解悶酥皮

聖誕節去左曼谷玩，可能食得太肥膩，星期二半夜嘔到天光，老公又返左工，想去醫院打針都無力，唯有捱都天光，等老公返黎先去打針。 D止嘔藥食都我溫溫燉燉，”訓”左差唔多20個鐘。 

而家d胃口都未返，但係總算好左9成，老公又係返工，Owen就去左隔離玩，得我一個就搵d野整，o係廚房整野我就最精神。

記得好耐無整過酥皮，唯一一次係o係2006年啦，記得美味DIY有Video示範，就再去睇，睇師父整好似好易，但係原來自己整都幾麻煩(上次都一樣)，整兩下就要放入雪櫃雪又再拎出黎”碌”，因為唔夠一陣個油皮就會開始溶，會黏住抵墊同酥皮棍，仲整到一身都係粉，不過呢d真係整餅o既樂趣黎，過程當中都好enjoy啊!

今次整左食譜兩個份量，整左兩塊8 x 8吋o既酥皮，剩低o既邊邊我就蹉圓再壓成一件小酥皮，試焗睇o下效果點，上面就係酥皮BB喇，唔錯呀!  好酥脆呀!

兩塊正方酥皮雪o係雪櫃，希望聽日拎出黎焗都有一樣效果啦，咁就可以用黎整蛋糕喇。

有興趣o既朋友們，食譜在此： http://www.rthk.org.hk/elearning/dessert/cake_mangomf.htm

鮑魚扒花膠

去旅行玩都心都散晒，掛住上Facebook, 幾日都無update 到個blog，今日先得閑上黎。

呢個花膠鮑魚係做冬o個日既主菜， 今年d花膠比去年貴左20%，但係一年一度，仲要係全家人食落肚，無所謂啦，最緊要一家身體健康，快快樂樂就無計啦。

其實發花膠並唔難，跟下面步驟就萬無一失啦 

 大花膠 (10 吋長）：

 1) 用清水浸２４個鐘至左圖狀態

 2) 再用薑/酒+水炆到軟身(今年用LC陶鐵鍋炆，一個鐘多d就攪掂)，撈起浸凍水(避免佢再炆會爛)

3) 花膠發好再用鮑魚汁慢火炆浸約一個多小時，試味就攪掂（可隨意加入蠔油／生抽／糖調味，我就覺得d罐頭鮑汁夠晒味，唔駛點加）。

4) 鮑魚都係買返阿一罐頭鮑，原罐浸在煲內煲一/兩個鐘(水高過罐身)，就食得     喇。 (d鮑汁好用作炆花膠用，臨食再將鮑魚會鍋一齊煲熱就食得啦)

*(花膠可以大量發定，再分成一份份放在冰箱隨時都可以食)。

Mini cakes for X'mas parties

今日一點送埋貨去Owen學校， 聖誕整餅任務正式完成，一共整左

 (1) 30 x New York Cheese cake

(2) 70 x Chocolate Fudge Brownies

(3) 18 x Butter Cream Cup Cake.

總共118件迷你蛋糕, 送比三個小朋友開聖誕Party，希望佢哋啲同學都鐘意啦!

(聽落數量好似好多，但原來一盤盤整都唔係好難, 我仲好enjoy添！

下面係Owen 嘅 35 x chocolate fudge brownie + 30 x new york cheese bar
本來佢係order cream puffs 嘅,但係 試完善同D brownies，就即刻改變主意話唔要cream puff改為要我整多盤brownies.

                      

 標標嘅 butter cream cup cakes x 18, 今次用誘人嘅粉紅色，好滿意啊！

   
30 x New York Cheese cake &  善同嘅 70 x chocolate fudge brownies, 好耐無整，真係好好味，難怪Owen食完會改變主意。

18th 週年晚飯 - Omakase @花盃

11月29日係我同老公結婚１8週年，佢一早吩咐我安排地方同佢食婚，因為28號係我老媽子生日一家人去左會展Congress食自助餐，前一日先食完咁豐富同咁"漏"o既一餐，所以今年我揀左花盃食魚生+壽司，咁就應該會好d。

今次係食 Omakase (即係無餐單，食乜由師傅發版)，師傅會事先問你有乜野唔食，然後佢安排當日最靚o既食材，味道由淡至濃，逐款慢慢奉上，共20多道菜式，樣樣都超好味。同師傅+食客一路傾一路食，好開心呀，食左兩個幾鐘，一d都唔覺長，食度尾段，我已經飽都叫停，但係師傅好帖心，見我飽，但係又為食，就會將兩個份人兩分成一大一小，老公就食大份，咁我就有得食落去啦。 最後我地兩個連甜品都食唔落，飲埋咖啡就埋單。

