大閘蟹，I'm Back!!!

因為有孝在身，不方便去人屋企，d朋友好好，星期六約埋黎我屋企食蟹，d蟹好靚，足５兩，係老三陽買，我地約埋三份人去分一籮，本來要８０蚊，而家５６蚊就有一隻，我地o個份都有16隻架，兩個鑊一齊開，都要分兩次先蒸得晒。　ｄ蟹好靚，爆晒羔，連ｄ腳ｄ係黃食架。

我有幾年無食過大閘蟹，因為試過兩次食完幾個鐘之後都嘔，唔知係太寒定係太肥膩。 但係d朋友咁有心，d蟹又咁平咁靚，一於搏一搏，今次真係無事喎，咁就好喇。   終於可以大聲講：大閘蟹，I’m back!!!