牛脷鮮茄湯意粉 (食譜)

 

前幾有同事問我茄汁湯底點整，我未整過，應承佢呢個星期片會試整，然後share食譜比佢。  Owen前两日話想食牛脷，前晚整左一大條做咖哩牛脷飯，剩下幾件的要嚟配鮮茄湯意粉啱哂,    呢個牛脷超好味, 連食兩日都吾厭呀.

再提一次Owen的食譜只係自家家庭式做法而不是正宗做法，而且一般餐廳會將湯過篩，但我卻这喜歡湯有點質感, 最緊要係不浪費。


牛脷食譜請按此


材料:(二人份量)



去皮蕃茄蓉3/4飯碗(大約一個半大蕃茄)
洋蔥粒2湯匙
蒜頭1粒(剁成蓉)
茄汁3湯匙
茄膏1湯匙
雞湯400ml
砂糖3茶匙

**(茄汁/糖份量請按個人口味調節)
 

1) 易潔煲下少許油慢火爆香蒜蓉，下洋蔥炒至半透明，再下茄蓉
2) 轉中火煮2分鐘，稍為攤涼 ，用攪拌器打把粒狀物打爛
3) 將湯料回煲，加入茄汁，茄膏(預先用半碗湯料混合)慢火煮至完全混合，
4) 下雞湯，慢火煮滾，再下砂糖調味便可

** 全程緊記邊煮邊用木匙攪拌以免黏底。

煙肉焗新薯

上星期o係前太古城Jusco見到$40/條一尺長嘅豬背骨，忍吾住買左两條，星期六整左個仿美式晚餐一家三口歎過夠. 連埋 沙律，焗薯同蒜蓉厚多士，吾駛$120攪掂.

每次整親烤豬背骨, 老公同仔仔食到連手指都吮埋呀!



烤豬背骨之前介紹過, 食譜可按此連結:   簡易烤豬背骨食譜按此.   今次同大家介紹煙肉焗新薯食譜,  係我用做蒜蓉多士用剩o既算蓉牛油, 再先著後焗的方法, 估吾到做到內軟外脆o既焗薯.

材料:

新薯一袋（約一磅）

蒜蓉1茶匙 + 有鹽牛油2湯匙 (室溫放軟備用)混合
海鹽，黑椒小許

煙肉1片（切粒）

奇妙醬3湯匙 + 煉奶小許 (煉奶份量隨意, 調至合自己口味便可)

蔥粒小許（裝飾用, 可免）

1）新薯洗淨，煮分鐘撈起浸冷水15分鐘， 一開二備用

2）易潔鑊燒熱3/4油, 下煙肉粒炸至香脆,撈起備用

3) 焗爐預熱200度

4) 薯粒置焗盤上, 加入蒜蓉, 牛油撈勻,  再灑上鹽，黑椒粒,  放入焗爐焗約25分鐘 (先切口向下, 中途反轉再焗), 至金黃香脆

5) 出爐後在上面淋上奇妙醬, 灑上煙肉粒和蔥粒便完成. 

馬來咖哩雞 + 蒜蓉厚多士 (食譜)

仔仔去謝師宴，两支公簡單地整左個馬來咖哩雞配厚多士條同椰菜花，今餐只係$60，份量仲夠我帶埋明日午飯添。 

琴日買定雞下肶，解凍醃好放入雪櫃, ，今日45分鐘就開得飯，輕鬆又化算呀！

今次店老闆介紹我哋買長莖椰菜花, 比以前食開短腳大花嗰種爽甜好多, $9蚊一大舊, 超值呀. 


馬來咖哩雞食譜按此

蒜蓉厚多士食譜按此 

super sweet - 焦糖雞蛋布丁 (食譜)

 

上星期日父親節今日會一家十二口出去街食海鮮，Owenmama 吾駛煮，只係整負責甜品比屋企人飯後後享用。 飯後眾人嚟晒我屋企, 嚟個小型甜品宴.  

  

 三款甜品分別係:
1) Chocolate Brownies (食譜已出)
2) 焦糖雞蛋布丁 (下見食譜)
3) 軟朱古力咖啡奶凍(創作食譜, 食譜後補)


今次同大家分享焦糖雞蛋布丁食譜. 

呢個甜品最難部份係煮焦糖,吾夠火侯會吾夠香, 過火就會苦.   不過只要小心D, 就一定會成功. 


