露荀雞卷

星期一又係得我同Owen食飯，通常我都會整碟頭，簡單快手。　我食午飯去左吉之島諗住買兩件漢寶扒配意粉，點知無得賣，去到凍肉櫃見到雞扒好靚，就買左兩件，整我之前好想整ｏ既雞卷。　　我之前ｏ係出面食午餐食過，不過係卷菠菜做餡，Owen唔鐘意食，我買左大露荀，我諗用佢會易捲ｄ，用埋冰廂裡面ｄ火腿，就成為我自家版本ｏ既雞卷喇。

其實煮野唔係千篇一律，就地取材，只要做出黎ｏ岩自己口味就得喇。　

呢個雞卷好睇又好味，但係一ｄ都唔難，啖啖肉，係另類o既老少平安。

   材料(一人份量)：

     1)    雞扒一件，去皮，兩面灑上幼鹽抹勻備用 (至小醃20分鐘)

     2)   雞扒放微波爐保鮮紙上，舖上一片火腿，再放上露荀段（事先拖水至半熟），

     3) 卷實成香腸狀，將保鮮紙兩邊卷實，再封錫紙。

　 4)   將雞扒放水中煮10分鐘　（時間按雞扒大小調節）

     5) 離火攤10分鐘待定型後撕去錫紙和保鮮紙，吸乾雞肉上的水份

    
      6)   用平底鑊燒熱油，煎的時候可灑上鹽吸黑椒， 煎香雞卷表面便可切開上碟。

隨意配任何口味的意粉/飯，風味一流呀，Owen大讚呢個晚餐無得頂呀。