(1) 公平伯爵/茉莉茶凍 配 碎腰果糖粒

多謝公平棧上星期送我佢地自家製嘅產品，包括樽裝無糖公平伯爵及公平茉莉茶，同由本地基層婦女製作嘅有機腰果糖。近年為健康著想，飲品都以無糖為主，市面上好少無糖茶賣，呢隻樽裝茶啱哂我。我就用盡樽裝茶同腰果糖創出新鮮配搭嚟答謝公平棧。

呢個簡單茶凍，濃郁茶味配上香脆腰果糖碎，兩種食材味道同口感對比強烈，不錯呀立即變成不簡單。

仲有一個用茶入饌嘅主菜遲D會介紹比大家。

茶凍食譜（每款4杯）：

公平棧樽裝伯爵茶 （無糖） 250g
砂糖 1 3/4湯匙
*蒟蒻粉13g

公平棧樽裝茉茶 （無糖） 250g
砂糖 1 3/4湯匙
*蒟蒻粉13g

*不同牌子蒟蒻粉加水份量不一,請按個別包裝上指示做

裝飾：

公平腰果糖數粒
鮮忌亷小許

做法 （兩種茶味分開處理）：

1）中火煮滾茶加砂糖，至糖徹底溶化 (試味，如需要按個人口味加糖）
2）轉慢火加入蒟蒻粉快手攪拌至粉完全溶化，
3）關火，襯熱倒進容器，
4）置室溫徹底攤凍，雪2-3小時便可倒扣上碟
5）唧上忌廉，灑上敲碎的腰果糖粒便完成。

**亦可伴花奶食，但較平凡，配腰果糖風味較特別。

「公平伯爵」及「公平茉莉」

全港第一個有國際公平貿易認證的樽裝凍茶， 產品名為「公平伯爵」及「公平茉莉」，這樽裝的伯爵茶是第一個本地製造的伯爵樽裝茶，優質的茶葉採自印度大吉嶺公平茶園，不含防腐劑及人造色素，保鮮期短，新鮮好飲。由於是公平貿易產品(以合理價格向農民購買茶葉)，故此消費者購買的話，可惠及發展中國家的生產者(良心消費).  「公平伯爵」及「公平茉莉」現已在百老匯及AMC有售, 公平貿易產品，既有益又可幫農民同基層人士，你地都是支持下啦。

想多了解公平棧請click: 

https://m.facebook.com/FAIRTASTE

「我嘗到的公平味道是...」Facebook活動

另外, 公平棧會於7月22 日至8月23日起在其粉絲專頁舉行「我嘗到的公平味道是...」比賽, 參加者將喝到的公平茶味道寫下 (如可以, 連同簽名), 然後用手機拍下, 及上載至公平棧的fb專頁, 最多人like的就會獲獎。你哋都一齊參加啦。 

Owenmama's Lasagna

上星期去Apita買餸, 見到有個意大利粉Counter，全線特價，見到有包波浪紋的Lasagna好吸引，自己又未煮過，就買黎試下。　不過事先聲明，我做的版本並不正宗，但係絕對簡單同好味，仲唔無咁高卡，因為我淨係ｏ係面層落左芝士，中間完全無加。　

琴晚又係得我地兩母子，最好就係試整新野喇。　　　我係用現成意粉汁（之前特價買落，折左$13一包）足夠整二人份量，全程唔計焗，只係２０分鐘就攪掂。　放左入爐去沖個靚涼，出黎就有熱辣辣ｏ既Lasagna食。　　


食譜（２人份量）

Lasagna ４片　免治牛肉２２０ｇ/ 紫洋蔥（小）１個切粒/ 意粉醬１包 /　 ／Parmesan Cheese 碎 (或其他芝士碎也可) / 茄汁2湯匙 + 糖適量(有需要時調味用）

- 燒熱小許油，爆洋蔥粒，至聞到洋蔥香味便可加入牛肉，炒至牛肉熟透
-下意粉汁，攪勻，煮滾，下茄汁，糖作最候調味，關火備用
- 焗爐預熱至220度
- 燒熱一鍋水，將Lasagna放進，細火煮2分鐘，撈起一開為二備用
- 焗盤先放一層肉醬，舖上一片Lasagna, 再重覆舖上肉醬，Lasagna，
- 在最面一層的肉醬上沙上芝士碎
- 放入焗爐焗20粉鐘就食得啦。

＊＊每隻意粉醬的味道都不一樣，要自己試味，必要時加茄汁/糖調味就ｏｋ了。

上湯大蝦伊麵

上星期朋友到我家打牌加飯聚,  反正抽水買餸, 就敗家D, 買D好嘢大家分享.
當日去見D大蝦好靚, 就買左一斤半, 每人兩大隻, 加埋伊麵底, 呢個係最強組合.

呢個睇落似高吸組o既菜式, 其實一d都吾難, 你都不防試下, 包你d家人朋友大讚㗎.

食譜:

大蝦一斤半


大伊麵2個 (小的3個)

雞湯500ml + 胡椒粉  / 麻油各小許
生粉水適量

蔥粒小許


1) 蝦洗淨, 抹乾剪腳, 剪去頭部尖角備用

2) 易潔鑊中火燒熱油, 下遐半煎炸蝦至熟, 撈起瀝乾油份備用

3) 伊麵用熱水煮熟,  瀝乾放碟上備用
(水滾下麵, 用筷子弄散, 開始便軟便立即撈起, 瀝乾放碟上, 伊麵過熟就會糊, 不好吃, 最好煮完一個再下另一個, 較易控制)

4)易潔鑊中火燒熱2湯匙油, 蝦回鑊略煎兩面, 下雞湯煮滾,即下生粉水推至成薄芡,    將蝦排在伊麵上, 再淋上芡汁,  灑上蔥花便完成喇.

