蜜糖烤豬頸肉

蜜糖烤豬頸肉

微微玫瑰露香、香甜蜜糖配爽口juicy豬頸肉， 加上賣相立立令超吸引； 包你同家人食到lam lam脷！  

原整圖文食譜： 

材料：

豬頸肉400g

醃料 : 

老抽2/3湯匙

生抽3湯匙

糖１湯匙

玫瑰露1湯匙

掃料（預先調勻）： 

蜜糖2湯匙

老抽1茶匙

********************************

1   用叉在豬頸肉用利刀片去過多的脂肪;  洗淨、抹乾及在上面用叉刺上密集小孔

2  加醃料撈勻備用;   豬頸肉放密實袋中； 倒進醃料後放雪櫃醃過夜

3  焗製前一小時取出待回室溫

4 焗爐預熱至220度, 豬頸肉放在舖上牛油紙的烤盤上

5  入爐烤焗8分鐘

6  開爐掃一層掃料 

7  繼續焗至邊位微焦便可； 全程約焗18-20分鐘 ---視乎肉的厚薄

*****中途隔數分鐘再掃上掃料)*******

8 出爐後再掃上一層薄掃料，讓肉靜止8分鐘（有助保留肉汁）

9 將豬頸肉切片上碟； 完成了！

匈牙利牛肉 (圖文食譜)

抗疫期間經常要為家人諗好煮意； 相信大家都好頭疼喇！

今日介紹呢個「匈牙利牛肉」； 用甄想記香料秘製出異國風味濃郁的美食、配法包意粉或飯都一樣美味架； 仲一D都唔難整添！

 材料： 

牛柳600克 (可用牛腩或牛腱代替)

麵粉2茶匙

洋蔥1個

番茄2個

甘筍1條

薯仔1個

KOS 香料:

特級紅甜椒粉2湯匙

百里香葉2茶匙

黑胡椒粉1茶匙

香葉5片

調味料:

茄膏100克

紅酒200毫升

雞湯200毫升

糖適量

鹽適量

冰糖15克

 

步驟:

 1/  洋蔥切幼絲、甘筍切小粒、薯仔切件浸水中備用

2/  番茄在底部用利刀把表皮戒成十字紋; 浸在滾水中1分鐘

3/  撈起沖凍水後沿著刀痕把皮撕出；再切成小粒備用

4/  牛肉切成方塊，灑進麵粉撈勻

5/  燒熱油，放進牛肉塊煎封四面後撈起備用

6/  用同一鑊投進洋蔥慢火炒至微焦; 牛肉塊回鑊兜炒一會

7/  下番茄粒，KOS 特級紅甜椒粉、KOS百里香葉、KOS黑胡椒粉 、雞湯、紅酒、茄膏、冰糖及KOS香葉

    

8/  兜炒均勻後煮至滾起; 投進紅甘筍粒，煮滾後蓋上鑊蓋慢火煮45分鐘; 熄火焗15分鐘 (炆焗中途不要開蓋）

**完成後開盍，如水分蒸發可補充些熱水

9/ 重複蓋上煲蓋炆煮30分鐘； 熄火焗15分鐘（炆焗中途不要開蓋）

**完成後開盍，如水分蒸發可補充些熱水

13/ 測試牛肉的軟腍度，如夠軟腍便可加入薯仔塊慢火炆30分鐘

14/ 後作最後試味，此時可按口味添加糖、鹽、茄汁調至合適口味; 匈牙利牛肉便完成!

