亂拍青瓜

 

琴日同老公去左公司樓下o既京華飯莊(即係北京樓)食晏，因為好掛住o個度o既茉莉茶薰素鵝，真係好好味架。一坐低，侍應就端想一碟前菜 ，係涼拌青瓜拼素肉粒，d青瓜好好味，不過得幾粒，我同老公都唔夠喉，今日一於整一大碟，襯今晚去阿媽度做節大家食返夠本先。

青瓜處理方法跟蘇絲黃o既方法，切小條，拍扁，再去掉中間籽報份，再用小許鹽醃至出水(我醃左20分鐘)，索乾水份 就可調味。

調味方面，半來想跟佢只用鎮江醋加糖同麻油，但係試味時覺得唔係好o岩我口味，我就用返涼拌茄子的醬汁，另外加埋鎮江醋整，當然仲有我至愛的芫茜啦。
有樣野好怪，我老公一向最討厭芫茜的味度，但係放落涼拌xx上面，佢就無問題，都唔知點解


家人食後評語：
係好入味架，不過家人唔係好鐘意鎮江醋味，因為較濃味，我絕對同意，所以先將Ｄ汁左溝右溝，只落左好少鎮江醋，都好搶味，下次會用返茄子個汁。