食譜及用具:

4杯約分量(約2.5吋高, 3吋闊圓鐵模)
(模子要買較高身的, 因到扣下會下塌小許, 所以用高身的較美觀)

焦糖:  

砂糖4湯匙 (大量匙)
水1湯匙

-砂糖與水放長柄铁煲內, 中火加熱, 其間不用攪動, 煮至起泡及開始轉黄色， 拿起煲柄搖動,至琥珀色, 熄火, 加入一湯匙熱水, 繼續搖動至均勻混合成焦糖, 便可倒入模內.

雞蛋布丁

大雞蛋2隻
奶250ml
砂糖3 湯匙

1)雞蛋打散(輕力不要打起泡)
2)奶及糖放小煲內，最慢火加熱至糖溶化便離火，(不用煮滾)，如太熱則稍為攤一凉
3)將奶分三次倒進蛋液，用木匙攪勻
4)把蛋漿過篩入模，每個模匀蓋上錫紙，再用慢火隔水蒸約13分鐘至蛋熟透
5)攤凍後放入雪櫃，雪過夜，用小刀脱模，再倒扣便可食用。

Brownies with Ice cream (食譜)

Owenbaba 前日遇交通意外，令佢愛車total loss, 同妾侍say goodbye加上有排無車用, 佢心情底


落, 就用前兩日剩下的Brownies做左個豐富甜品Tum佢開心，送佢苦中一點甜。

 
動動腦筋，普通brownies立時高貴了, 睇到都開心呀. 





組合:

Brownies (方件一開六, 再合併為底) +雲尼拿雪糕+忌廉+烘杏仁+朱古力醬+草莓。

Brownies 食譜

材料(10” x 8” 焗盤 , 舖上錫紙)

125 g牛油

240g 純黑朱古力 (有糖)

100g 砂糖

3/4茶匙 幼鹽

3隻 大蛋

110g 中筋麵粉 (All-purpose flour / Plain Flour)

20g 可可粉 (無糖)

 

1. 牛油, 黑朱古力, 朱古力隔水座溶
2. 加入砂糖, 幼鹽拌勻,
3. 加入全蛋拌勻
4. 篩入粉類輕力攪勻
5. 倒入舖上錫紙的焗盤, 灑上碎杏仁, 放入已預熱180度的焗爐內焗約20分鐘至9成熟.
6. (因個別焗爐溫度或有偏差, 焗18分鐘用牙籤插入Brownies, (拔出時上有少少濕潤便OK) 觀察後之後再加減焗的時間, 如果過熟口感會乾燥呀。 )
7. 焗好攤涼後雪一夜，撕去錫紙件
    

雲石戚風蛋糕 (食譜 + 劃花 / 脫模示範 video)

 

朋友情緒低落，除左用說話開解,　甜食都可能令人開心一陣.　　星期日整左個簡單但好味的雲石戚風蛋糕，叫仔仔送去比朋友做下午茶，　幫佢哋打打氣.　　

呢個蛋糕口感輕軟,　濕潤要嚟送咖啡係一絕．　

雲石戚風蛋糕  - 7 吋中空模

材料 (1) :

蛋白5個

鹽小許

砂糖60g

材料 (2) :      

蛋黃3個

砂糖30g

鮮奶50g　（或水)

菜油50g

低筋麵粉70g   

泡打粉 2g    

材料 (3) :

可可粉 10g  + 15g熱水混合成漿備用

1)     材料(1) – 蛋白加小許鹽打至開始起泡, 再分3次加入砂糖, 打至軟滑尖鋒狀

2)     材料(2) – 把所有液體材料混合, 篩入粉類, 混合成麵糊

3)     分數次將蛋白霜加入麵糊, 要避免消泡, 輕力混合成為蛋糕槳, 

4)     將小許麵(約一小碗)與材料(3)混合成朱古力蛋糕槳

5)     將蛋糕倒槳入模內 (劃花技巧示範劃花技巧示範video), 放入預熱180度的焗爐焗約約25分鐘

6)     蛋糕槳倒進模中, 放入預熱至180度焗約30分鐘或至熟透.

**用長竹簽刺過蛋糕, 拔出時沒有蛋糕黏著, 蛋糕便熟透了.

7)     出爐後立即倒扣, 徹底冷卻後脫模便完成(脫模技巧示範video)

Demo Videos:

雲石紋劃花示範video

(脫模技巧示範video)