每年團年飯，屋企人都一定要我整呢樣餸, 佢地話好好味又好意頭(諭意：團圓)，但因為好肥膩，所以一年一次就夠喇。

其實好易整咋：　　

1) 元蹄洗淨，抹乾，用老抽搽在皮上待３０分鐘（上色，見小圖）

2) 抹乾後走油 ，不用太多油，我係用易潔鑊半煎炸，不過一定要炸晒全塊皮。

3) 用高鍋放水，冰糖，老抽，生抽同玫瑰露，最後液體要蓋過元蹄。

4) 水滾後放進元蹄，滾起候轉細火炆約3個鐘至軟"林" 為止。

***3) 的份量視乎元蹄大小而定，都係o個句，"試o下味喇" 。 可參考以下大圖的顏 色。
***其間若要加水要加熱水，免收縮
***炆o既其間以"色"為重，不要下大多老抽，如太黑就唔靚。　味道可炆好後先教，太淡可按口味加糖或生抽，太濃可加熱水，再滾起便可"上臺"喇。