Chocolate Chiffon Cake

琴晚阿b同老公9點鐘去左踢波，半來每晚呢個時候，我都會同佢地一齊落去(我整係急步行４５分鐘，出一身汗），但之前o個晚太搏命，整親個膝蓋，要休息兩日。

佢地走晒，又開始手痕啦，之前成日上網見到d朋友整戚風(雪芳)蛋糕, 仲要個個都話正，等我都挑戰o下先。  我係為食貓取得食譜，因為臨急想整屋企整係得朱古力，就只可以整呢隻味。
屋企無戚風模，就只好用慕絲圈，食譜話係６吋，但係通常戚風模係中空，我驚整６吋會爆出黎，就用了８吋，不過整出黎就薄左小小，無人地整得咁靚（不過焗２０分鐘左右就掂，省了些時間），下次我會用７吋模，就應該會靚ｄ喇。


整完倒扣灘涼後，老公同阿ｂ就返到喇，一開門佢就話好香，以下係我地o既對話

老公同阿b沖涼出黎 -
我： 老公老公，快d黎切蛋糕啦
老公： 為乜？
我： 我欠你個蛋糕丫嗎!!
老公： 嘩，乜個樣咁"削"架？乜都無既
我：老公，糕不可貌相阿，如果我睇野淨係睇外表，就唔會嫁比你啦。
老公：　＃＠＄＠＃％！！
哈哈，又比我入到位..........　


**口感方面，好軟熟，好鬆，亦好好味阿。
**最後張食淨的切小件，獨立包裝，一半留下，另一半帶返公司同同事分享
**原來呢個蛋糕雪凍都一樣咁鬆軟好味架。