Chocolate Chiffon Cake

琴晚阿b同老公9點鐘去左踢波，半來每晚呢個時候，我都會同佢地一齊落去(我整係急步行４５分鐘，出一身汗），但之前o個晚太搏命，整親個膝蓋，要休息兩日。

佢地走晒，又開始手痕啦，之前成日上網見到d朋友整戚風(雪芳)蛋糕, 仲要個個都話正，等我都挑戰o下先。  我係為食貓取得食譜，因為臨急想整屋企整係得朱古力，就只可以整呢隻味。
屋企無戚風模，就只好用慕絲圈，食譜話係６吋，但係通常戚風模係中空，我驚整６吋會爆出黎，就用了８吋，不過整出黎就薄左小小，無人地整得咁靚（不過焗２０分鐘左右就掂，省了些時間），下次我會用７吋模，就應該會靚ｄ喇。


整完倒扣灘涼後，老公同阿ｂ就返到喇，一開門佢就話好香，以下係我地o既對話

老公同阿b沖涼出黎 -
我： 老公老公，快d黎切蛋糕啦
老公： 為乜？
我： 我欠你個蛋糕丫嗎!!
老公： 嘩，乜個樣咁"削"架？乜都無既
我：老公，糕不可貌相阿，如果我睇野淨係睇外表，就唔會嫁比你啦。
老公：　＃＠＄＠＃％！！
哈哈，又比我入到位..........　


**口感方面，好軟熟，好鬆，亦好好味阿。
**最後張食淨的切小件，獨立包裝，一半留下，另一半帶返公司同同事分享
**原來呢個蛋糕雪凍都一樣咁鬆軟好味架。

正菜 - 鹹魚蓉炒介蘭 (食譜)

呢個係跟蘇絲黃o既食譜，佢完全唔要菜葉，我就唔捨得，菜葉要黎舖底，一樣咁靚嗟。  仲有，因為阿b唔鐘意鹹魚味，我將d鹹魚肉拆到變蓉，等佢睇唔到。  鹹魚份量亦落左一半，怕佢唔食，不果半件鹹魚原來都好夠味架。 Yummy!!
鹹魚蓉炒介蘭

1)      先煎香鹹魚，拆散鹹魚肉
2)      用油煎香鹹魚蓉，加芥蘭，炒一會，
3)      贊酒(佢食譜無o既，係我o既喜好嗟)
4)      加小許鹽，糖，在鑊邊贊雞湯
5)      再炒一會，熄火，蓋上鑊蓋一分鐘即成。

雙生兒 - 又係栗子蛋糕 (綿花蛋糕底)

初次整日式綿花蛋糕，無用長方形盤，用o坐圓箍，方形箍薄d，焗20分鐘島就掂，用圓模厚成倍，足足焗o左半個種有多，仲爆面忝，我用佢黎做底(琴日係用海棉蛋糕底)，整埋琴日剩底o既栗子餡(咁好味，唔好晒。 結果栗子蛋糕出現雙生兒 (Twins).
棉花蛋糕果然名不虛傳，好似綿花咁香軟，令人一食即愛上。

Happy Mother's Day

今日同屋企人慶祝母親節，三代同堂一行１1人一齊食餐飯，家姐提議去左魚灣村街市大樓大排檔飯，食o個到出名o既當紅炸子雞，8餸一湯有飲又食，都係盛惠700蚊有找，好味又有鑊氣，真係平／靚／正！！
一早起身就諗今日整乜野蛋糕，諗起上星期買o左罐栗蓉，就試o下挑戰o下自己，整個未整過o既廉栗子蛋糕先，其實都無乜信心，怕抿忌廉抿得唔靚(之前整過黑森林，抿得唔靚都有朱古力遮醜)，但係乜野都有第一次o既，就整啦。  
抿o左好耐好耐先至收貨，抿忌廉真係唔容易，但結果個面唔係咁平，但好彩上面有野遮住，希望下次會進步d啦。
o係呢到，祝各媽打聽日有個快快樂樂既母親節!!! 

煎蝦餅

想試打蝦膠好耐，琴早終於有機會啦。 同阿B去完圖書館，就去隔離街市睇o下有乜靚海鮮，點知早上除左蝦靚，就無乜特別野，老細話要晏晝o個轉先有特別野喎。 見到d中蝦好靚(老細話d蝦o岩o岩訓覺咋喎)，就買左一斤半，反屋企打蝦膠，d蝦又真係好靚，好實肉喎。 手功係多d，同埋成90蚊先整到11件，成本都好高呀。不過好食就無計啦。

不過隨蝦餅附送撞瘀鳳爪一隻，因本人出名論盡，本來d蝦膠用膠袋袋住黎躂(諗住唔會整烏蹧隻手)，點知用力時連隻手都撞埋落將臺到，隻中指即時瘀晒，腫起左一舊，呢幅相見到o既瘀痕係今日影o既，已經過左一日同卒散左d啦，本來係黑色架。 

所以最後都係用返傳統方法，係烏蹧d，不過安全d。

給阿B的Tiramisu

Tiramisu 用超多麥提沙+朱古力裝飾, 小朋友好鐘意食。  無用手指餅，用清蛋糕做底同中層，整係掃左甜咖啡，無加酒，因為小朋友唔o岩。 呢個四方模買o左好耐，不過都係第一次用，都幾靚丫，hehe........

 食譜：　美味ＤＩＹ

蜜汁焗雞鎚 (附食譜)

生日會o既菜單構思o既時候，本來想整葡汁雞翼，但係次次開Party 都係食呢樣，小朋友都會厭。  於時想起o係food court 泰國食店o既小雞鎚，好似一隻小雞脾咁，啖啖肉，就試o下自己整啦。將雞鎚倒轉垂直切幾下(切斷幾條韌帶)，再將d肉向上推，再反，就成為小雞脾啦，(都幾花時間，２０隻都攪o左我半個鐘有多，手都軟) 當然我無跟佢既調味，佢用香茅加麵包糠炸，又係炸，好肥膩，於是我諗起用叉燒醬，整蜜汁焗雞翼(好似燒臘舖o個d呢)。


做法：　
1) 雞鎚洗淨抹乾，先用少許鹽醃15分鐘
2) 開始戒雞鎚(尋考上文及下圖）
3) 用叉燒醬醃至小兩個鐘，我就醃o左過夜，(之前o個晚食完自助餐整o既)
　如果之前放o係雪櫃，焗之前先拎出黎攤到室溫。 用錫紙包住枝骨
4) 預熱焗爐 220度，焗約3５分鐘，拎出黎上蜜糖再焗約１０分鐘
    (當然要不時睇o下火，以免燒焦啦，因為雞鎚size唔同，時間都唔同）

 **我臨食前再掃上剩底o既蜜糖，立立令，啖啖肉，好似食緊雞脾咁，好受小朋友歡迎。