自家製咖哩牛脷飯

 

以前去親舊居附近o既茶餐廳食午飯，十次有九次都會叫咖哩牛脷飯，上星期竟然比我見到街市有好難買到ｏ既新鮮牛脷賣
(我屋企附近得一個牛肉店，每日得一條牛脷, 次次都比d餐廳買左) ，終於可以整我最鐘意食ｏ既咖哩牛脷飯喇。  其實除o左

要刮脷胎，真係好容易，整好分開一份份放o係雪櫃，隨時解凍煎一煎就食得。
做法：

-先要出水１０分鐘，然後要襯暖刮去脷胎，呢個係最難ｏ既工序。

-將牛脷放入煲內，水要蓋過全牛脷，(高過1吋)，加3湯匙鹽，八角一粒，小火炆至軟淋。

(我用LC 煲，無乾水，三個鐘攪掂)。

-撈起，攤一會，切片， 用小許油煎至兩面焦香便可淋咖哩薯仔汁佐飯。

**咖哩汁我都係用左利川罐裝，加水，糖調味，簡單直接。

**另一食法，就係襯熱切片，淋上小許炆牛脷o既湯汁 (配水煮薯菜)，就成為太平館o既鹹牛利喇。

**剩下的可以分成2或3件一份, 放在冰格, 食之前取出溶雪, 再煎香就得.