提早做冬 - 茄汁蝦

老公下星期返下午間，唔可以食做冬飯，就提早係上星期六做冬，一家三口＋埋康康食，三餸一湯，白飯任裝。   
一早起身就去左阿B學校拿成績表，然後就去筲萁灣買餸。 冬大過年，加上阿B今次報分試考得好好，一於食多d啦。
餐單： 雞煲翅 (d翅係中秋節發的，然後一份份放係冰格，變了即食翅)
              用老雞+金華火腿+瘦肉用菊花火煲2.5小時，，取出湯料，放入發好的   
               翅再煲一小時，臨食把雞脾拆肉絲再放入湯中煲20分鐘就掂晒。
                ********************************************************
　　　   茄汁蝦碌　/ 土魷肉餅 / 鮑魚菇扒西蘭花

**用金華火腿，個湯完全唔需要調味，一粒鹽都唔駛落都夠晒味。