電飯煲焗臘味飯 (簡易版食譜)

懶人版電飯煲焗臘味飯（簡易食譜）

碰啱朋友到訪；天氣涼涼地趁多人就整個足料懶人版臘味飯嚟大家嘆。 呢煲飯5杯米、6條臘腸、2條膶腸加隻油鴨髀起肉切粒，仲有D薑米超足料！

呢個方法超簡單; D臘味油直接滲入飯中； 油香， 臘鴨鹹香同飯香交融； 開胃又惹味。

做法：

全部腸切薄片， 臘鴨髀蒸熟起肉切小粒， 電飯煲煮米至剛收水就可以倒晒全部臘味、薑米落去繼續煮； 飯熟再部溫焗20分鐘； 灑芫茜蔥粒就食得！

**因為所有才料切片/粒所以好快熟!!

神還原東京民宿自煮壽喜燒🍲+松葉蟹🦀😋😋

Owen仔睇完我快閃咗東京D相； 見到我民宿自己煮咗一餐壽喜燒， 仲蒸咗隻松葉蟹添； 佢立即要詐嬌話要Mama再煮一餐比佢食。

上星期複完診去醫務所格離Sogo行下超市；碰啱和牛片半價5大片連黑無豬片＄125一份超抵食；再兜去超市買隻生猛松葉蟹整餐備佢食啦！ 老公話慈母多敗兒, haha....

去日本我喜歡book民宿； 貪佢地方大D， 但最緊要係要有廚房可以買D靚食材玩吓； 每個trip重點節目就係去超市採購整個火鍋或sukiyaki， 比出去食性價比高好多㗎 ！

就係呢幾張東京民宿自煮相引到Owen仔流哂口水， 哈哈！