銀鱈魚西京燒（食譜）

銀鱈魚西京燒（食譜）

每隔一兩個月Owen仔就會話想食西京燒魚； 所以耐唔耐都會醃定D放喺冰廂； 佢想食就解凍即焗！上星期兩母子撐枱腳就滿足吓佢啦！
呢味銀鱈魚西京燒🐟🐟, 出去食一客小小一片又貴又唔夠喉。  自己動手都可以做出像真度極高的美味西京燒 😋😋 

**呢個份量最多可醃8片魚； 預早醃好分為數份袋好放入冰格可存放兩星期； 取出解凍至室溫再焗； 方便美味啊！

材料： 
急凍銀鱈魚片
西京醃醬: 
西京燒白麵豉醬150g
日本味啉50g
砂糖45g
燒酒1湯匙

步驟： 
1/ 將西京醃醬材料調勻，待20分鐘至糖溶化

2/ 魚片洗淨;  用廚紙徹底吸乾水份

    Tips: 魚肉很易散， 這步要用陰力啊！

3/ 魚片放深碟中； 在兩面塗抹上西京醬; 用保鮮紙封好放進雪櫃兩夜。（確保魚片每一部分都沾滿醃醬）

4/ 把魚拿出在室溫置1小時回溫; 抹去魚肉上的醃醬； 放在舖了牛油紙的焗盤上（在牛油紙上噴一層薄油防黏； 有助更易把魚片起出）

5/ 放入預熱220度的焗爐焗約10分鐘至魚皮微焦  (時間按喜歡的焦度調節);  小心把魚片轉到碟上，用火鎗把魚面微微燒一下， 更有燒效效果！（如無火鎗此步可免）完成後以日式蛋黃醬拌食。

貼士： 
*個別爐溫及魚片的厚薄不一， 焗製至9分鐘左右請目測金黃度一次； 再調節往下的烹調時間。 
*要放在噴了薄油的牛油紙上焗以防黏底。