芒果芝士蛋糕 ２００９版本

不過呢d “up dup” o既天氣真係同yahoo 系統failure一樣咁令人沮喪。 星期四係 Anita (我老闆)生日，星期三就o係屋企整蛋糕，構思左整芒果芝士，一放工就去買芒果 ，一返倒屋企就焗蛋糕底，諗住食完晚返攤凍就可以開工整餡，點知攤凍後就成個糕面都潮濕晒(已經開住抽濕機)，要片得比平常厚，有點浪費。 鬼咩，o個日濕度係92%啊)，最後都過了骨。

   

星期四一早起身裝飾個蛋糕，好簡單的加了ｄ生果，仲整左d藝術糖做裝識（昨晚整定放係雪櫃待用），自己都好滿意，滿心歡起拎返公司放入個”陳年壞鬼” 雪櫃仔到雪，點知到臨食拎出黎，d藝術糖竟然溶晒 (可能因為個小冰格無左度門，d積雪令裡面潮)，整番少少殘渣，個面仲比d糖水整濕晒。 我o係屋企d糖花都雪左一晚都無事，竟然咁樣 “臨尾香”，真係沮喪。  

**不過我都比左上面張相佢地睇，叫佢地當d藝術糖仲o係度啦。  

今次用左１個芒果肉磨蓉加半杯jelly 水，再加左半片魚膠片整左個面，亂打亂撞的創作，特登整厚ｄ，都唔錯呀！　最衰o個日我早走無食，話唔到比你知個面層如何，不過同事們就話好好味喎。　（不過佢地次次都係咁”tum"我架啦。）