有好多款魚生我連個名都味聽過，好似針喻，赤綠魚...連銀雪魚都可以做刺身，仲有炸生文魚鱗，同鐵板吞拿魚筋，無錯，係大條吞拿肉同肉中間個條白色筋，整出黎充滿油香，送酒一流呀。種類不能盡錄，件件都咁肥美好味，而家都仲回味緊呀。

呢餐可能係我咁大個女食過最好味ｏ既一餐。　多謝老公!

剪綵 - LC鳳爪排骨飯

第一次為新煲剪彩o既鳳爪排骨飯配白焯菜心。鳳爪排骨係媽咪幫我o係香港仔一間凍肉店買o既現成貨，味道真係同酒樓o個d一樣，咁整出黎確係好味。

大煲 － １９週年禮物

唔經唔覺，今個月２９號就係我同老公結婚１９年週年喇 (咪以為我地好老，我地好細個就結婚喇，哈哈)，我地細細個係鄰居，由細就一齊玩到大 ，可能我地一齊過得開心，時間真係過得好快！　好多謝佢對我處處忍讓，唔係都可能捱唔到已而家。

呢個係老公知我想買好耐又唔捨得，終於由佢出手，話當係週年禮物，以後定當盡心盡力，有咁”大煲”，整咁”大煲”過佢嘆！ （偷笑中！）　

小妹同老公在此好多謝各網友o既祝賀!!

我地會一定會開開心心，融融洽洽咁相處落去，直到永遠，hehe........

柱侯牛腩

睇返Blog內o既網誌，原來對上一次整牛腩已經係年幾前，今日Owen 有同學到訪，去到街市，突然間好想整炆牛腩，諗諗o下橫踮都炆開就埋左比平時整開o既兩個份量，要黎同呀哥+鄰居分今同味。  今次又d唔同，就係加左柱侯醬，加左之後味道又真係香濃好多，Owen同同學仔都話好味呀，同學仔本來話食一碗飯，最後食左兩大碗呀。  

我地成日"喱"o係廚房煮呀煮，都係希望家人同朋友食得開心，見到佢地食到停唔到口，o個份滿足感真係.........形容唔到咁正呀!

食譜：材料：急凍牛腩條一包、牛筋2磅，蘿蔔1條、八角兩粒、薑片

調味料︰生抽、冰糖、水，柱侯醬

做法：

1.先把牛腩條一開二加蔥和薑汆水，(原條亦可)

2. 把八角用袋子裝好，連同牛腩放進鍋中
3. 加進調味料，水的份量要足以蓋住牛腩
4. 蓋上鍋蓋炆至沸騰(30分鐘)，熄火後繼續焗15分鐘
5. 第4程序重覆兩次 (如要加牛筋可再重覆第二次時加入)
6. 蘿蔔切塊，加進原鍋牛腩內細火煮30 分鐘，試味及最後調味，完成!

註：  牛筋可選急凍牛筋，先出水，過冷河，(6)時加入與牛腩同煮。


****************************************************************
各位朋友，本人已於 Facebook 開了 Fan page, 請登入以下網址 add 我啦。
以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203137

星期日一人午餐 － 榨菜豬肉蒸豆腐

星期日一人午餐　－　榨菜豬肉蒸豆腐

星期日老公多數要返工，而阿仔又多數有節目，中午o個餐都係得我一個食，雖然新般黎呢到，但係下面d餐廳都開始食都悶，所以呢兩個星期都開始做一人唔餐，無咁肥膩，又實o岩自己口味。 第一擊就係呢個榨菜豬肉蒸豆腐喇。

做法：

免治豬肉($5)，加入烏江榨菜一包（事先以清水浸半小時），簡單的用生抽＋糖＋生粉＋小許清水調味，最後加小許生油撈勻，再舖在豆腐上蒸１０分鐘，加個白飯，就成為簡單又好味ｏ既一人午餐喇。

雖然賣相一般，但係送飯就真係超正架!

**我用o既係o係雜貨舖買o既包裝好o既"烏江榨菜"， 1個人1包就o岩o岩好，已經切左絲 同調過味，不過都係較鹹，浸o下水會淡味d。

****************************************************************

各位朋友，本人已於 Facebook 開了 Fan page, 請登入以下網址 add 我啦。

以後大家除左可以上Yahoo blog，仲可o係 Facebook同我溝通呀! 

