Owenbaba 親自下廚 - 100分晚餐

星期六我正日生日，Owen要練波無join我地食飯，Daddy一早pl ​an定琴晚親自下廚整返餐一家三口再慶祝，佢足足廿年無入過楂過鑊剷 ​，琴日見到佢o係廚房工作，細如切d蔥絲，大至斬雞都如臨大敵，真係好好笑。

佢一早o係我個blog到搵定晒食舖，有d乜野唔識就叫我入去示範，但係我一示範完就立刻趕我出去，唔準我插手喎。 　就算係斬雞，我都係企ｏ係側邊教佢，唔準郁手，不過佢都好有慧根，只係雞胸位碎左d，我幫佢用d蔥花遮醜。

須然佢揀呢幾味都係簡單菜式，但係真係整得好好味，佢好精，堅持要買東星班，因為一定唔會衰咁話，就算蒸過左龍都唔會"鞋"喎。

多謝老公精心為我炮製o既呢餐飯，樣樣都好好味，我比你100分!!