星期四食完晚飯同老公去百街幫阿b買零食補倉，買左一大袋野，行到樓下再買雞蛋，老公拎住大環保袋，我就幫手拎袋蛋。
兩公婆一路行一路傾，忽然聽到“拍”一聲，無錯，係爆蛋聲，同老公傾得太投入，隻手”fing fing”將袋蛋“亨”左落路邊條大石柱度。 返屋企檢查，好彩得一隻裂左，掉左佢又浪費，雪櫃有半包奶，用得唔好晒，加ｄ糖就可以整鮮奶燉蛋，一碗三個人一人食一ｄ，咁就無浪費啦。 我仲加左兩滴雲呢拿香油添，熱辣辣，好香甜，又滑滑添。
材料
大蛋 一隻，奶約 120ml，糖 隨意
＊＊用錫紙蓋面，中火約1０－１５分鐘至熟
沒有留言:
發佈留言