朱古力鏡面芝士蛋糕

上星期日一難得集齊一家人為老爸提早慶祝73歲生日，連好難o係星期日放假o既姐夫都黎埋，老人家開心到不得了。

為老爸整左個芝士蛋糕，上層係朱古力鏡面， 下面係原味芝士餡，我仲拎左一部份餡混合溶左o既朱古力同Rum酒，咁個餡就有兩個口味，無咁單調喇。 

祝爸爸生日快樂，身體健康，心想事成呀!

蛋糕食譜係Mix & Match出黎o既：

1) 芝士餡我係跟下面連結做 (份量 x 兩倍)http://www.rthk.org.hk/elearning/dessert/cake_charlotte.htm

2) 鏡面係跟名師食譜，不放便公開，有興趣o既朋友請用私人回應留email address，我會盡快回覆。

3) 再加一片清蛋糕/或者用消化餅底都得。

****************************************************************

各位朋友，本人已於 Facebook 開了 Fan page, 請登入以下網址 add 我啦。

以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203137

冰鎮芥蘭

超簡易冰鎮芥蘭

好耐之前睇"肥滔"o既飲食節目介紹過呢個菜式，已經覺得會唔錯，呢排芥蘭當造，就立即試ｏ下。

只需將芥蘭莖灼至剛熟，過熟就唔爽脆,（昨天的芥蘭只有尾指粗，所以大火滾分幾鐘就得），立即撈起放冰水中冷卻，再撈起，抹乾，放雪櫃中雪數小時便可用日本豉油＋芥辣佐食，係酒樓食會用碎冰冰鎮上檯，但屋企食就唔駛啦，但係一定要夠凍先似樣。

做o既時間只係數分鐘，就整出呢個口感好清新，好甜o既菜式。 菜都可以當刺身食，真不錯呀。

**灼芥蘭ｏ既熱水要加小許油，鹽同糖。

**剩下o既菜葉唔好浪費，我買左d魚片頭一齊滾，咁就多個上湯芥蘭魚片頭啦，一菜兩食，ok架。

自家製全日宴

上星期日初次成功整左銀雪西京燒之後，心思思想整個全日本菜餐，星期三終於有機會完成，菜單：

1. 蜆肉茶碗蒸
2. 大蝦/南瓜天婦羅
3. 銀鱈魚西京燒
4. 冷烏冬
5.　韮菜花

星期一醃定銀雪魚，星期三食就剛好喇。 點解食得咁密？全因星期日第一次整，一檯１０人食４片魚，原來唔係好夠，所以我同老公只係食左一，兩啖，，所以老公要我盡快再整，佢今次要盡情食喎。　呢餐既份量，如果出去食一定唔少錢， 自己整又平又可以食到夠，老公同Owen老公好滿意呀！　

豆豉鯪魚油麥菜

呢個係我最鐘意食o既蔬菜類菜式，不過o係外面食就好肥膩，自己o係屋企煮就會健康ｄｄ，但係味道一樣咁好，仲可以整好大碟，食到夠晒喉添，送飯仲一流添。

材料：

油麥菜１斤半，切段，菜頭切片

豆豉鯪魚一罐，魚肉剪成塊狀 (罐內的油只留 1/3)

紹酒一湯匙

雞粉 1/2茶匙

1)      燒熱鑊下豆豉鯪魚連油爆香(不用另外加油)

2)      下菜兜炒，在鑊邊贊酒

3)  蓋上鑊蓋焗30秒

4)  下雞粉調味，兜炒至菜全熟便好上碟

真係好簡單架，如果你屋企人都鐘意出街叫呢個餸o既話，快d試o下整比佢地食，包佢地加你分架。

**一罐豆豉鯪魚剛好整到斤半菜 ，唔係就會太多魚，如果少人食，全部材料就按比例減少，不過多左o既豆豉鯪魚就會浪費。

上湯龍蝦伊麵底 (食譜)

