麵醬蒸豬肉 （食譜)

今日本來plan好一家人去食日本o野，但係今日ah B忽然勁咳，連學校都打比我提我今日要帶佢去睇醫生，老公o黎左太古踢波，所以放工就落球場搵佢車我去返屋企，同時亞B做完功課，就請Mammy帶亞B去睇醫生，醫生話佢氣管炎+感冒，於是都係取消食日本菜，拿拿淋就去買餸，目標係： 快 / 靚 / 正 / 清，因為亞B要戒口，食清d。

買完餸已經6點11，8點前要開飯，真係要快手，今日菜單好easy, 焯生菜，蝦仁炒蛋同今日介紹o既蒸梅頭，全靠老公丈義出手洗蝦挑腸，唔係就唔可以係法定是間完成 (因為買o左一斤蝦，好多隻，有排攪)。


酸梅麵醬蒸梅頭肉：

梅頭豬肉$25        酸梅 2粒       麵豉一包(約兩平湯匙)

糖2湯匙       豆粉1茶匙     油一湯匙

 
做法：
梅頭豬肉洗淨切薄片，用酸梅+麵豉醬+糖拌勻，最小要醃20-30分鐘，臨蒸是下小去豆粉，拌勻，最後加油拌勻，蒸約12分鐘便可。
蒸完記得試下味先上菜，如太鹹可多加糖，因為每個人的口味都唔同。