白酒梨 x 天使蛋糕

之前睇獨角仙o既白酒梨撻食譜，已經好想整黎試下，前日見到生過店有長咀梨賣，就買左兩個試下整。　　但係原先個梨撻同餡都係用杏仁粉做主材料，但老公就唔鐘意食杏仁味ｏ既甜品，但係梨已經煮好，就唯有改一改，將天使蛋糕同白酒梨crossover，中層再加入少少未煮過ｏ既梨肉粒,  出奇地呢個配搭好清新，家人同鄰居都讚好味添。

梨o既處理係跟”獨角仙”o既食譜，但係因為我個梨太生，所以細我煮左半個鐘先得，同埋我加多左蜜糖o既份量，個梨充滿蜜糖香，好好味呀。

 白酒梨製作中，我呢兩個好生好硬，所以我煮左半個

 煮好要浸隔夜，浸完白白滑滑鐘。

切開都好靚，充滿蜜糖香味 (因為我落多左蜜糖)

中間層加上新鮮梨粒，口感好爽甜。

 開始最難部份 - 抿忌廉
  抿得麻麻地，剛合格吧!