自家法式煎鵝肝 配玉桂青蘋果粒 (食譜)

 琴晚迎月夜一家三口提早做節，今次反傳統食西餐，
初次自製法式鵝肝做頭盤，配玉桂青蘋果粒，甜甜酸
酸同鵝肝配，會減低鵝肝嘅肥膩口感,  鵝肝外脆內甘香
好成功呀。

我諗大熟我嘅Blog 友都知我好為食，最鐘意就係喺出
面食完自己鐘意嘅菜式，返屋企整A貨。(呢個鵝肝係上
次喺La Parole食法國菜食過，膽粗粗試整，呢個A貨都
幾對版㗎).食譜見以下圖解：

真空裝鵝肝，細細件，一人一件o岩o岩好。

 青蘋果用欖油，加糖炒一會，加玉桂粉，檸汁，白蘭地煮至金黃，軟身備用。
呢個蘋果甜甜酸酸，會減低鵝肝嘅肥膩口感。

鵝肝室溫解凍，灑鹽，黑椒粒略為調味， 再撲一層博麵粉。

 燒熱易潔鑊，噴一層薄油，中火將鵝肝煎至金黃兩面，（用夾夾起鵝把邊位略煎），但不要煎太久，否則會過熟。

起鑊，用廚房用紙巾吸乾油份，便可上碟。