冬菇蒸滑雞

足足一個星期無上blog 喇，因為呢排公私兩忙。今日終於得閒d喇。

我最鐘意食雞，我老公話我可能前世係比雞啄死架，所以同雞有仇。 其實並唔係，全因係以前我姑媽係雞販，佢好照顧我地，所以我地經常都有鮮雞食，食開有感情嗟。

 

不過自從我附近街市無活雞賣，我都好少整蒸雞，因為蒸雞要新鮮雞先好食，上星期見冰鮮雞檔有黃油雞脾賣，好少見到冰鮮有黃油的，買左四隻，再加3隻翼，蒸左一大碟比屋企人食，個個都話好好食呀，拍得住鮮雞咁話呀。

 

我今次o係蒸之前將一茶匙金華火腿蓉撈埋d雞一齊，所以d雞充滿金華火腿的鹹香味，呢個確係唔錯的新嘗試呀。