煙肉焗新薯

上星期o係前太古城Jusco見到$40/條一尺長嘅豬背骨，忍吾住買左两條，星期六整左個仿美式晚餐一家三口歎過夠. 連埋 沙律，焗薯同蒜蓉厚多士，吾駛$120攪掂.

每次整親烤豬背骨, 老公同仔仔食到連手指都吮埋呀!



烤豬背骨之前介紹過, 食譜可按此連結:   簡易烤豬背骨食譜按此.   今次同大家介紹煙肉焗新薯食譜,  係我用做蒜蓉多士用剩o既算蓉牛油, 再先著後焗的方法, 估吾到做到內軟外脆o既焗薯.

材料:

新薯一袋（約一磅）

蒜蓉1茶匙 + 有鹽牛油2湯匙 (室溫放軟備用)混合
海鹽，黑椒小許

煙肉1片（切粒）

奇妙醬3湯匙 + 煉奶小許 (煉奶份量隨意, 調至合自己口味便可)

蔥粒小許（裝飾用, 可免）

1）新薯洗淨，煮分鐘撈起浸冷水15分鐘， 一開二備用

2）易潔鑊燒熱3/4油, 下煙肉粒炸至香脆,撈起備用

3) 焗爐預熱200度

4) 薯粒置焗盤上, 加入蒜蓉, 牛油撈勻,  再灑上鹽，黑椒粒,  放入焗爐焗約25分鐘 (先切口向下, 中途反轉再焗), 至金黃香脆

5) 出爐後在上面淋上奇妙醬, 灑上煙肉粒和蔥粒便完成.