Owenmama 百搭蝦膠

呢個蝦膠做法簡單，無添加，就連肥豬肉都無落，100%純下，彈牙鮮味，仲可以將佢蹉圓噤扁，
要黎配其他食材煎，蒸，炸，甚至用黎打邊爐都一樣得，係百搭架。　遲d會同大家分享兩個泰式蝦餅o既做法添 。

 
食譜：

鮮蝦一斤

 

調味：鹽1/2茶匙 /  蛋白 3/4 隻 /白胡椒小許 / 麻油小許

-蝦去殼，用小許鹽伴勻，再用水沖乾淨

-蝦肉挑腸，用廚紙徹底吸乾水份

-用中式菜刀，將蝦逐一拍扁成蓉

-蝦蓉置砧板上，下半份鹽，胡椒粉，用刀琢十數下， 將蝦蓉用刀返轉，下餘下的半份鹽，再琢十數下。

-蝦肉置大碗中，下半份蛋白，用手順一方向攪自蛋白被吸收，再下另一半蛋白，再攪自蛋白被完全吸收為止。

-拿起蝦膠，用力撻20十下左右至起膠

-最後用保鮮紙包好放入雪櫃雪3小時便完成喇。