牛脷鮮茄湯意粉 (食譜)

 

前幾有同事問我茄汁湯底點整，我未整過，應承佢呢個星期片會試整，然後share食譜比佢。  Owen前两日話想食牛脷，前晚整左一大條做咖哩牛脷飯，剩下幾件的要嚟配鮮茄湯意粉啱哂,    呢個牛脷超好味, 連食兩日都吾厭呀.

再提一次Owen的食譜只係自家家庭式做法而不是正宗做法，而且一般餐廳會將湯過篩，但我卻这喜歡湯有點質感, 最緊要係不浪費。


牛脷食譜請按此


材料:(二人份量)



去皮蕃茄蓉3/4飯碗(大約一個半大蕃茄)
洋蔥粒2湯匙
蒜頭1粒(剁成蓉)
茄汁3湯匙
茄膏1湯匙
雞湯400ml
砂糖3茶匙

**(茄汁/糖份量請按個人口味調節)
 

1) 易潔煲下少許油慢火爆香蒜蓉，下洋蔥炒至半透明，再下茄蓉
2) 轉中火煮2分鐘，稍為攤涼 ，用攪拌器打把粒狀物打爛
3) 將湯料回煲，加入茄汁，茄膏(預先用半碗湯料混合)慢火煮至完全混合，
4) 下雞湯，慢火煮滾，再下砂糖調味便可

** 全程緊記邊煮邊用木匙攪拌以免黏底。

煙肉焗新薯

上星期o係前太古城Jusco見到$40/條一尺長嘅豬背骨，忍吾住買左两條，星期六整左個仿美式晚餐一家三口歎過夠. 連埋 沙律，焗薯同蒜蓉厚多士，吾駛$120攪掂.

每次整親烤豬背骨, 老公同仔仔食到連手指都吮埋呀!



烤豬背骨之前介紹過, 食譜可按此連結:   簡易烤豬背骨食譜按此.   今次同大家介紹煙肉焗新薯食譜,  係我用做蒜蓉多士用剩o既算蓉牛油, 再先著後焗的方法, 估吾到做到內軟外脆o既焗薯.

材料:

新薯一袋（約一磅）

蒜蓉1茶匙 + 有鹽牛油2湯匙 (室溫放軟備用)混合
海鹽，黑椒小許

煙肉1片（切粒）

奇妙醬3湯匙 + 煉奶小許 (煉奶份量隨意, 調至合自己口味便可)

蔥粒小許（裝飾用, 可免）

1）新薯洗淨，煮分鐘撈起浸冷水15分鐘， 一開二備用

2）易潔鑊燒熱3/4油, 下煙肉粒炸至香脆,撈起備用

3) 焗爐預熱200度

4) 薯粒置焗盤上, 加入蒜蓉, 牛油撈勻,  再灑上鹽，黑椒粒,  放入焗爐焗約25分鐘 (先切口向下, 中途反轉再焗), 至金黃香脆

5) 出爐後在上面淋上奇妙醬, 灑上煙肉粒和蔥粒便完成. 

馬來咖哩雞 + 蒜蓉厚多士 (食譜)

仔仔去謝師宴，两支公簡單地整左個馬來咖哩雞配厚多士條同椰菜花，今餐只係$60，份量仲夠我帶埋明日午飯添。 

琴日買定雞下肶，解凍醃好放入雪櫃, ，今日45分鐘就開得飯，輕鬆又化算呀！

今次店老闆介紹我哋買長莖椰菜花, 比以前食開短腳大花嗰種爽甜好多, $9蚊一大舊, 超值呀. 


馬來咖哩雞食譜按此

蒜蓉厚多士食譜按此 

super sweet - 焦糖雞蛋布丁 (食譜)

 

上星期日父親節今日會一家十二口出去街食海鮮，Owenmama 吾駛煮，只係整負責甜品比屋企人飯後後享用。 飯後眾人嚟晒我屋企, 嚟個小型甜品宴.  

  

 三款甜品分別係:
1) Chocolate Brownies (食譜已出)
2) 焦糖雞蛋布丁 (下見食譜)
3) 軟朱古力咖啡奶凍(創作食譜, 食譜後補)


今次同大家分享焦糖雞蛋布丁食譜. 

呢個甜品最難部份係煮焦糖,吾夠火侯會吾夠香, 過火就會苦.   不過只要小心D, 就一定會成功. 


食譜及用具:

4杯約分量(約2.5吋高, 3吋闊圓鐵模)
(模子要買較高身的, 因到扣下會下塌小許, 所以用高身的較美觀)

焦糖:  

砂糖4湯匙 (大量匙)
水1湯匙

-砂糖與水放長柄铁煲內, 中火加熱, 其間不用攪動, 煮至起泡及開始轉黄色， 拿起煲柄搖動,至琥珀色, 熄火, 加入一湯匙熱水, 繼續搖動至均勻混合成焦糖, 便可倒入模內.

雞蛋布丁

大雞蛋2隻
奶250ml
砂糖3 湯匙

1)雞蛋打散(輕力不要打起泡)
2)奶及糖放小煲內，最慢火加熱至糖溶化便離火，(不用煮滾)，如太熱則稍為攤一凉
3)將奶分三次倒進蛋液，用木匙攪勻
4)把蛋漿過篩入模，每個模匀蓋上錫紙，再用慢火隔水蒸約13分鐘至蛋熟透
5)攤凍後放入雪櫃，雪過夜，用小刀脱模，再倒扣便可食用。