Bday dinner @ La Parole

琴日係小妹生日，我同老公都鐘意食法國菜，今次揀左o係上環o既La parole。

La parole 係 Benji Centre 旗下一間餐廳，除營運開資，全數幫助有語言障礙的小朋友，fin​e dinning + charity，雙重開心。  而且價錢真係好合理，味d同presentation都唔錯，值得去架。

我地今次係選左 Discover Menu, 即係無特定menu，係由大廚選取當日最新鮮o既食材，造成6道菜式，o岩晒我地呢d為食鬼。  

行左半個人生，真的很感謝上天，給了我幸福家庭，好多親如家人o既好朋友和同事，多謝你地​的祝福，禮物及安排，我今年過了最快樂的生日。 I love u all!!

薑蔥霸王雞 (食譜)

星期五晚由布吉島返香港，足足有五日無食過我最鐘意食o既雞，琴 ​日即刻整返隻黎食，今次係整薑蔥霸王雞，我都係第一次整, 隻雞係浸熟而唔係蒸熟，咁整比蒸滑好多，薑蔥仲好過雞呀。

做法：

1)      用一大煲(密封煲)，加適量水(要足夠浸過全雞)，加半杯花雕，薑片，蔥段，鹽3湯匙
2)      水煲滾，放入雞(胸向下)，蓋上煲蓋，慢火煲5分鐘，關火，不要開蓋，繼續焗45分鐘，用餘溫把雞焗熟。
3)        攤涼，斬件。

薑蔥汁：

1)      薑，蔥，芫茜切幼絲
2)      雞汁3湯匙，加適量生抽，糖成汁
3)      先用油爆薑絲，再下蔥絲，芫茜，再贊下(2)汁料，
4)      把(3)淋在雞上，灑小許麻油便成。

天使蛋糕+焦糖脆脆 (食譜)

足足有一年半無整過呢個蛋糕，日日行過美心見到佢，隻手都好痕，之前父親節”界”傷手指，傷口好深，上星期五先真係埋口好返，一入得廚房就諗起佢喇。　加上星期六無節目，整蛋糕係假日消磨時間最好o既活動，有得玩又有得食！

太耐無整忌廉蛋糕，抿忌廉技術明顯生疏左，要練返多d先得。

假日下午，一件蛋糕再加杯咖啡，呢個住家high tea, 真係感覺良好呀!

多謝Shirley 分享食譜：http://shirleyliving.mysin ablog.com/index.php?op=Vie wArticle&articleId=1413827

焦糖脆脆製作 (Shirley 原味生活食譜)：

糖１００ｇ　／　水２５ｇ　／　粟膠２５ｇ　／　梳打粉５ｇ

(呢個份量足夠約兩至三個天使蛋糕用）

中火煮，其間不停攪伴至轉微黃色，離火加入梳打粉，不停攪拌至膨脹，倒在不沾布上攤涼，拷碎放入密實袋，可以保存數天架。 星期六會整多一個蛋糕，唔好浪費左d美味脆脆。

      

見到糖漿轉微黃色即要離火，唔係ｄ脆脆就會燶。 

 

完成了。