琴晚宴客，見到唔係成日有ｏ既本地龍蝦，好靚好好肉，就買左６隻，再買左3個伊麵； 呢個餸其實好簡單：

１）將已開邊龍蝦洗淨，抹乾，再撲薄粉，半煎炸至９成熟後撈起瀝油

２）再用兩燙匙油起鑊，龍蝦回鑊贊酒

３）倒入適量雞湯加生粉水打薄芡，灑上蔥花，再淋在已煮熟ｏ既伊麵上就得啦。

我唔想用咁多油去走油，所以要分兩次(蝦頭同蝦身)用半煎炸o既方法做，咁就唔會咁浪費啦。　你地都試下，整出黎o既效果同酒樓無乜大分別，好有成功感架。

日式茶碗蒸

日式茶碗蒸

上星期ｏ係 Jusco買左幾個專係用黎蒸蛋o既有蓋碗(只係10蚊個，但係好靚呀)，前幾日就即刻用黎整茶碗蒸蛋，有呢個碗超簡單：

材料只有：蛋+雞湯，比例為1：2  先用叉將蛋打勻，加入雞湯輕力混合，過篩，將蛋液倒入加入日式配料o既茶碗(配料- 蟹柳，冬菇)，蓋上蓋，蒸8分鐘即成無豆皮滑滑蒸蛋，一人一杯，好滋味啊。呢個杯仲好保暖添，真係超值呀。

韓風餃子泡菜煲

呢個菜式雖然其貌不揚，但係真係幾好味，酸酸辣辣，容易整又好開胃架。

只要將適量o既泡菜加雞湯煮湯底 (嗜辣o既可以再加紅椒粉)，再加入豆腐，菇類同預先煮熟o既餃子，就可以上檯，我就會插電鍋一面滾住黎食，Owen 仲鐘意加d烏冬添，老公返工o既時後，兩母子咁就一餐喇。   呢個菜式，如果冬天食會更加正呀。

椰汁芒果西米露 (中粒版)

 椰汁芒果西米露 (中粒版)

每次o係外面食到好味o既食物，我都會急不及待咁試整然後同屋企人分享，今次係椰汁芒果西米露 (中粒版)，係o係新居附近o既甜品店食到o既，做得都既有heart, 又鮮芒果蓉，加埋"中粒"西米，好好"趙口"，不過一碗得dd西米粒，到喉唔唔到肺，仲要買$21一碗，係"地茂"舖黎講，都算幾貴。

今晚趁家庭聚會，一於整一大煲比大家試o下。 呢個甜品一ｄ都唔難整，買到"中粒"西米，會好"趙口"d，仲預早用攪拌機打左d芒果蓉，加埋芒果肉，學足屋企附近甜品舖o既做法，但係當然足料好多啦。　幾十蚊，夠十幾人分，成家都話正！！

做法：

-西米煲5分鐘，其間要用木匙慢慢攪拌
-關火，蓋上煲蓋，把西米焗至透明，(如焗15分鐘仍然未得，就要再把西米煲滾，再焗 ，我用o既西米比一般西米大粒數倍，呢個步驟都重複左一次至得)
-把西米粒撈起過冷河(充分冷卻)，瀝水，放雪櫃備用
-冰糖+水煮開，加入椰醬，關火，攤涼，加入西米粒，放於雪櫃(最好雪過夜)
-食o既時候加入芒果粒和預先打好o既芒果蓉。

最好的手信- Creme Burlee

同事都最愛我整o既 Creme Burlee, 星期一成個 department 去 Anita新居食飯，我就整左呢個去做手信，簡單又好味。  Anita 同佢工人整左一餐好豐富o既晚餐，好多謝佢啊。

老公好耐無食過呢個，佢成日叫我整我都無"so"佢，o個日佢放工返黎打開雪櫃見到就笑晒口，但係我話佢知我地部門８個人，８杯都係o岩o岩好，無佢份，佢即刻扁晒咀。  琴晚終於有時間，佢11點幾放工黎，我就整定左一杯勁大杯o既比佢食，佢開心到不得了啊。  好彩佢咁瘦，唔係食咁肥o既宵夜就係肥死人啊。

繼續醉 - 醉雞翼

上次我係整全雞，跟住係蝦，今次繼續醉落去。做法一樣咁簡單，將雞翼用清水煮熟，過冷河，再用醉雞汁加入自己喜愛的酒調味，再浸過夜就得架喇。呢個天時食一流呀。

****************************************************************

各位朋友，本人已於 Facebook 開了 Fan page, 請登入以下網址 add 我啦。

以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203

好香好香 – 香蕉蛋糕

上星期六去美容院按摩，對 上booking overrun，見佢有幾本甜品食譜放左o係度，就拎黎揭o下，其中一本唔錯，有個香蕉蛋糕好似好得咁，就快手抄左d材料，得閒試整。

