泰式月亮蝦餅

 傳統蝦餅介紹左，而家介紹月亮蝦餅做法。
我諗因為炸完圓碌碌，金黃色，所以改左呢個名。　　呢個泰菜都好受歡迎，咁o岩屋企有春卷皮就整左個黎玩下。


蝦膠食譜（一份做兩個月亮蝦餅）：　百變蝦膠

-方型春卷皮用6吋蛋糕圈蓋著，再用刀裁成圓型

-將半份蝦膠方在其中一片上 (較鞋的一面)，蓋上另一片  (這次鞋的一面向下)。

-用雙手輕輕按壓，另蝦膠平均黏再兩片春卷片中

-用刀在蝦餅上刺很多小孔，尤其中央部份 (幫助油穿透蝦餅，否則會較難熟)

-平底鑊燒熱油，將蝦餅輕力放進，半煎炸至兩面金黃便可。

(臨起鑊前要轉大火逼出多餘油份)

隔去油份，切成８件便完成了。

泰式傳統炸蝦餅 （附食譜）

0 前日介紹左蝦膠做法，今次介紹點樣做泰式傳統炸蝦餅，好簡單，但好似樣架：

蝦膠食譜（一份做８－９件蝦餅）：百變蝦膠

做法：

-取出已雪3小時的蝦膠，用小許水沾濕雙手，將下膠弄成水泡狀，沾上麵包糠，

-雪15分鐘至定型

-小火炸至熟透，金黃，再轉大火逼出油份便完成。

Owenmama 百搭蝦膠

呢個蝦膠做法簡單，無添加，就連肥豬肉都無落，100%純下，彈牙鮮味，仲可以將佢蹉圓噤扁，
要黎配其他食材煎，蒸，炸，甚至用黎打邊爐都一樣得，係百搭架。　遲d會同大家分享兩個泰式蝦餅o既做法添 。

 
食譜：

鮮蝦一斤

 

調味：鹽1/2茶匙 /  蛋白 3/4 隻 /白胡椒小許 / 麻油小許

-蝦去殼，用小許鹽伴勻，再用水沖乾淨

-蝦肉挑腸，用廚紙徹底吸乾水份

-用中式菜刀，將蝦逐一拍扁成蓉

-蝦蓉置砧板上，下半份鹽，胡椒粉，用刀琢十數下， 將蝦蓉用刀返轉，下餘下的半份鹽，再琢十數下。

-蝦肉置大碗中，下半份蛋白，用手順一方向攪自蛋白被吸收，再下另一半蛋白，再攪自蛋白被完全吸收為止。

-拿起蝦膠，用力撻20十下左右至起膠

-最後用保鮮紙包好放入雪櫃雪3小時便完成喇。

自家Sawadee泰菜

是日Sawadee全泰餐，自家手打蝦餅兩食（月亮蝦餅+傳統），青咖哩雞，鹹魚蓉炒芥蘭，過足癮呀，YO^^

今朝一早打定蝦膠，攪完有D手軟，整多幾次拜拜肉都收埋呀^^ 

菜脯肉鬆煎蛋

呢個菜係Owen最鐘意，耐唔耐都會叫我整，出街食飯亦有時會叫架。 因為我唔識拋鑊，所以同常會整蛋角樣，同出面食到o既圓圓一片賣相差好遠。　　

ｏ個日整之前打開廚櫃見到一大一小平底鑊，忽發奇想，試下利用呢兩隻鑊可唔可以整到靚靚煎蛋，我先用小鑊落蛋餡，中火煎至７－８成熟（定型），再將小鑊小心地倒扣在大鑊上，結果成功做到呢個圓圓菜脯肉鬆煎蛋，本來平凡不過嘅菜式，睇落吸引咗好多喇。 

呢味餸簡單又好送飯，你地都不防試下呀。　

材料：(兩塊7吋蛋餅)

1) 菜脯一包　-約１０幾條）用水浸10分鐘，搾乾水分，切粗粒備用
2) 肉鬆＄８　-用小許生抽，沙糖略醃，炒熟備用
3) 芫茜，蔥切粒，多少隨意，胡椒粉小許
4) 蛋四隻
5) 魚露1.5茶匙 (菜脯都有好多種，份量請按菜脯的鹹度調節)

將上面5樣材料混合，煎成蛋餅或蛋角便成為呢個平，靚，正o既菜式喇。

洋蔥煙肉芝士焗半薯

呢個焗薯，係前日牛小排長通粉嘅配菜。做法好簡單，但係好好味。

材料：

薯仔兩個，選較小，較扁身的。

小洋蔥一個切幼粒

煙肉一片半切粒 （我會切去最肥的脂肪部分)

醬料：奇妙醬三湯匙，加適量鍊奶調味備用

1） 薯仔洗淨，用叉在上面刺孔，放入微波爐，叮四分鐘，至熟透

2）取出攤凍，一開為二備用，

3）燒熱少許油爆香洋蔥和煙肉，至洋蔥熟透，攤凍備用

3）薯仔掃上牛油，皮向上放在焗架上、再放入預熱220度焗爐焗二十分鐘（或至薯波微焦）取出 

4）反轉半薯塗上醬料（可塗厚一點）再放上洋蔥煙肉粒，再入爐焗五分鐘，最後加上芝士粒，焗至芝士溶化，微焦便完成。