黑森林

  
今日全部門為Anita 補祝生日，佢話想食黑森林蛋糕，生日大哂, 好呀！睇返個Blog上次整係2006年喇，上次係用海綿蛋糕做底，而今次我就用咗我近年愛上咗嘅朱古力戚風蛋糕做底，貪佢鬆軟好味。  

我仲整咗滷水鴨舌同雞翼尖， 老闆仲贊助咗兩枝白就，tea time 又開Party lu

雙層芒果芝士蛋糕 - for Hubby

今日喺老公生日，今晚一眾好友齊集我家同佢開慶生Party，做咗呢個組合蛋糕送比佢，海綿蛋糕底配芒果芝士餡，面層係 Tiramisu 波波，再灑上可可粉，可以裝飾又可以豐富味道層次。 

Tiramisu 波波係用美味DIY嘅Tiramisu食譜，其實幾年前都整過，

完成後入唧袋，雪30分鐘之後就可以唧波波了。 呢個係我自己構思

嘅做法，效果唔錯呀.

呢個蛋糕嘅造型係我咁多個創作中最滿意嘅一個，蛋糕口感層次

豐富，而且味道真係好配合。  朋友們個個都比好高評分呀。 

好多謝一眾好友比面嚟幫老公慶生，大家過咗好開心嘅一日呀.  I love you all 

Happy Mother's Day - 飯聚@Home

琴日係母親節，一家8口黎我屋企慶祝，因為我地一家最討厭呢D時節出街食，仲要比酒樓限時限刻，又要食佢D特定套餐，o係屋企食舒服好多。
雖然我都係母親，但係我最大興趣就係o係廚房攪攪振，所以我唔介意為我老媽子o係貯房忙一日。

我準備左6餸1甜品，而呀嫂雖然唔o係度食，都整定左個超美味印度咖哩，好辣好正呀。  食完飯，一家一上網睇返以前鴨脷洲同香港仔幾十年前o既圖片，回味兒時光景，雖然"娘"左d，但一家人過左一個好開心o既母親節晚上 (最緊要係老媽同老豆開心呀)。

琴日菜單：
-泰式海鮮沙律
-滷汁鮑魚
-豉油皇乳鴿 (本來唔想整兩樣豉油菜式，但Owen話去廣州遊學，連食三日雞，唯有就下佢）
-四季豆黃椒炒豬頸肉
-西蘭花青衣柳
-自製沙爹雞串
-芒果藍莓奶凍 (呢個係我星期五o係澳門食完，返黎照版煮碗o既)


多數菜式都係新嚐試，遲ｄ會陸續補返食譜。

希望大家都同我一樣，有個開心，溫馨ｏ既母親節呀。