2016年8月29日星期一

零失敗香蕉磅蛋糕



今次主要介紹長型磅蛋糕做法， 雖然要焗40分鐘， 比杯裝焗耐好多， 但我個人覺得賣相同口感同較優勝； 值得推介比大家！
見朋友仔食到停唔到口， 就知有幾好味喇。 




食材 （5-6人） 1小時內

    • 食材
    • 150g 無鹽牛油
    • 120g 砂糖
    • 3隻雞蛋
    • 180g 低筋麵粉
    • 3/4茶匙梳打粉
    • 1/3茶匙發粉
    • 3隻香蕉(用差壓成泥狀)
  • 1全部粉類過篩備用, 3.5吋 x 7 吋模內舖上牛油紙
  • 2預熱焗爐160度, 香蕉用叉壓爛
  • 3牛油, 雞蛋置室溫約2小時至完全退冰軟化, 牛油加砂糖用電動攪拌器打勻至轉淡色
  • 4逐一隻雞蛋加入 慢速攪拌
  • 5加入已篩好的麵粉和發粉, 慢速攪拌至充分混合
  • 6加入香蕉泥拌勻
  • 7杯裝蛋糕： 入杯 (7-8分滿便可) , 焗約15-20分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可
  • 8長條磅蛋糕： 焗約12分鐘， 當蛋糕面開始凝固， 用餐刀在中央垂直切一深1cm的小坑（目的是讓蛋糕將在加熱時在坑中湧出， 令蛋糕更美觀）， 再關上爐門繼續焗製至表面金黃 , 用牙籤插入蛋糕中央, 取出時牙籤乾淨, 不會黏上麵糊便可.
  • 9脫模， 撕去牛油紙便可食用。
於 沒有留言:

2016年8月26日星期五

牡丹蝦二食 - 酥炸蝦頭 +天婦羅蝦肉 + 南瓜

想與我交流研究／分享烹飪經驗，請按>>> Facebook: Owenmama



牡丹蝦二食 - 酥炸蝦頭 +天婦羅蝦肉 + 南瓜 - 之前此雪櫃停咗幾個鐘頭電， 雪櫃裡嘅牡丹蝦刺身都唔敢生食， 用嚟做天婦羅同埋酥炸蝦頭， 蝦頭鹹香脆卜卜， 送酒一流, 加埋全家至愛嘅南瓜， 超滿足呀！
    • 食材
    • 牡丹蝦10隻
    • 天婦羅炸粉100g
    • 水160ml
    • 南瓜片15片
  • 1牡丹蝦解凍， 將蝦頭切出， 蝦身脫殼
  • 2徹底吸乾水分備用
  • 3先處理蝦身， 蝦肚向上， 你會看到一條白線狀的韌帶， 用小刀挑去執帶及切出多度淺紋， 目的是防止蝦在烹調時會向內彎曲。
  • 4將天富羅炸粉加適量水份調勻（比例請按個別包裝上的指示）
  • 5南瓜切片沾上薄粉， 醮天富羅粉漿。
  • 6放進大約160度的油炸熟撈起， 之後轉大火將油燒滾，  逼出多餘油份， 炸至金黃香脆變可。（每隔數秒才把放住進油炸， 否則會粘在一起。） ----- 蝦的製法相同 !
  • 7也有另一做法， 如炸大量， 我會預先一小時將天富羅炸熟 （炸至浮起便可）， 放在網上， 到臨食時一次過用滾油炸脆。
  • 8蝦頭徹底抹乾， 撒上一層薄薄的生粉
  • 9將蝦放進大約160度的油炸熟撈起， 之後轉大火將油燒滾，  將蝦翻炸逼出多餘油份， 炸至金黃香脆變可。 蝦頭本身帶微鹹及鮮味， 無需另加調味
  • 10蝦頭本身帶微鹹及鮮味， 無需另加調味. -------緊記蝦後要最後才炸， 人因炸蝦頭時蝦膏會流出， 油會變得濁些， 如再炸其他食材會影響賣相。
於 沒有留言:

2016年8月19日星期五

XO醬蝦膠蒸豆腐



李錦記XO醬香濃惹味， 配口味清淡嘅豆腐同蝦膠一絕。 
呢味餸簡單冇難度， 短短15分鐘內便製作完成, 無論賣相同口味都冇得彈， 就算新手落廚都可以做到一百分! 仲可以一路睇奧運一路食好東西 ！


材料： 

李錦記XO醬   適量

李錦記金醬油   適量
       
 糖  適量

日本豆腐  兩件

現成蝦膠  2匙


做法： 


豆腐脫盒倒扣在小碗內, 手沾水將一匙蝦膠搓成小丸，壓扁放在豆腐上面
於蝦膠上按出一凹位, 方便蒸熟後放上XO醬

蒸十分鐘至蝦膠熟透,   放上適量李錦記XO醬, 再淋上李錦記金醬油便完成 （可按口味於金醬油內加糖調味）


**現成蝦膠一般街市有售， 通常至少買4兩， 如用不完可放冰格儲存， 但於一星期內要食用。 


於 沒有留言:

