呢個蝦膠做法簡單，無添加，就連肥豬肉都無落，100%純下，彈牙鮮味，仲可以將佢蹉圓噤扁，
要黎配其他食材煎，蒸，炸，甚至用黎打邊爐都一樣得，係百搭架。 遲d會同大家分享兩個泰式蝦餅o既做法添 。
食譜：
鮮蝦一斤
調味：鹽1/2茶匙 / 蛋白 3/4 隻 /白胡椒小許 / 麻油小許
-蝦去殼，用小許鹽伴勻，再用水沖乾淨
-蝦肉挑腸，用廚紙徹底吸乾水份
-用中式菜刀，將蝦逐一拍扁成蓉
-蝦蓉置砧板上，下半份鹽，胡椒粉，用刀琢十數下，
將蝦蓉用刀返轉，下餘下的半份鹽，再琢十數下。
-蝦肉置大碗中，下半份蛋白，用手順一方向攪自蛋白被吸收，再下另一半蛋白，再攪自蛋白被完全吸收為止。
-拿起蝦膠，用力撻20十下左右至起膠
-最後用保鮮紙包好放入雪櫃雪3小時便完成喇。
多謝分享. 蝦膠我整極都唔滿意, 唔知係咪因為我雪得唔夠耐呢?
回覆刪除最大關鍵係蝦是否抹得夠乾，同是否撻得夠膠，反而雪凍唔係最大關鍵呀^^
刪除咁我諗我一定係抹得唔夠乾.
刪除虾膠真係好好味呀，但又好難整得彈牙，我有時得，有時唔得，想請問買那種虾適合呢？我次次信賣嗰個人咋。
回覆刪除要鮮蝦，不一定要生猛的，剛”訓覺”的亦可，只要覺保蝦殼光鮮，夠挺身，無甩頭就得啦。
刪除見到你個蝦餅，真係好吸引。
回覆刪除我住處d虾超貴，否則我都想整架。
回覆刪除依家只可整貢丸同魚蛋
我今次都係買左＄４８蚊一斤的蝦咋，剛”訓覺”的，只要確保蝦殼光鮮，夠挺身，無甩頭就ｏｋ，反而我覺得用生猛蝦打膠好浪費呀。
刪除下次打邊爐，我都要自製蝦膠食下先得!
回覆刪除真係好得架。
刪除