香煎鱸魚柳配白飯忌廉磨菇汁(平民版)

 

星期六老公又係返中更，每逢呢d  weekend,  我都會整碟頭飯同 owen食，簡單d 丫嗎。
前幾日同老公去左太古Simple Life 食lunch,  我叫左個煎鱸魚飯 ，好細件加d飯就收你80幾蚊。

星期六去到街市見d游水鱸 魚賣25蚊條，老闆肯幫我起肉，就自己整嚕，我呢個懶人版簡單到暈，


做法如下：

鱸魚片洗淨抹乾，臨煎先灑小許海鹽同胡椒，用中火煎香兩面，期間用鑊鑊剷輕按魚片，等佢減少外彎。

(切記要原片煎，因為切開煎ｄ魚片會向外彎得很利害(見小圖)，影響賣相，但完件就會無咁嚴重，仲有唔好心急，唔好經常翻動魚片，同翻的時候要小心，否則好易爛。)

汁料我只係用左罐頭忌廉磨菇湯，加適量脫脂奶做成薄芡，　配白飯蔬菜，成個過程都唔駛30分鐘，就有又靚靚又好好味o既西餐食喇。

老公ｏ係Facebook見到碟飯又投訴話我吼佢唔ｏ係度就整靚ｏ野，其實呢個係平民ｏ野扮上菜咋，哈哈。