呢個係我第一次見都要加酸忌廉o既食譜，又唔駛用好多牛油，整出黎好香，又軟又唔乾，唯一美中不足o既係我覺得太甜(可能因為我呢幾年習食少甜)，下次再整會減d糖份。

因為睇得太急，所以連書名都無抄低。

材料 (可焗12 個2 ½ 吋錫紙杯) ：

牛油85g

糖1杯 (我下次會先減1/4杯，但可按個人口味調較)

蛋 2隻

酸忌廉 ½杯

香蕉蓉1杯 (熟透，約2.5隻)

自發粉 1 ½ 杯

鹽1茶匙

*食譜係用麵粉加1茶匙發粉
*食譜有1/2茶匙雲呢拿香油，不過我怕會奪左香蕉香味，所以無落

做法：

-焗爐預熱190度

-牛油室溫放軟，加糖打勻

-加入雞蛋打勻 (不要打太久)

-加入酸忌廉 和香蕉蓉打勻

-最後加入麵粉和鹽，用膠刮輕手拌勻

-放入容器(7分滿)，焗約40分鐘

醉蝦

星期五朋友到訪，星期四晚整定醉雞比大家食，之後剩返一大碗醉雞汁，又唔捨得倒左佢，就買左d海蝦返黎，整醉蝦，通常d人唔會好似我咁整，一於用自己諗o既方法試o下，結果好滿意，最重要係唔好浪費呀。

做法簡單到無人有：
將蝦灼熟，過冷河(至徹底冷卻)，剝殼，放入醉雞汁內浸3小時(冷藏於雪櫃)。

雞汁：
現成醉雞汁一碗，加左小小水水(因為我覺得大鹹)，仲有白蘭地，花雕同玫瑰露調味

(我成家都鐘意"醉"d，所以乜酒都落d" 囉，份量就除你鐘意囉，總之較o岩自己口味就得囉)。

**我仲加埋老公最鐘意o既青瓜，呢個配搭好o岩，好清新呀。

薑蔥蠔 yum yum!

上星期好友 Tiffany問我點整上星期好友 Tiffany問我點整薑蔥蠔，我口述左比佢聽，不過我都好耐無整呢個菜，因為呢個係阿嫂強項，每次都有佢操刀。　不過為左印證我無教錯Tiffany, 特登買左包廣島蠔黎試ｏ下，結過係....Yum Yum!!

材料：
蠔　唐芹    蔥    薑     花雕

芡汁：

蠔油     生抽     糖      水

做法：

-蠔解凍，拖水，擎乾水份備用
-燒熱鑊，下薑爆至金黃，下蠔煎至兩面微黃
-鑊邊贊花雕酒
-下唐芹兜炒
-下芡汁 / 蔥兜勻，上碟

****************************************************************

各位朋友，本人已於 Facebook 開了 Fan page, 請登入以下網址 add 我啦。

以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203137

New York Cheese

搬屋咁耐以來，個焗爐淨係整過戚風蛋糕同埋scone,   今次係搬屋後第一次用佢整焗芝士餅。  今日為係同事Isa提早慶生，因為好耐無整過蛋糕比同事食，真係唔好意思，琴晚６點就收工趕返屋企整餅。　本來想整天使蛋糕，但係天氣太熱喇，都係整呢個硬o既New York Cheese Cake安全d。   

好彩佢地好鐘意呢個蛋糕呀，見到佢地食得咁開心，我就充滿力量啦。

我諗你o地同我都一樣，整出黎ｏ既作品受歡迎就最滿足啦，Right?

****************************************************************

各位朋友，本人已於 Facebook 開了 Fan page, 請登入以下網址 add 我啦。

以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203137

自家製全日宴

上次我同Owen吼老公返中更試整天婦羅，老公一直梗梗於懷，話我地個成日等佢唔ｏ係度先整好野，一有機會就會入位要我再整比佢食。

琴日早上我同佢講：

我：”老公，今日係我舊曆生日，你點同我慶祝呀？”　　

老公：”啊，咁你晚整天婦羅，我同你ｏ係屋企食飯慶祝呀ｏ下”　

我：”$%&*&^*&%"!!   

