滑蛋蒸花蟹

   

  

自從有左蒸爐, 直情愛上左佢. 煮食真係方便左好多.  今次用80度蒸水蛋, 直接蒸不用蓋面, 一滴倒汗水都無.  個蛋好靚好滑呀.  而家如果人小食飯, 我連菜同飯都係用佢蒸, 無油, 乾淨又健康呀.

食譜：

花蟹3隻（中型, 約6兩一隻）

蛋汁： 蛋5隻　／　雞湯＝蛋份量的1.5倍（份量中包括蒸蟹汁，記住過篩）

蒸爐方法: 

-蟹洗淨，斬件，排在深碟中，蒸十分鐘，離鑊，拿起蟹蓋，倒起蟹汁 (過篩加入雞湯份量中)

-將蟹件排在深碟中 (蟹蓋除外)

-加入已過篩的蛋汁，80度蒸12分鐘, 放回蟹蓋，再蒸6分鐘蒸蛋熟透 (直接蒸, 不用蓋面).

明火蒸法: 

-蟹洗淨，斬件，排在深碟中，蒸十分鐘，離鑊，拿起蟹蓋，倒起蟹汁 (過篩加入雞湯份量中)

-將蟹件排在深碟中 (蟹蓋除外)

-加入已過篩的蛋汁, 用錫紙封面，大火蒸10分鐘，放回蟹蓋，再蓋上錫蒸2分鐘蒸蛋熟透。

**蛋汁份量多少，同容器o既質地都會影響製作時間（我用厚玻璃兜，無咁傳熱架），蒸的時間也應自行調節，唔係d蛋太老唔好食架。

愛心午餐 - 蒸煮小飯煲系列

                                                   小飯煲 (我同老公一人一個)

自從買左小飯煲，盡量會自製午餐飯盒，呢度過去個多星期的午餐。試驗後拿捏到用翻熱技巧，每日两夫妻都有健康，好味住家午餐.  

因 為吾想成日連食两餐同樣的餸，多數會在飯後另外煮多一款簡單. 咁帶飯都無咁悶呀. 

蟹宴

開心為朋友們準備16人蟹宴， 用蒸爐一次過蒸十幾隻蟹可方便,  我同時準備左 幾味珍寶size 食物 (炒麵, 炒米, 白酒忌廉青口, 春卷, 餃子同蒜蓉牛油雞翼) ，簡單但豐富的一餐。 

我哋一家不好大閘蟹, 我就買左3隻日本毛蟹, 加埋嫂嫂整o既凍花蟹, 大家各適其色, 一齊擦餐飽.

白酒忌廉煮青口

  

呢個西菜材料簡單又容易整，  係一咩很好嘅PARTY食物,　你的客人一定鐘意呀。 

 材料 (四人份)：

急凍青口一包（一磅裝）
蒜蓉2茶匙
洋蔥／彩椒隨意 切條
白酒150g
雞粉1/2茶匙
黑椒小許
淡忌廉2湯匙

(上圖係3倍份量)

1)  慢火燒熱少許油，下洋蔥粒炒一會，下蒜蓉， 炒至洋蔥半透明（緊記慢火，不要炒焦）

 2)下白酒，煮至酒精蒸發（約滾一分鐘）

 3) 加入青口煮至開口， 下黑焦粒／彩椒粒

4) 關火，加入淡忌廉價攪勻便完成

*tips:  全程慢火，𣎴能煮太耐， 青囗開囗不久便要關火下忌廉,否則過熟便影響賣相和口感。

愛心飯盒

 

老公話最近公司CANTEEN轉咗廚，啲食物超難食，所以呢個幾星期都盡量煮飯比佢帶返去食。 盡量日日唔同款，每次都整兩份，多菜無味精，一人一份齊齊嘆。
佢好滿意，仲話D同事超羨慕佢喎,  咁識氹我，想縮沙都唔得添。

呢度係上星期嘅， 今個星期買左迷你飯煲，唔駛用微波仲健康，遲D同你地分享呀。

臘腸蒸雞

天氣開始涼，老公立即想食呢味餸，一於整大碟D，留返D比佢聽日帶飯，連食两餐夠皮吧！

食譜:

材料(6人份量):

雞半隻，全翼4隻斬件

臘腸2條

醃料:

(a) 鹽3/4茶匙

(b) 生抽2湯匙, 糖2茶匙，生粉1茶匙，油1/2湯匙醃最少30分鐘

做法:

1) 雞件洗淨，抹乾水份, 用3/4茶匙鹽(a)醃20分鐘，再下醃料 (b) 醃最少30分鐘

2)臘腸洗淨切斜片， 連雞一同蒸20分鐘　

3)蒸好後離火，試汁味，如果唔夠味，加適量生抽和糖調至合適口味。

**因為臘腸同雞都會出油，我會將汁倒起，撇去一點油，再試味，如果唔夠味，加生抽和糖調至合適口味 (如不介意此步可免)。

美味薑蔥炒蟹（食譜）

材料： 蟹4隻，薑4大片，蔥隨意，肇興酒一湯匙

調味：蠔油1.5湯匙，生抽1湯匙，糖2.5茶匙，水2 湯匙 (唔同牌子醬料鹹度不一，自己試下味啦)

1) 蟹洗淨切件，瀝乾水份，撲上生粉以半煎炸兜炒至熟，起鑊，瀝乾多餘油份

2) 燒熱兩湯匙油，下薑爆至聞到薑香味，下蟹兜炒一會，下肇慶酒，兜炒

3) 下芡汁兜勻，下蔥，蓋上鑊蓋，焗一，兩分鐘，試味，便可上碟。

**如當日好多餸煮，可預早進行(1)，臨食飯再進行其餘步驟。