舊年去會展Congress食過一次Beef Wellington, 酥皮包住鵝肝醬，磨菇，再包住牛柳黎焗，好香，好好味。自從o個次，我就好想自己試整，但係一路無左件事。 之前o係凍肉店定購左一條牛柳，忽然又醒起佢，我o係youtube 睇左好幾個唔同o既demo video, 發覺粗口籃帶廚師Gordon Ramsay
o既recipe 最o岩我，佢o既youtube video 示範得好清錯，以且 佢用栗子替鵝肝醬，更健康.
星期日晚Daddy要開夜班，我同Owen 決定一人負責一樣菜式做晚餐，佢得一味"拿手菜" - Owen炒飯(不過都係炒過一次咁多），西菜配炒飯好襯呀，加上難得佢有興趣，就煮定飯攤凍等佢炒。你睇個飯真係炒得好靚呀，尤其推蛋花ｏ既手勢真係一流呀。 佢都十幾歲，係時學多幾味黎照顧自己喇。
你地睇下，個賣相又真係好靚仔架。切開剛7成熟，配炒飯，青菜沙律同前一晚剩低o既牛尾汁，so good!
唯一要挑剔o既就係巴馬火腿太鹹太搶味，下次會試下唔用佢。
呢個就係Owen第二次炒o既飯，係咪呃得下人呢，哈
材料 ： 牛柳一件 / 磨菇12兩 / 栗子5粒 (我用優之良品) /巴馬火腿3片/現成酥皮一塊/英式芥辣小許
調味：海鹽/胡椒
做法請參考以下Videos:
磨菇切成幼粒，加幾粒熟栗子（搓成蓉）白鑊炒亁，攤凍備用。
稍為煎封牛柳及搽english mustard, 攤凍用架乘起，樣血水滴出(我用左冰鮮牛柳，就算煎封左都幾多血水架)
。
保鮮紙舖底，巴馬火腿上舖磨菇栗子餡，放牛柳(抹乾血水)，卷成椰子糖狀。
卷得愈實越好，放雪櫃15分鐘定型。
包酥皮，放雪櫃5-10份鐘， 之後掃蛋液，放入預熱200度焗爐焗約35-40分鐘，時間示乎牛柳有幾厚同你想食幾熟。(我最後5分鐘用左250到酥皮先夠金黃)