 

#匈牙利牛肉 #甄想記明記 #KOS #stayhomeandcook #Owenmama

比目魚西京燒（食譜及小貼士）

 

呢排晚餐多數用急凍食材， 好好利用都可以做出美味料理。 【西京燒】係我全家至愛， 但銀雪魚唔平； 今次用比目魚扒代替銀鱈魚，做咗呢個親民版。  做出嚟效果很好， 面層香甜微焦嘅西京麵豉加香滑魚肉，  呢個住家版日本料理你一定會愛上。 

材料:

比目魚5片

西京燒白麵豉醬150g

日本味啉50g

花雕酒1湯匙

砂糖60g

步驟

1/ 將西京燒醃醬材料調勻，待20分鐘至糖溶化

2/ 魚片解凍； 去清魚鱗  (可襯魚解凍途中進行去鱗， 因魚會較硬身， 較易處理)

3/ 洗淨;  徹底退冰後小心按出多餘水份

***魚肉很易散， 這步要用陰力小心哋如圖按出水份！

4/ 徹底抹乾水份

5/ 把比目魚片浸在西京燒醃內， 確保魚片每一部分都沾滿醃醬

6/ 用保鮮紙封好放進雪櫃最醃兩天

7/ 把魚拿出在室溫置1小時; 把魚塊上面多餘的醃醬抹去 

放再舖上噴了薄油牛油紙的焗盤上( 魚塊不用沾太多醃醬， 薄薄一層便可)

8/ 放入預熱220度的焗爐焗約12至14分鐘至魚微焦(時間按喜歡的焦度調節)

9/ 小心把魚片轉到碟上，在用日式沙律醬拌食。

貼士： 

個別爐溫及魚片的厚薄不一， 焗製至10分鐘左右請目測金黃度一次； 再調節往下的烹調時間。 

簡易開椰皇技巧 (video)

椰皇當汁甜肉滑又清熱，直接飲用或用嚟做燉蛋白/甜湯都一流! 想開椰皇又怕吾知點埋手?

等Owenmama同大家分簡易開椰皇方法，咁大家就可以做到如甜品店出品嘅燉椰皇喇!

https://youtu.be/h9nFJEnbZOI

                                                                  Youtube video

玫瑰豉油雞

Owen仔話好耐無食過豉油雞； 今日就整左隻比佢食， 兩父子都話大滿足。  

整呢個雞其實無乜難度， Owenmama的豉油汁材料亦超級簡單。 只係要有耐性同心機， 因為要時常攪下佢以防黏鑊。 

跟住食譜做就一定成功喇!

材料：

全雞一隻（約1100克）

滷水汁:

老抽80毫升
生抽30毫升
冰糖約50克
薑數片

清水300毫升

玫瑰露酒1湯匙


**不同品牌醬料及個人口味不一， 份量請自行微調。

步驟:

1/  雞洗淨及徹底抹乾

2/ 斬去雞頸及雞腳 (雞煮熟雞髀肉會收縮，斬去雞腳時要在關節候留半吋位置， 那雞熟後雞髀骨不會露出， 會好看些)

3/  先燒熱小許油， 將雞的外皮均勻地略煎至微黃 （小心不要燒焦）

4/  用廚紙吸去鑊內多餘油份










5/  贊水及下滷水調味 

6/  煮滾後將滷水淋在雞上， 略為上色後蓋上蓋慢火煮10分鐘;  中途開蓋將汁淋在雞上後再煮。

7/ 前， 後， 左，右各重複以上步驟煮10分鐘    (全雞共煮40分鐘)

（中途將雞稍為移動以免黏底， 及要目測汁料蒸發程度， 如需要添加小量水分）

8/  最後試味， 如需要可用適量生抽及砂糖將滷水汁調至合適的鹹甜度

9/  最後將雞撈起; 待15分鐘讓雞稍涼後斬件上碟， 以滷水汁佐食

Tips:  雞要稍涼後才可斬件，否則肉會散開及皮肉分離，影響賣相。

椰香菠菜白汁海鮮焗飯 (食譜)

椰香菠菜白汁海鮮焗飯 (食譜)

平常白汁多數用忌廉做底，今次我就改用KOS金牌高達椰漿代替，底膽固醇又無咁肥膩之餘； 白汁帶微微清新椰香； 白滑味味。 配高鐵質又高纖嘅菠菜； 隨意配搭海鮮食材， 狂疫期間亦可食到美味又有營簡餐啦。 

