越式米紙卷

上次同同事食完越南菜， 好喜歡呢個清淡嘅米紙卷， 自己返屋企做都唔難呀！  喜歡吃素的可以唔落札肉， 一樣好味架。 

材料： 

越式米紙5張

唐生菜10片 （只用葉的上方）

札肉1／3條

青瓜1條

紅甘荀1小條

檬粉小許

準備：

生菜， 只要柔軟的葉部， 硬的底部切去， 否則很難捲

札肉／青瓜／紅甘荀刨成絲狀備用。

步驟： 

1)  準備一個盤， 注入凍滾水

2)  將米紙放進水中， 不一會就會軟身 (因浸米紙的時間很短， 建議先包好一條才浸另一片。)

3)  撈起， 瀝去多餘水份，

4)  放在砧板上， 小心將米紙將開（米紙太乾會黏著）

5)  放上生菜片,  適量札肉絲， 青瓜絲， 紅甘荀絲及檬粉， 小心捲成卷狀

切件便完成,

越式魚露

檸檬汁1.5湯匙

魚露1.5茶匙

砂糖1.5湯匙

白醋1/2湯匙

蒜蓉1茶匙

指天椒粒隨意

*每人對甜酸味喜好不一, 試味及按自己口味自行調節份量
 **溫馨提示: 不同品牌調味料味道及個人口味也不一, 不要死板跟隨食譜, 要按個人口味調節份量. 

高湯菜飯

仔仔同老公公耐吾耐就會提議食菜飯，其實我都好鐘意，因為有佢，就算用最普通的煎午餐肉，都會變成最美味的晚餐，我工夫少好多㗎！

材料：
小棠菜10両，切粒　

薑蓉1茶匙＋花雕1湯匙混合成薑汁酒

糖3/4茶匙

鹽1/2茶匙

珍珠米3杯 (6碗飯的份量) 

雞湯2杯

清水1杯

1) 下小許油下菜粒兜炒一會，下薑汁酒，糖和鹽調味，炒至8成熟便要盛起備用

2) 米洗淨加水和雞湯，（可隨意調教雞湯同水的比例，也可只加清水，雞湯份量越多則越濃味）

3) 當飯煮至最後2分鐘，便可加入菜粒，快手拌勻，蓋起繼續煮至全熟。

**菜不要炒至熟， 否則加入飯內再焗便會變更黃。

煎鴨胸糖心蛋烏冬

柴灣街市今日又有平貨執， 急凍煙鴨胸＄14兩件。 今晚得我同仔仔兩人， 佢至愛鴨胸， 就買咗兩件用嚟整烏冬，呢餐真係平靚正的晚餐！

急凍煙鴨胸2件 ($14)

日本烏冬2個($14)

本菇1包

蛋2隻


按此往糖心蛋食譜

本菇去腳， 用清水煮至軟身， 瀝乾備用

鴨胸解凍， 吸乾水份， 慢火耐心煎至表面微焦 （要慢火耐心煎， 因肉頗厚否則外焦內仍凍）

鴨胸離鑊置砧板上10分鐘, 期間煮滾雞湯， 將烏冬煮熱,

湯烏冬轉大碗中， 放上切片鴨胸， 糖心蛋及本菇便完成。

花雕鹹雞脾

我喜歡用四季雞粉， 用佢醃完的雞蒸後皮滑肉嫩， 加埋花雕， 蒸完D雞汁超香用嚟撈飯更一流。

材料：

鮮雞脾2隻 （$36）

四季雞粉半包

花雕酒2湯匙（後下）

步驟：

1） 雞脾切去多餘的油份， 洗淨抹乾備用

2） 下小半包四季鹽焗雞粉， 用手塗勻， 至少3小時至入味

3） 臨蒸用2湯匙花雕塗抹在雞脾上，

4） 連汁液一拼轉到碟上， 用差將雞脾稍為架起

5） 放入蒸爐蒸20分鐘， 取出待5分鐘再暫件便完成。

註：

雞粉份量及蒸的時間按雞脾大小自行調節。 

煎釀雞翼

 
本來諗住整瑞士雞翼，但係星期日晏晝得我一個喺屋企，反正無聊，就攪攪震花下時間，等老公同仔仔有新餸食。

呢個餸啖啖肉，老人家同小朋友都鐘意㗎， 賣相好，顏色鮮艷，要嚟請客一定唔失禮。

 
食譜:

急凍雞翼 9隻 ，用較剪起骨備用
紅甘筍半個， 切成段
芥蘭芯，切成段

醃料:

a) 1/3茶匙鹽

b)生抽1湯匙，糖1 /2湯匙 (用量匙)

c)老抽小許（最後上色用）

**芥蘭／紅甘筍段長度與未煮雞翼相約便可， 因煎熟候雞翼會縮小。


1） 雞翼用較剪起骨，反轉（肉向外），用小許鹽 （A）醃內部。
2） 將雞翼還原（皮向外）用醃料 （B）醃最小30分鐘，
3） 將芥蘭段／紅甘筍段蒸分半鐘，立即浸在冰水中，冷卻後撈起，抹乾備用，
4） 將老抽（醃料C）倒進雞翼撈勻， 讓雞翼上色，
將芥蘭段／紅甘筍段釀入雞翼中
5）慢火將雞翼煎至全熟便完成。 

**不要心急，全程慢火, 其間要不時翻動雞翼, 否則雞翼會外焦內不熟, 配燒汁佐食.

燒汁:

 洋蔥1/3個 (切成幼粒)
日式燒汁
砂糖隨意

-易潔鑊下小許油細火爆洋蔥 粒至半透明 (小心不要爆焦), 下適量日式燒汁（現成的， 日式百貨有售）煮至洋蔥粒熟透，下小許糖調味.

蟹子海膽凍豆腐

去AEON買餸見有細合靚靚加拿大海膽賣， 就順便買埋日本豆腐同小小三文魚子， 做個好味靚靚冷盤一家人享用， 敗家一次咁多啦。 


凍豆腐做法：

呢個前菜全程唔駛煮，不過處理豆腐就要好小心, 要注意衛生呀。 

1) 豆腐脫盒用熟冰水沖一下，放在碗內
2) 用保線紙置雪櫃雪1個小時，待多餘水份滲出 (因盒裝豆腐會出水)
3) 取出豆腐，倒去水份，在上面放上海膽，蟹子，再淋上日式鰹魚汁就完成了。

老少平安 / 魚肉蒸豆腐

呢排Owen要應付高考, 所以呢排餐單都盡量以凊淡為主,  魚豆腐, 雞, 蛋係主要食材.    佢自愛o既海鮮同魚生, 要等復活節假先有得食喇.

材料:

1)      百福豆腐 228g (小的一盒)

2)      魚肉250g / 豆粉1湯匙 / 雞粉1/2茶匙 / 鹽小許 / 胡椒粉小許 /

芫茜, 蔥粒隨意

3)      甜豉油 (用3湯匙生抽, 1.5湯匙糖, 1湯匙水, 1/2茶匙老抽調成)

做法:

1)      豆腐脫盒, 放大碗內, 室溫置半小時, 之後將流出的水倒去

2)      放進所有材料, 用手攪勻, 立即用大火蒸8分鐘至熟透.

3)      淋上甜豉油, 灑上蔥花

4)      如喜歡可贊小許熟油 (但我怕肥膩, 所以免油)

**豆腐會出水, 最好係一攪好立即蒸.