不過最後都係整左囉, 仲整左成set 日本全餐添。

菜單：

前菜(冷盤)：麻醬蕃茄 (阿嫂上次整比我地食，好正! 今次偷佢師 )

                      鰹魚汁豆腐

炸物：  大蝦+南瓜天婦羅

飯 ：   雜錦魚生飯 (好靚呀，係Owen同老公砌o既)

蔬菜： 蒜蓉牛油焗雜菰

琴日Bonnie 同仔仔晚飯無著落，就請埋佢地黎開飯，點知佢鬼咁客氣，買左隻日本蜘蛛網蟹黎加料(佢話同我賀壽喎)，最後，得三個大人，兩個細路，但係就成檯都係ｏ野，最後都係食唔晒，大半隻蟹就打包比佢老公消夜。

隻蟹真係好正呀，ｄ肉好大條，從味試過ｏ係屋企將原隻大蟹解體黎食，最多都係食腳咋。多謝晒Bonnie 呢個咁另類ｏ既生日禮物啊。

和風...和味 (大蝦＋南瓜天婦羅 + 冷烏冬配Wasabi 鏗魚汁)

是日和式晚餐　－　大蝦＋南瓜天婦羅 + 冷烏冬配Wasabi 鏗魚汁

今日得我同Owen 兩個開餐，佢好鐘意食日本餐，今日ｏ係 Apita 買左包天婦羅粉同鏗魚汁，放去到街市買埋大蝦同日本南瓜，試o下自己制作。 

跟住包裝上o既份量，以凍水開成粉漿，就可以好成功咁整到天婦羅喇。

d南瓜o係邊？咪要黎薦住d大蝦囉，不過原來日本南瓜雖然細細個，但係炸左真係好甜，唔會差得過d蝦呀。

休漁期過左喇 -- 凍蟹

我地一家除左同雞有仇，第二大仇人就係蟹啦，早排休漁期，街市無乜蟹賣，就算有都超貴，琴日去街市，終於有大量供應，仲又平又靚，只係＄４８一斤，三隻大蟹都係＄６３咋，一於一人一隻，唔駛講梗係Owen最開心啦。

呢個餸真係 0難度，只要有靚o既花蟹就得喇。 　

唯一要注意o既係要將d蟹放入冰格約一小時，雪到佢地暈晒先放入滾水煮，唔係咁，d蟹一o係熱水內掙扎，就會甩手甩腳架喇，咁就會影響到個賣相架喇。

****************************************************************

各位朋友，本人已於 Facebook 開了 Fan page, 請登入以下網址 add 我啦。

以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203137

色，香，味 - 台式肉鬆皮蛋豆腐 （涼拌菜）

台式肉鬆皮蛋豆腐　（涼拌菜）

呢個菜式我每次食台灣菜必點o既菜式，o係咁悶熱的天氣食，真係透心涼o架。　我唔知做法正唔正宗，因為買唔到台式油膏，只可以按記憶中的口味黎整o既，不過都好似樣，個個朋友都鐘意。　因為上次整係原件上碟，賣相麻麻地，今次用左有坑紋刀黎切，老公同朋友們都讚佢，香，味都有齊，我自己都超滿意呀!

材料：

-百福蒸煮豆腐2盒，蒸5分鐘，攤凍，倒去多餘水份，雪凍備用

-皮蛋兩隻，切幼粒，雪凍備用

-豬肉鬆 - 隨意 (記緊要買脆口的那種，否則欠應有的口感層次，我用"林真香")

自家創醬汁：

-蠔油３湯匙，淡味生抽１茶匙，糖２湯匙，凍滾水２湯匙，麻油１茶匙。

-食的時後將皮蛋和肉鬆舖再豆腐上，再淋上醬汁便可。

**豆腐出頗多水，所以要臨食前再要徹底倒去水份切片(或原件上碟)，才把其他材料舖上。

**呢個汁係要帶少少偏甜, 因為唔同品牌o既調未料鹹淡不一，只要調

o岩自己口味就得啦。

****************************************************************

各位朋友，本人已於 Facebook 開了 Fan page, 請登入以下網址 add 我啦。

以後大家除左可以上Yahoo blog，仲可o係 Facebook同我溝通呀!

http://www.facebook.com/pages/Owenmamas-Kitchen/114750475203137

戚風蛋糕

呢個係我搬左屋之後第一個整o既蛋糕；

自從搬屋時掉左個舊磅，好耐唔記得買，想整都無得整，上星期終於”的”起心肝係Apita買左個磅，星期日就開工整左個最簡單o既戚風蛋糕，比d鄰居做下午茶 (本來想整紐紋，但係屋企材料箱連可可粉都無)。 

今次仲膽粗粗第一次徒手脫模，成功左呀，初初個蛋糕比我”禁”到變晒形，不過好彩唔駛一陣佢就回彈成原狀喇。 呢個脫模方法比我以前用刀脫模靚好多呀，下次會繼續用。