2016年8月17日星期三

Lactel - Tailor Made Mousse Cake Class by Chef Koo



琴晚有幸被邀請參加 Lactel x Chef Koo 的 Lactel - Tailor Made Mousse Cake Class.
從未上過cooking class的我覺得好新鮮， 成日喺電視見古Sir， 今次第一次見真人， 佢好nice呀。   活動中除咗有數位相熟Bloggers， 仲見到好多成日在網絡交流，但係未見過面嘅朋友仔， 大家玩得好開心呀。    主辦單位Lactel仲派咗專人好詳細咁講解有關牛奶嘅知識， 教識咗我地如何選擇包裝"鮮牛奶"， 以後就唔會揀錯喇。

Event一開始， 就有星級古Sir用Lactel鮮牛奶做的芒果PannaCotta品嘗， 口感香滑，不太甜， 好好味。



古Sir細心示範蛋糕製作同朱古力畫花技巧, 大家動手跟住做。


古Sir作品



可不容易先一筆過唧出簽名做自己作品既裝飾， 好開心呀！




上完堂仲有古Sir頒發証書添！




呢位就係Lactel嘅工作人員， 多謝教識我哋好多有關牛奶嘅知識，  令我以後識得點選擇真正的包裝"鮮牛奶". 






介紹比大家:  蘭特Lactel是法國第一牛奶品牌，亦是法國歷史悠久的牛奶品牌，起源於1968年，運用豐富的專業知識和技術生產牛奶，全程採用優質全面的監控技術。Lactel是法國頂尖的牛奶品牌，在法國頗具競爭優勢，提供多種產品，能切合不同人的需要和喜好。

Lactel牌牛奶的品質承諾
– 100% 純牛奶，絕非奶粉還原
– 100% 法國生產，源自法國當地乳牛
– 100% 法國進口
– 不含防腐劑
– 香濃美味
– 適合全家享用
– 富含鈣質


於 沒有留言:

2016年8月9日星期二

蝦醬蒸豬頸肉

想追蹤我的最新食譜，請往 https://www.facebook.com/OwenmamasKitchen/



上星期去遊大澳， 買咗枝淡味蝦醬， 今日就用嚟蒸豬頸肉。  因為豬頸肉已經帶油， 所以我無加任何油份， 蒸出嚟雖然無汁， 但係啲味完全包咗係豬頸肉上面， 非常好味又下飯。



材料： 

豬頸肉320g
粉絲1小紮
薑數片

醃料1:
生抽1湯匙
砂糖1茶匙
生粉1.5茶匙
水1茶匙

醃料2:
肇慶酒1/2湯匙
淡味蝦醬2.5茶匙
砂糖1/2茶匙


做法： 
1) 豬頸肉切成薄片， 用醃料1撈勻醃15分鐘







2) 加入醃料2撈勻







3) 把已浸軟的粉絲鋪在碟上，淋一湯匙水,再放上豬頸肉片和薑片, 大火蒸熟十分鐘， 灑上蔥花/辣椒粒便完成



蒸出嚟雖然無汁， 但係啲味完全包咗係豬頸肉上面，充滿蝦醬香味嘅豬頸肉同粉絲很夾呀！ 




**我用大澳買的淡味蝦醬， 口味較一般蝦醬淡口, 
不同品牌的蝦醬鹹味不一，要自行試味調較糖的份量

**因為豬頸肉已經帶油， 所以我無加任何油份



於 2 則留言:

無味精迷你冬瓜盅






行街市見到呢個可愛的小冬瓜($26)， 就買咗佢返屋企整咗個足料迷你冬瓜盅。  湯底落足料， 只係用清水加少少幼鹽調味， 完全零味精， 美味健康呀。

呢個小冬瓜的的式式又薄肉， 我用蒸爐蒸咗1個鐘就攪掂喇。

材料：

材料： 

迷你冬瓜1個（約3斤多）
鮮雞脾1隻（小）
鮮草菇5粒
冬菇2隻（浸軟切粒）
瑤柱2粒（浸軟，撕成小件）
金華火腿小1件 （切10小粒）
熟蝦數隻
水適量

幼鹽適量

做法：

1) 雞脾去皮起肉，將肉切成小粒, 用小許幼鹽醃一會









2) 草菇一開四， 洗淨， 用熱水煮數分鐘， 撈起沖淨備用








3) 蝦先煮熟， 去殼切粒 / 冬菇浸軟切粒 / 金華火腿切成1/2cm小粒(約需10粒)， 用熱水沖淨， 瀝乾備用 / 瑤柱浸軟 （水留用）


4) 迷你冬瓜切去頂部， 用匙羹去囊, 如喜歡可用小刀將瓜便隨意切凹凸花








5) 將所有材料 用熱水煮1/2分鐘(瑤柱，金華火腿，蝦肉除外) ， 撈起放 在瓜內 ---- (瑤柱，金華火腿不用出水, 接放進瓜內 / 蝦肉後下)








6) 加水及浸瑤柱水至9成滿 (因瓜在煮的過程會出小許水， 所       以要預留點位置。 )


**如喜歡濃味可加點雞湯， 但因才料足夠， 加點鹽已夠清甜。






7) 將瓜用蒸爐大火蒸1小時， 或至瓜肉軟淋為止，
    取出放進熟蝦肉,   加適識量幼鹽調味。
 (如無蒸爐可用明火， 但煲要夠高／闊， 確保可輕易取出）








於 沒有留言: