豉油雞

琴晚爸媽去阿姨到幫婆婆執倍葬衣，我地自己煮飯食，老公放假，一早就叫佢買定餸, 平時都係咁架，佢買好野，洗好切好我放公就煮得，點知佢買完餸去跑步跌倒，兩隻手背損晒，手腕仲扭傷埋，完全唔掂得水，連郁o下都痛。 買晒餸都局住要煮，今日洗，切，煮加埋洗碗都要一腳踢，我呢世人最怕洗碗，不過無計啦。

一放工第一時間衝入廚房，煮落隻雞先，因為整好仲要攤半個鐘先斬得。　跟住仲要洗洗切切其他餸。 真係一頭煙。
 
平時我整係入去煮，出黎就食，食飽就蹺埋手坐o係疏化，因為老公會一手攪掂晒全部野。 今日就唔同，乜都係我一手做，食完仲要執同洗碗，真係好厭惡呀!

我同老公講，完來平日你係咁多野做架，你唔係整親我都唔會體會到呀，我以後會多d幫輕你架啦。

只好講句 "I've today!! - 我都有今日囉"

 
我係用呀媽傳授的，只係用左老抽，生抽，水同埋沙糖咋，都一樣咁好味架。