                                       Youtube video:  https://youtu.be/jMJvi7HKjkI

                                      

材料: 

金牌高達椰漿130毫升

菠菜140克

牛油10克

低筋麵粉1.5湯匙

雞湯120毫升

鹽適量

***

熱飯2碗

***

急凍熟帆立貝

急凍蝦仁

芝士碎隨意

*海鮮配料可隨喜好配搭

 

步驟: 

1/ 蝦仁解凍後徹底抹乾，切開蝦背，再用少許油煎熟備用

2/ 帆立貝解凍，用熱水浸1分鐘後吸乾水份備用

3/ 菠菜浸洗乾淨; 用水燙熟; 撈起沖凍水至冷卻，然後用手搾乾水份

4/ 切去菠菜頭棄掉，再切成幼粒，用廚紙包裹壓出餘下水份備用

**製作椰香白汁 (全程用慢火製作):  **

5/ 慢火將牛油煮溶，加入麵粉，用鑊鏟慢慢將牛油和麵粉炒勻

6/ 加入雞湯，用鑊鏟快手推煮至無粉粒

7/ 加入金牌高達椰漿繼續快手攪勻至無粉粒後便可熄火

8/ 試味及加入適量幼鹽調味

9/ 最後加入菠菜粒撈勻，椰香菠菜白汁便完成

10/ 將熱飯盛入焗碗

11/ 把椰香菠菜白汁倒在飯面

12/ 放上喜愛的熟海鮮，再灑上適量芝士碎

13/ 放入預熱250度焗爐焗約15分鍾，至芝士微焦便完成。

 

Tips: 

- 菠菜煮熟後要徹底搾乾水份； 否則白汁會變成綠色。 

-椰香白汁緊記全程用慢火製作； 及要堆煮至無粉粒， 才可做出滑滑白汁。 

KOS金牌高達椰漿
https://www.ysk-mk.com/product-cate…/coconut-milk-series-hk/
如欲觀看更多食譜分享可CLICK入以下網址：
https://www.youtube.com/channel/UCUY_QwuYhcuO9777Sf01o7w
#甄想記明記 #KOS #簡易食譜 #椰香菠菜白汁海鮮焗飯 #KOS金牌高達椰漿

【滑蛋蒸花蟹】食譜

父親節正日得我同老公兩個； 買咗4隻小花蟹做凍蟹， 雖然細隻， 但超鮮甜！蒸完有D碗蟹汁； 超鮮甜唔想浪廢， 就用其中兩隻加蟹汁做咗呢個【滑蛋蒸花蟹】，剩下兩隻做凍蟹留起比仔仔放工食。 加埋老公最愛嘅豉汁蒸倉魚， 來個2人父親節晚餐！

【滑蛋蒸花蟹】食譜： 

小花蟹2隻

蛋2隻（約100ml）

蟹汁100ml 

清雞湯120ml  (也可用熟室溫清水代替）

***  蛋液 : 蟹汁+清雞湯比例為 1: 2.2

步驟: 

1)  蟹洗淨排在深碟中（肚向上），蒸10分鐘（時間視乎蟹大少）

2)  拿起蟹，倒起蟹汁 ； 過篩備用

3)  蟹揭蓋、去掉奄及鰓； 切件排在深碟中 ； 砌回蟹形

4)  蛋打散後加入蟹汁及清雞湯調勻； 再過篩

5)  把已過篩的蛋汁倒進碟中

6)  先用錫紙蓋碟面；  水滾後放進蓋上蓋； 轉中火蒸10分鐘

Tips: 

**蛋和水份比例為（1：2.2  -  100ml蛋液：220ml蟹汁+清雞湯）

**蛋汁份量多少，同容器質地、深淺都都會影響製作時間，蒸的時間也應自行調節。