星期日請客，想整ｄ新菜式，諗起以前老闆個菲菲整豬手好好味（其實佢煮乜都好食）自己就從來未整過，試o下都好喎。（佢個菲菲以經離開左香港喇)，想食好食o既豬手就要自己動手。
呢個菜都唔難整，仲好好味，入口膠膠的，好似充滿骨膠原感呀!
*都係o個句，雖然好味又有骨膠原，不過係高脂，高膽固醇，唔好成日食，一年都係一兩次好了。
做法都好簡單：
豬手一隻 (我再加左條五花腩)
- 斬件(要肉檔代辦，記得叫佢燒左d毛)
- 出水，過冷河
- 燒熱油，放入數片薑片爆香，再放入南乳(料多，用了兩件) 用鑊剷攪至完全溶化，
-贊花雕(小半碗)，炒香，再下豬手
-加水 (剛蓋過材料)，生抽兩湯匙，老抽小許(純粹加色)，冰糖
-大火燒至滾起，轉慢火炆淋，再試味，如不夠味好再加生抽和糖調味。
(我約用了2.5小時)
沒有留言:
發佈留言