自家製菜飯 (附食譜)

今朝起身就即刻設計今晚o既晚餐，老公成日都心思思想去大x樂食菜飯，不如時下自己煮，仲會整多兩個未整過的新菜添，我都未試過架，不過應該無乜難到o既，最多咪無人咁好味嗟。我不嬲煮野都有無窮衝勁同毅力，整係諗希今晚有得試整新野食就好興奮啦。　　而家先同你地分享菜飯先啦。

用左珍珠米製成品彈牙又煙韌，真係有大x樂咁上下好味架。

材料：
小棠菜半斤，切粒　／　薑米一茶匙　／　珍珠米 (6碗飯的份量)
********************************************************************
1) 下小許油炒香薑米，下菜粒兜炒，贊小許酒，下鹽調味，盛起備用

2) 米洗淨加水和雞湯(我煮三杯米，下了兩杯水+一杯雞湯)，亦可隨意調教雞湯同水的份量。也可只加清水　（雞湯份量越多則越濃味）

3) 當飯煮至8-9成熟，便可加入菜粒，快手拌勻，蓋起繼續煮至全熟。